موضوع فعلا أصبح ظاهر.....هل ترضى بهذا المنظر ..طيب تعمل أيه لو شفته بعينك ...؟؟

**Demirell** · 14-03-2009 11:04 AM

هو yooyaa إتعمل له بان؟

عشان كده كان متضايق

**amrico** · 14-03-2009 11:19 AM

السلام عليكم
بحكم شغلي بسافر كتير وبروح دول من اللي فيها (حريات شخصية) زي اللي بعض الأخوة بيتكلموا عنها
كنت في مرة بتناقش مع واحد زميلي وهو كندي الجنسية
وكان الراجل ده بيحاول يقنعني ان الدول العربية متخلفة واننا عايشين على تكنولوجيا الغرب و و و.... الحاجات اللي كلنا عارفينها
وكمان لقيته بيستهزأ بالحجاب وبالستات اللي بتغطي نفسها بالملابس الحشمة والحجاب الإسلامي الجميل وبيقولي انه ده تخلف وكبت حريات للمرأة و و و .... برضه انتوا عارفين الكلام ده كله
فقولتله تعرف إذا كنتم متفوقين علينا تكنولوجيا احنا بنتميز عليكم كمسلمين بإيه أبسط حاجة ان كل واحد عارف مين أبوه
فلقيته بيقولي انه عن نفسه يعرف ابوه لكن في ستات كتيييييييييييييييير بيسموهم هناك single mothers. ودول بيبقى عندهم أولاد جايين بطريقة (الحرية الشخصية) اللي البعض بيتكلم عليها هنا في الموضوع ده طبعا
وقلتله إذن ايه الفرق بينكم وبين الحيوانات في الشوارع؟
الراجل بصراحة معرفش يرد وطبعا المناقشة اتحولت لصالحي واعترف ان حياتهم قذرة والحياة عندنا في بلادنا (بدون الحرية الشخصية اللي عندهم) اطهر وانظف
دلوقت لو الراجل ده عرف اللي بيحصل في البلد عندنا ده تفتكروا هايبقى في نقطه نتفوق عليهم بيها
أكيد لأ
وبالمناسبة الموضوع انا مجيبتش فيه سيرة الإسلام الحنيف لا من قريب ولا من بعيد لأن في ماشاء الله أعضاء اتكلمم أحسن من اللي هاقولة عن الإسلام وطبعا رأي علماء الدين واضح في الموضوع ده
انا بتكلم عن المواطن المصري أي كان انتماؤه عمرنا ماكنا بنسمع عن الحكاية دي زمان.

**chato_eg** · 14-03-2009 11:23 AM

أنا لى استفسار بسيط
إنتوا شايفين أيهم أكثر جرما
التعامل بالاتجار أو الاستعمال الشخصى للمنوعات فى الطريق العام أم فعل فاضح فى الطريق العام ؟؟

أكيد الناس كلها ( و حتى المؤيدين للحريات الشخصية ) مش مبسوطين تمام الانبساط من مشهد فاضح فى الطريق العام....

لكن دى جزء بسيط من واقع مريييير لحال المجتمع

لكن من ناحية تانية أنا لم أعد أثق فى أبناء بلدى ...فلا يمكننى مواجهة أى خروج عن القانون وحدى لعلمى أن الجميع سوف يكتفى بالمشاهدة و أنى الوحيد الذى يتحمل اللائمة و أى عواقب لمواجهة الخارج عن القانون...

فى حد هنا عنده استعداد لو شاف 4 أو 5 شباب زى الورد قاعدين يشربوا مخدرات جنب البيت إنه يتعامل معاهم شخصيا....
لا أعتقد ذلك...
لإنك لو كلمت شرطة النجدة مش هاتعمل حاجة...
لو رحت لهم بنفسك...هتسمع ما لا يعجبك
لو اتخانقت....هتنضرب علقة محترمة على أقل تقدير و لن يغيثك المارة و الجيران
طيب ما هو كده نبقى سلبيين...فعلا احنا سلبيين سواء فى عظيم الأمور أو توافهها...
يوم ما الناس تقدر تتحد مع بعض على فعل عمل مفيد....و بشكل فورى دون تحضير 100 يوم لشىء يستوجب التدخل العاجل..و عندما ينحى كل منا مصلحته و مصلحة المقربين منه جانبا و يضع المصلحة العامة أولا.....عندما يعود معنى الإيثار مرة أخرى إلى واقع محسوس....
فإنى سوف أحتفل بهذا اليوم عيدا وطنيا

