ممكن تشارك وتقولنا انت بتحب العربيات او هاويها من امتى ؟
ومتى بدأت تهتم بها ؟
عرض للطباعة
ممكن تشارك وتقولنا انت بتحب العربيات او هاويها من امتى ؟
ومتى بدأت تهتم بها ؟
أنا بصراحة مش معتبرها هواية ، هى عندى درجة أقل ، ممكن إهتمام زى ما حضرتك سألت ، وإهتمامى بالسيارات بدأ من حوالى عشر سنوات على خفيف ، لكنه تطور جدا وبسرعة منذ معرفتى بمنتدى كونتاكت من حوالى عام ، وتطور أكتر وأكتر بعد انضمامى لأسرة نايل موتورز من إبريل الماضى.. لكن بعد كده إهتمامى ملاحظ إنه أصبح بالمنتدى كتجمع بشرى رائع ونادر أكتر من اهتمامى بالسيارات فى حد ذاتها.
من وانا صغير جدا قبل ما ادخل المدرسه... كنت اقعد على الشباك و اشوف كل العربيات اللي في الشارع و اتحدى نفسي اني اعرف اسم كل عربيه :mrgreen:
كان عندي الموضوع ده .......... انت عرفته منين :mrgreen: :mrgreen: :mrgreen:اقتباس:
و اشوف كل العربيات اللي في الشارع و اتحدى نفسي اني اعرف اسم كل عربيه
انا إهتمامي بالعربيات من و انا طفل في ابتدائي ، كنت بشتري مجلة سبور اوتو و عالم السيارات مجلات لبنانية مش عارف لسه بتطلع و لا لأ
اساس الهواية حبي للرسم و أنا اساسا مهندس ديكور عشان كده لحد دلوقتي اللي بيشدني لأي عربية شكلها و شكل الصالون و مفهمش أي حاجة في الميكانيكا
بعد كده بطلت الهواية لفترة عشان اكتشفت إني اخري 128 و عربية ابويا القديمة اوبل كاديت كان جايبها معاه من بره و بعناها بعد ما بهدلناها انا و اخواتي ب 2500 جنيه
دلوقتي مع الإنترنت رجعت للهواية تاني مع نايل موتورز و المواقع العالمية و مواقع شركات السيارات بس لسه مبفهمش حاجة في العربيات كتقنيات كل اللي يهمني الشكل و الصالون و الصالون اكتر ، التابلوه و انواره اهم حاجة بالنسبة ليا و ما زالت لدي موهبة رسم العربيات ،يا ريت حد يقوللي إزاي انزل صور علي الموقع عشان اتحفكم بتصميماتي الإبداعية
انته متعرفش ان من عينيك اقدر اقولك كل اسرارك! 8)اقتباس:
المشاركة الأصلية كتبت بواسطة أبو عبدالله
لأ بجد... في ناس بيبان انها بتفهم في العربيات من العربيات اللي بيركبوها :wink:
يا بشمهندس ده تصميماتك تنور المنتدى زي ما انت منورنا والله
كل ما عليك انك ترفع الصور على اي موقع رفع صور مخصص لذلك
وبعدين تكتب اللينكة بتاعت الصورة داخل الموضوع الذي سيتم طرح التصميمات فيه
وييتم الضغط على IMG قبل وضع اللينك ثم تضع اللينك ثم تعاود الضغط على IMG مره اخرى
انا طلعت لقيت كل قرايبي اللي اكبر مني بيرواحوا يتسابقوا بعربيات و عندهم عربيه تجارب في البيت لما وصلت 12 سنه اشتركت انا و 4 قرايبي في البيت عندنا اننا نشتري عربيه و كان الاختيار كمارو :mrgreen: و بدا الاهتمام من اول من نغسلها و ابن خالي الكبير كان عنده رخصه و يسوقها و نقعد نشتريلها قطع ( ايااااااام ) بس خلاص بقت مرحومه من اللي حصل فيها :mrgreen:
