أيه رأيكم يجماعه نعمل مقابله نتجمع فيها ونتعرف على بعض ونتبادل فيها المعلومات والى عندو مشاكل نحاول نحلها
عرض للطباعة
أيه رأيكم يجماعه نعمل مقابله نتجمع فيها ونتعرف على بعض ونتبادل فيها المعلومات والى عندو مشاكل نحاول نحلها
21 واحد شهدو الموضوع ومفيش ولا واحد قال رأيه الظاهر أنى بتكلم فى سراب
ليه يا عم واحنا مش اتقابلنا انهاردة
ياباشا أنت حاجه تانيه بس لو تلاحظ أن ناس كتير قرأت الموضوع ومحدش فكر يرد حتى
واحدة واحدة كله جاي في السكة مستعجل ليه
لما محمد هلال يرجع بالسلامة من الغردقة ممكن نرتب مع بعض ونتقابل وكدا نبقى 3
وهكذا لحد منعمل مجموعة كبيرة
أن شاء الرحمن
انا جيت يارجالة
لسة واصل النهاردة والجو كان وحش جدا ! الهوا شديد لدرجة ان الطيارة كانت بتتمرجح وقعدت اتشهد خمسميت مرة . الحمد لله
عالعموم ياباشا انا فاضي لمدة اسبوع ونزبط يوم كدة ونتقابل ان شاء الله .
طيب جميل
حمد الله على السلامة ونظبط كدا ونشوف
أنا معاكوا ان شاء الله يارجالة...ماتنسوش تبلغونى
طيب كل واحد فينا يقول الميعاد الى يناسبو ونحاول نقربها من بعض ونتقابل أن شاء الرحمن
بالنسبة لي
الخميس أو الجمعة على الساعة 8.30 مساءً
بالنسبالى مفيش مشكله طب المكان
الملعب
ودا طبعاً الحرفيين
مفيش مشكله نشوف بقيت الناس هتقول أيه ونتفق أن شاء الله
لو قبل شهر 4 ياريت يبقى يوم جمعة علشان عندى ضغط شغل.ونظبط قبلها الميعاد اللى يناسبنا كلنا.
وياريت تخلوها فى مكان فى مدينة نصر أو مصر الجديدة أو شيراتون أو
أى مكان تانى مش شرط دول علشان الحرفيين بتبقى زحمة فى الوقت دة.
معنديش أي مشكلة بس أهم حاجة يبقى في مكان صديق للبيئة علشان بتضايق من دخان السجاير
ههههههههههههههههههههههههه هههه
لا انا فعلا مبحبش ريحة الدخان
حقك ياباشا تشم هوا نضيف شفت رد اورجينال عليا عامل أزاى هو أزاى الواحد بيوصل لعضو فعال أو عضو فضى أو برونزى
حقيقي مش عارف ممكن تسأل الإدارة
طيب انا شايف كلام عن المقابلة وكلة بيعزم علي بعض انا شايف الاغلبية بتقول الجمعة طيب اشطة الجمعة إن شاء الله الساعة 8 عند النساجون الشرقيون الي في شيراتون !
الي موافق بس يدينا خبر
طيب مكان جميل
إن شاء الله
أنا موافق
يالله عالبركة ان شاء الله اول الموافقون المهندس اسامة
عقبال الباقي
أنا بس مش عارف المكان ياجماعه فين لأنى ساكن فى الهرم ومرحتش هناك ممكن تقولوى أروح أزاى
ولو ممكن يبقى المكان فى كارفو بحيث أننا ممكن نلاقى مكان نركن فيه من غير ماحد يدايقنا
المشكلة ان الخميس والجمعة كارفور بيبقى زحمة جداً
انا ساكن في فيصل ممكن اقابلك في الهرم ونطلع مع بعض
انا لسة شايف الموضوع دلوقتى, لو كدة يبقى 90% هاجى و هجيب معايا الكاميرا كمان.
موافق على الزمان و المكان.
أنا ساكن فى اسكندرية بس قولولى على الميعد وربنا يسهل وآجى لو الميعاد مناسب...
ميتهيئليش الميعاد يو الجمعه الساعه 8 عند النساجون الشرقييون الى فى الشيراتون
لسه على معادنا زى ماأحنا يوم الجمعه الساعه 8 مساء ولا فى حد رجع فى كلامو طبعا م/ أسامه هيجى وسناكسون2 أنا هتصل بيه وأقابلو ونروح سوى عايزين بقى رد من أكسلانس ومن محمد جمال
وبيتهيئلى أبيزا كان معانا فى الموضوع ولا أيه
أنا الجمعة مش فاضي، علشان حخلص نص زيارات عيد الأم
بس بكرة موجود في الحرفيين على الساعة 8 بالليل
هوا الميعاد ده إن شاء الله مش هيتكرر؟؟
طيب عايزين تقرير مصور بعد المقابلة..
طب نشوف بقيت الناس ولو كده يبقى نأجل الميعاد لوقت تانى لأنى مسافر بكره وهرجع الجمعه المغرب أن شاء الله
هو أنا كنت هاجى من السفر على المقابله علطول
إن شاء الله الجيات أكتر من الريحات