**1.8Tee** · 14-03-2009 11:36 AM

الموضوع محتاج دة:

**AhMeD EzZ** · 14-03-2009 11:51 AM

ايه يا جدعان مبقاش في نخوة خالص
و العالم بتوع الحرية الشخصية انت مش هيجي عليك يوم و تتجوز
مش ممكن مراتك تكون عرضت للموقف دة قبل ما تتجوزها ترضاها دي
حسبي الله و نعم الوكيل

**Rembrandt** · 14-03-2009 12:10 PM

المشاركة الأصلية كتبت بواسطة OlaOsman

لا أتفق مع أصحاب رأي الحرية الشخصية.. حريتك الشخصية يا بابا انت و هي ورا باب مقفول عشان ما تئذوش الناس.. ما ترميش زبالتك في وشي و انا ماشية في الشارع و تقول لي حرية شخصية (و بالزبالة هنا انا أقصد الفعلة نفسها، حتى و لو قبلة) أمال همه سموه طريق عام ليه؟ مش عشان بتاع كل الناس؟ ده حتى العلاقة الحميمة بين الرجل و المرأة بيسموها العلاقة "الخاصة".. معنى كده ان لما الخاص يسيح ع العام و ما نعرفهمش من بعض يبقى بالتأكيد فيه حاجة غلط.

أما بأه مناقشة حتة هل هو منظر مؤذي و لا لأ.. فعذرا، انا شايفة ان دخول نقاش من النوع ده مضيعة للوقت.. المنظر مؤذي على الأقل بالنسبة لي، و لو ماشية مع أخويا هايكون مؤذي لينا احنا الاتنين.. و لو معانا في العربية أمي هايكون مؤذي و صادم و يحرق الدم ليها.. و انا اللي يتسبب في حرق دم أمي شوفوا بأه يبقى إحساسي ناحيته أيه

يا رب يكون أنصار حزب الحرية الشخصية فهموا وجهة نظر أنصار حزب الطريق العام في الموضوع المنيل على عينه ده. و بالموضوع المنيل على عينه مش أقصد الموضوع اللي في الاجتماعي يعني، انا أقصد موضوع النقاش نفسه.

المشاركة الأصلية كتبت بواسطة Bossy_Fadl

عارفين يا جماعة بغض النظر عن الموضوع الاساسي

اقسم بالله انا اكتر حاجة مستغربالها في الموضوع ده كله هو عدد الناس اللي شكروا العضو deee

هل بجد كل العدد ده ممكن يكون مقتنع بالرأي ده؟

انا كنت فاكرة اني لما اسمع راي زي ده في يوم من الايام هيبقي رأي شاذ و متفرد و مش هلاقي اكتر من اتنين مقتنعين بيه

لكن اني اسمي الفجور و الانحطاط حريه شخصية يبقي احنا فعلا في اخر زمن

و الاقي اللي جاي يقول سايبين المجاعات و الفقر و الرشوة و الاعاصير و الزلازل و البراكين و جايين تتكلموا عن ولد و بنت بيبوسو بعض

يا نهار اسود!!!!!!!!!!!!

هو للدرجة دي مبقاش عندنا نخوة كمصريين؟

لدرجة اني لما اشوف حاجة زي دي اقول دي حرية شخصية و مش انت اللي هتصلح الكون و دور وشك الناحيه التانية؟

حضرتك عارف يا استاذ انو حرام اصلا اني ادور وشي الناحيه التانية؟

و انو لازم اني الفت نظرهم او اهزقهم بطريقه او باخري

لانو متل ما حكي العضو المحترم osoo

من راي منكم منكرا....