لأ بجد ده كتير عليا ، ربنا يخليك يا باشااقتباس:
يا بشمهندس ده تصميماتك تنور المنتدى زي ما انت منورنا والله
كل ما عليك انك ترفع الصور على اي موقع رفع صور مخصص لذلك
وبعدين تكتب اللينكة بتاعت الصورة داخل الموضوع الذي سيتم طرح التصميمات فيه
وييتم الضغط على IMG قبل وضع اللينك ثم تضع اللينك ثم تعاود الضغط على IMG مره اخرى
انا ابتديت العربيات وانا عندى 4 سنوات
كان اجمل هدية بابا يجيبهالى عربية لعبة ،ومكنتش بحب العربيات الكبيرة اللى بالبطارية لكن بحب العربيات الماجوريت والماتش بوكس الصغيرة علشان شبه العربيات الأصلية بالضبط
وكنت مدمن ماجوريت وفى وقت من الاوقات كان عندى اكثر من 200 عربية ماجويت، كان تمن الواحدة وقتها جنيه وعشرة قروش، اما تمن العربية اللى معاه مقطورة 150 قرش، الكلام ده من 25 سنة، هيييييييييييييه دنيا (اخواتى الصغيرين تولو امرهم لاحقا وحولوهم الى خردة)
وكنت بتضايق جدا لما الدهان بتاع عربية منهم يتجرح
ابتديت اتعلم ميكانيكا العربيات من ساعة ما دخلت كلية الهندسة ومن قبل ما اتعلم السواقة ، كان كتير الجيران ينزلوا من البيت يلاقونى نايم تحت عربية من العربيات وبرسمها من تحت ، بس بعد ما عرفوا انه لا خطر منى لم يتطوع احده بإبلاغ مستشفى الأمراض النفسية والعصبية
اول مرة سقت حاجة كان وانا عندى 12 سنة سقت جرار زراعى، واول عربية كان وانا عندى 17 سنة لكن ستقها مرة واحدة ومجتليش فرصة تانية لحد ما بقى عندى 23 سنة واشتريت اول سيارة لى من فلوسى واتعلمت عليها السواقة مع نفسى، ومن ساعتها وانا بفك واركب فى عربيتا لحد ما جسمى كله بقى آثار جروح وحروق من فك وتركيب الأجزاء الثقيلة والحادة والساخنة،
وشكلى برضه لسة محرمتش
ياااه
+ السلطاناقتباس:
المشاركة الأصلية كتبت بواسطة Dr Ahmed
انا كانت العربيات هواية عندى و انا صغير و كنت بافرح جدا لما اقدر احوش و اجيب عربية جديدة (كانت لو فاكر من شركة Mattel) و بعدين الواحد كبر و كنت اعرف موديلات العربيات و لما والدى جاب اول عربية اتعلمت السواقة من حضورى لدروس مدرسة قيادة السايرات معاه و كان بيسبنى اركن العربية او اسواق لما نروج كنج مريوط ، و بعد الواحد ماتجوز نسيت العربيات لحد من سنة لما الامكانيات سمحت انى اشترى عربية و رجعت تانى اقرا كل اللى ممكن اوصله عن العربيات و فى الطريق اتعرفت على نايل موتورز و اخير اشتريت عربية فابتديت يبقى عندى خبرة عملية مش كلام نظرى و بس
انا بردو العربيات عندي هوواية من و انا صغير بس انا كنت احب اشوف شكل العربية لائق علي صاحبها و لا لأ ؟؟
يعني كتير بحس كل واحد بتكون عربيتو شبهو بالضبط : :wink:
و كنت هواية اللعب بيهم اوي ...
