انا معرفش انه بيفرق يا استاذ محمد
عرض للطباعة
هو الفرق فى القطر الداخلى فقط... يعنى كا تركيب الاتنين يركبوا على بعض... ماستر النوبيرا قطرة 22 مللى و بتاع اللانوس 20 مللى فقط
الحقيقة ممكن يكون الموضوع دة تجربة حلوة لسبب... انا فكرت فى القصة دى كا تعديل صغير للفرامل بتاعت اللانوس
نظريا لو ركبت ماستر اكبر على فرامل اللانوس رد فعل دواسة الفرامل حيتحسن و حتعلى عن الاول لان كمية الزيت اللى بيضخها الماستر الكبير اكتر من الماستر الصغير و بالتالى تاثيرة حيبقى اقوى على ماستر العجل... دة ممكن يصاحبة تقل بسيط فى دواسة الفرامل بس معتقدش ان التقل حيبقى مزعج
انا فكرت فى الكلام دة من الناحية النظرية و معملتوش عملى و ان كنت جربت العكس (الفرامل المعدلة بالماستر الصغير) و كانت الدواسة واطية شوية و خفيفة عن دلوقتى حاجة بسيطة
لو مفيش مشكلة بينكم على اجراء التجربة دى تبقى حاجة هايلة و نشوف النتيجة بشكل عملى... الموضوع يرجع ليكم
MMamdouh
هي فكر ة كويس يا محمد باشا ..........بس ليا سؤال فني برضة هل لما نركب الماستر الاكبر بتاع النوبيرا علي اللانوس ينفع من غير أي تعديلات؟؟؟؟؟؟؟؟؟ طيب ضغط زيت الفرامل لما يزداد من قوة الماستر الكبير ما يخليش أي خرطوم من بتوع الفرامل يضرب مثلا؟؟؟؟؟؟؟؟؟ وبتهيألي معدل تأكل التيل والطنابير حايزداد في الحالة دي ولا ايه ؟؟؟؟؟؟؟؟؟؟؟
الماستر الايطالى بيجى من غير خزنة زيت او بلوف... و بالتالى كل اللى حتعملة انك تاخد الخزنة و البلوف من الماستر القديم تركبهم على الجديد
لا خالص... لاحظ ان الماستر دة هو اللى راكب فى اللانوس ال 1600 و انا مركبة فى عربيتى من سنة و شوية و مفيش اى مشاكل و الحمد للهاقتباس:
طيب ضغط زيت الفرامل لما يزداد من قوة الماستر الكبير ما يخليش أي خرطوم من بتوع الفرامل يضرب مثلا؟؟؟؟؟؟؟؟؟
معدل تاكل التيل و الطنابير مرتبط بطريقة استخدامك للفرامل... يعنى لو استعمل الفرامل بعنف حيبقى معدل التاكل عالى و العكس بالكس... كون الماستر كبير او صغير دة حيفرق معاك فى رد فعل الدواسة فقطاقتباس:
وبتهيألي معدل تأكل التيل والطنابير حايزداد في الحالة دي ولا ايه ؟؟؟؟؟؟؟؟؟؟؟
MMamdouh
شكرا لك يا خبيرنا /محمد ممدوح.................يعني تأثير الماستر الاكبر حايبقي علي سرعة رد فعل الدواسة فقط ولا حايقوي الفرامل؟؟؟؟؟؟؟؟؟؟؟ بما يقارب قليلا من تعديلك الشهير للفرامل..............
ايوة و لا
ايوة لو انت اتعاملت مع دواسة الفرامل زى ما كنت بتتعامل معاها قبل التعديل و بالتالى المسافة اللى حتدوسها على الدواسة حتديك قوة فرملية اكبر لانك بتعمل ازاحة لكمية اكبر من زيت الباكم فى نفس المسافة
و لا لو انت دوست على الدواسة بعد التعديل عشان تديك نفس التاثير الفرملى... بس هنا حتلاقى نفسك بتدوس الدواسة لمسافة اقصر للحصول على نفس التاثير الفرملى
التعديل بتاعى يختلف كتير عن الكلام دة لان انا مركب مساتر عجل اكبر و طنابير اكبر و بالتالى بقدر احط حمل اكبر على الفرامل بدون خوف
MMamdouh
يبقي نعتبره تعديل بسيط ووممهد للتعديل الكبير (الكالبرات والدوشم والطنابير والتيل)
بالضبط
MMamdouh
http://www.postimage.org/Pq1ADZ80.jpgمش هو ده المستر بتاع الفرامل يا مستر/ محمد.................. :shine[1]:ياتري الفك والتركيب فيه فن يا محمد باشا يعني أشيل مستر اللانوس وأركب بتاع النوبيرا علي طول يعني بطلع هواء من الفرامل مثلا بزود زيت فرامل قد أيه ونوعه أيه كده يعني عشان بفكر أعمل الفكرة دي