الي نهاية الحديث الشريف

و لا اول ما يتفتح موضوع زي ده في المنتدي لازم علطول الاقي سادة الحجر الفكري ظهروا و طالبوا بشنق و تكفير ودبح الكاتب لانه بيتدخل في ما لا يعنيه و ( دي حرية شخصية)؟

و تليفزيون ايه اللي بيجيب الموقف من اوله لاخره فاحنا مادام كده كده هنشوف يبقي نشوف علي الطبيعه بالمرة؟

اي نوع من التفكير ده بالظبط؟

هو حضرتك لو عندك ولاد او لما يبقي عندك ولاد و جه منظر زي ده مبتحولش التليفزيون؟؟؟؟؟؟؟؟؟؟؟؟؟؟؟ ؟؟؟

بتسيبهم يكملو المشهد عادي؟؟؟؟؟؟؟؟؟؟

اصل لو ده بيحصل او ممكن يحصل عند حضرتك فده مبيحصلش في كل البيوت

كمان حضرتك ممكن تسمي دي (خصوصيات المصريين) لما (المصريين) يبقوا يعملو كده في بيوتهم مش في شوارعنا و طرقنا الي هي ملكنا كلنا مش ملك شوية عيال بايظة تصرفاتهم لا تنم عن ادني قدر من التربيه.

واضح كمان ان القدر ده من الحرية غير كافي بالنسبة لحضرتك لانو برغم كل ده فأنت شايف برضه ان ( إنت جبت الحرية اللى فى مصر دى منين )

بصراحة مش عارفه ايه اللي ممكن يحصل في الشارع اكتر من كده عشان حضرتك تقتنع ان مصر فيها حرية

بصراحة لو هيبقي هو الدليل ان مصر بقي فيها حرية فأنا افضل اننا نبقي عبيد.

بعدين بالنسبة للاستاذ اللي بيقول اننا داخلين نفضي شحنه الكراهيه و نشتم في مصر.

مصر مين اللي شتمها هلا؟

احنا بنحكي عن ناس

افراد

تصرفات فردية لازم تُنتقد عشان لما ننتقدها ممكن نوصل لحلول

و لو موصلناش لحلول اهو علي الاقل احنا بنعرف ايه بيجري في الشارع لانو مش كلنا بنشوف هيك مناظر

و لما نعرف اهو لينا اخوات و ولاد و قرايب و جيران شباب و لما نتكلم معاهم في حاجة زي دي ممكن بطريقه او باخري يفهموا ان ده غلط و حتي لو مكانوش بيعملوا الغلط بس ممكن يكون ليهم اصدقاء بيعملوه و هما ممكن يوجهوهم.

يكون في نوع من التوعية و الارشاد لاخواتنا و ولادنا

انا بس عاوزة اعرف شعور حضرتك او ردك هيكون ايه لو بتبص في العربيه دي و لقيت البنت دي حد يخصك؟

هل برضه ساعتها هتقول و انا مالي دي حرية شخصية؟

و لا ساعتها بس هتنفجر و تتعصب و ممكن تنزل تضرب الولد ده علقه موت و تقتل البنت دي تحت عجل العربيه؟

عاوزة اقول بس ان اي بنت الواحد يشوفها في الشارع بتتعاكس و لا حد بيضايقها المفروض اي حد عنده كرامة او نخوة هيقف للي بيعاكسها و يوقفه عند حده حتي لو اتضرب لانها اخته في الله.

ما بالك لما يشوف حاجة زي كده من غير ما يعترض و لو حتي بلسانه؟

بتهيالي يبقي عيب علينا

و حتي لو كان اللي بيحصل ده بمزاج البنت

لازم حتي تنبهها و لو بلسانك انك اخدت بالك و ان كده عيب و لو هي بنت فعلا عندها ذرة اخلاق من جواها ممكن اوي ضميرها يأنبها و متكررهاش تاني.

زي ما قولنا

اضعف الايمان

بصراحة اول مرة اخلص رد ممكن يكون صادم لبعض الناس من غير ما اقول سوري لو حد زعل و الاختلاف في الرأي لا يفسد للود قضية

بصراحة يعني

مع احترامي الشديد لكل الاعضاء

المرة دي اللي يزعل يزعل

بنات مصر رجالة بصحيح

جزاكم الله كل خير

**mohamedbook** · 14-03-2009 12:10 PM

انا بشوف الكلام دة علي طريق المطار ليلا
شغل علي ودنة
بنزل قرية البضائع ليل
ولاقي عربيات مركنة وكل واحد معاة وحدة او اتنيت معاهم واحدة وشغلين
ظلام دامس
وبيرة
المهم الشرطة سيباهم ومكبرة دماغهه
وكمان في الحدائق العامة
وكمان في الميكروباص بنت وولد مسكين ادين بعضيهم ولزقين في بعض ومحدش بيتكلم
مشهناول مفيش نخوة او رجالة
مفيييييييييييييييييييييش ديييييييييييييييييييييييي يييييييييييين
انا واحد عمالها مع وحدة في المواصلات والله بهدلتة ولم الدور ونزل
قال رسول الله صلي الله علية وسلم(مانتشر في قوم الفاحشة الا واصابهم الله بامراض لم تكن في اسلافهم)
ايدز
زهري
درن
وبلاوي كتير
ربنا يجنبنا المعاصي
ويميتنا وهو راضي عنا
نسال الله العافية وحسن الختام

**human** · 14-03-2009 12:16 PM

احنا ناس بتدفع رشوه و لو شافت واحد ماسك ايد واحده نقول انحلال اخلاقى

**Rembrandt** · 14-03-2009 12:24 PM

المشاركة الأصلية كتبت بواسطة Demirell

هو yooyaa إتعمل له بان؟

عشان كده كان متضايق

يستاهل عشان طولة لسانة

**deee** · 14-03-2009 01:18 PM

تحياتى ..

بردو مصممين إن كلمة حرية معناها إنك تمشى فى الشارع عريان وعادى مفيهاش أى حاجة .. ميييييييييييين اللى قال كده ؟؟؟؟؟؟؟؟؟؟؟
هو إماكنتش تبالغوا متعرفوش تتناقشوا ؟؟
حرية مش تساوى إنحلااااااااااااااااااااا ااااااااااااااااااااااااا ااااال إطلاقاً ..
مش معنى إنى حر يبأه اروح اسرق واقتل واشهد زور والكلام المبالغ فيه ده ..
ولما حد يتنزنق يقول إيه بأه الرد المعتاااااااااااااااااااد .. طب ترضى إن أختك او قريبتك يعملوا كده ....!!!!

إنت لو جيت خبطت بنت .. تقدر تجزم إنها معرفتش قبلك ؟؟
اتحداك .
أى بنت لما تعرف ولد مبتبقاش عارفه إنه مر بعلاقات قبليها كتير .. ولو عرفت إنه معرفش حد قبليها هتفتكرو مش طبيعى ..
بردو أتحداك ..
فالقصة دى بلاش نتكلم فيها أحسن ..
لأننا أحسن ناس نحب نضحك على بعض ونحب نتمنظر على بعض ..
فى الجواز الاهل ميبقاش حليتهم حاجة ويطلبوا طلبات تعجز وحاجات فوق طاقتهم ويستلفوا ويكتبوا على نفسهم كبيالات وبلاوى ..ليه؟؟
عشان المظاهر ..
الراجل يبأه نفسه يجوز بنته النهارده قبل بكره (لأن البنات عار) ومع ذلك يطلب مهر وشبكة وشقة وفرح يليق والذى منه .. ده ليه ؟؟
بردو عشان المنظرة ....
وعلى رأى المثل (من بره هالله هالله ومن جوه يعلم الله) ..
فقصة إننا نحب نضحك على بعض دى انا مقتنع بيها 100% ..

آنسة او مدام bossy_fadl

منين جبتى إن رأيى ده فجور ؟؟ ده إتهام ظالم وملكيش اى حق انك تقولى عليه كده لمجرد إنه يخالف رأيك ..
نخوة .................................
تعرفى إيه عن النخوة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

انا من رأيى بعد إذنك يعنى إن النخوة دى عبارة عن ..
- أشوف بنت/ولد/راجل كبير/ست كبيرة/طفل صغير اى حد منهم محتاج مساعده ومحتاس أساعده .
-اشوف واحد بيتظلم أدامى وانا عارف الحق وأسكت
-اللى مرضهوش لنفسى مرضاهوش على نفسى ...
وبردو اللى ارضاه لنفسى ارضاه على غير (أظن عدل)
-أعامل والدى ووالدتى بطريقة كويسة
- وهكذا ..
لكن إنى (أتطفل) على اى بنى آدم وأحشر نفسى فاللى مليش فيه وأدخل نفسى فى موضوع انا مليشششششششش فيه عشااااااااان بوسة ..
عرق النخوة ساعتها هينفر والنخوة هتلعب دورها ومش هبأه (راجل)
لأ سورى يبأه النخوة دى متلزمنيش ..

آه التليفزيون كفيل إنه يعرض العملية من اولها لآخرها ..
وطالما الموضوع (فظيع) اوى كده بيتعرض فى التليفزيون ليه اصلاً ..
هو مش التليفزيون بيجسد حياة البنى آدمين فى الواقع !!

الشارع فعلاُ زى محضرتك قلتى لينا كلنا ..
طب وطالما هو لينا كلنا يبأه إنتى تهزأيه بأى شكل من الاشكال ليه ؟؟
مش ده عشان إنتى متحيزة لرأيك ؟؟؟؟ طب وهو كان الشارع ملكك ولاحاجة ؟؟!!!
آه طبعاً مفيش حرية فى مصر ..
لا على المستوى السياسى .. ولا على المستوى الدينى .. ولا على المستوى الاجتماعى
إنتى عايزة تبأى (عبدة) دى حاجة ترجعلك ..
وبردو اللى عايز يزعل يزعل .

Ola osman
أولاً انا مش بابا .. فبلاش نتكلم بالطريقة دى عشان لو إتكلمت بيها مش هتعجب حضرتك أبداً .
لما حد يجيى يرمى زبالة فى (حته تخصك) ساعتها يبأه ليكى الحق إنك تعملى اللى تعمليه ..
لما يجى يقولك أنا عايز آخد بوسة فى عربيتك .. إبأى أعملى اللى تعملي ..
موضوع ان دى علاقة خاصة .. دى علاقة خااااااااصة على المستوى الشخصى مش على مستوى المكان
انا بس بوضحلك المفهوم ..
ومع ذلك انا مقلتش ان اى حد فى الشارع تطلب معاهم علاقة خاصة يعملوها فى الشارع .. واللى فهم كده من كلامى يبأه سورى مبيفهمش ..
الموضوع ده بيأذيكى ... خلاص متبوصيش ... خلصت
صااااااااااااااادم .. مش شايفة إنها كلمة تقيلة على الحدث ؟؟؟
إنتى عندك مشكلة او اى حاجة من الموضوع ده .. شايفه إنها حاجة صادمة .. بردو دى مشكلتك .
أستاذ amirco
بلاش نتكلم فى موضوع الاولاد الغير شرعيين هنا .. عشان إنت عندك أعلى نسبة أطفال شوارع ..
ولا هما أطفال الشوارع دول كانوا عايشين فى بيت وأب وأم والحياة زى الفل وهما راحوا للشارع والكبارى بمزاجهم !!!
وإحتولوا لمجرمين بردو بمزاجهم ..ومش لاقيين ياكلوا بردو بمزاجهم ..
على الاقل بره مرموش الانسان ده فى الشارع ..
فبلاش النقطة دى بردو عشان اللى بيته من إزاز ميحدفش الناس بالطوب ..

أستاذ chato
أتفق معاك 100%
ولو إنى شايف بردو إن واحد بيبوس واحدة دى مش جريمة .

Human 12

خير الكلام ماقل ودل .

الموضوع: موضوع فعلا أصبح ظاهر.....هل ترضى بهذا المنظر ..طيب تعمل أيه لو شفته بعينك ...؟؟

LinkBack

أدوات الموضوع

عرض

-

-

-

-

-

-

المواضيع المتشابهه

نوارة نجم : يا ترضى بحكم الشعب يا ترضى بحكم الجيش يا تقعد ساكت

موضوع مقرف فعلا

ياريت ياجماعه اعرف الاسعار دي ويكون موضوع جديد لان فيه موضوع موجود فعلا بس قديم

الكلمات الدلالية لهذا الموضوع

المفضلات

المفضلات

ضوابط المشاركة