اتعلمت السواقة من وانا في رابعة ابتدائي
لحد الوقتي متعتي هيا العربية
لما اكون مخنوق ممكن انزل اغسلها بايدي .. ارتاح
انزل اجيبلها حاجة .. كده
علي فكرة انا بعتبرها حبيبتي و مسميها نور
و كل ما اقول لحد اقولوا نور بعافية شوية و كده
السلام عليكم ورحمة الله وبركاته
الموضوع ده لذيذ قوي وبصراحة رجعتونا اكثر من 20 سنة للوراء
انا بقي كنت بقعد في الشباك واعد العربيات اللي تعدي واشوف هتعدي كم عربية من نفس النوع وكانت اغلب العربيات ايامها بيجو وبعد كده مكنش لي اي هواية في العربيات سوي ان كان نفسي يبقي عندي عربية بتاعتي وخلاص لان والدي عمري ما خلاني اسوق عربيته وبعد كده لما اتجوزت زاد عندي الاحساس قوي ان لازم يبقي عندي عربية واسقها حتي لو هدخل بها في جبل المهم اسوق ثم اتعلمت السواقة علي كبر من سنة ونصف بس واشتريت العربية اخيرا والحلم اتحقق وللامانة لسة بلاقي متعتي في اني اسوق العربية وامشي بها حتي لو ساعات مبزهقش " شكلي هسيب الحسابات واشتغل سواق " :oops: :mrgreen:
1+اقتباس:
المشاركة الأصلية كتبت بواسطة sab3aawy
بعد كدة حبيت اعرف الموتور بيشتغل ازاى... يعنى البنزين اللى بيتحرق دة بيمشى العربية ازاى فا جبت كتب عن الميكانيكا و بدات اقراء و كنت بروح مع والدى للميكانيكى و اشوف اللى قريتة فى الكتب على الطبيعة... الكلام دة فى اعدادى تقريبا
بعد كدة بدات انا افك و اركب بايدى و افهم العيب اللى فى العربية جاى منين و اعراضة ايه لحد ما بقيت اروح للميكانيكى و انا عارف ايه العيب و ايه اللى عايز يتغير
لما جبنا الدايو لقيت القصة دخلت فى حساسات و رشاشات و اخترعات فاحسيت ان لازم اتعلم تانى فا دخلت على فورم على النت خاصة بالدايو و كان فيها حوالى 10000 مشاركة... انا قريت معظمهم خلال شهر و نص لحد ما عرفت معظم المعلومات اللى عندى و بدات ازود عليها من خبرتى السابقة فى العربيات لحد ما بقيت من الناس المعروفة فى الدايو
بعد كدة بدات انا اشترى عدة كاملة تبقى معايا على طول و كان معايا صديقى مصطفى و بدانا نعدل فى العربيات لحد ما ركبنا التربو فى النوبيرا و بعديها ال BMW... و مازال مشوار التعليم مستمر و حب السيارات فى زيادة :wink:
MMamdouh
والله بجد موتني من الضحك مش عارف ليه يمكن علشان لواحد بيتبهدل في الشوارع بالعربيات اللي بالآلاف امال انت كنت زعلان على اللي بجنيه ومكنتش عارف ايه اللي هيحصلك في البلد دي لما تكبراقتباس:
وكنت بتضايق جدا لما الدهان بتاع عربية منهم يتجرح
فكرتني بأبويا كان لفتره مكنشي راضي يشتري عربيه وكل ما نقوله يقولهم محمد هيفكها تاني يوم وكان بجد خايف علشان الدراسة بتاعتي ومشغلشي وقتي لأنه متأكد أني هفكها هفكها وقد كاناقتباس:
ابتديت اتعلم ميكانيكا العربيات من ساعة ما دخلت كلية الهندسة ومن قبل ما اتعلم السواقة ، كان كتير الجيران ينزلوا من البيت يلاقونى نايم تحت عربية من العربيات وبرسمها من تحت ، بس بعد ما عرفوا انه لا خطر منى لم يتطوع احده بإبلاغ مستشفى الأمراض النفسية والعصبية
فعلا ودي شئ ملاحظ في الأمبريزا :D :D :Dاقتباس:
لأ بجد... في ناس بيبان انها بتفهم في العربيات من العربيات اللي بيركبوها
بدأت القصة معى منذ سنوات الطفولة وأظن ان عمرى كان وقتها حوالى 4 سنوات وكنت امتلك الكثير من السيارات الصغيرة التى تعتبر مثل النماذج ولكن بالطبع اقل تقنيا, المهم كان عندى هواية اغرب, انى افك العربيات الى ببطارية دى علشان اعرف جواها ايه وبالطبع مكنتش بعرف اركبها تانى وكنت معروف فى البيت بالمُخرب, لحد ما وصلت لسن ال 14 سنة تقريبا وابتديت احاول اتعلم القيادة لكن والدى كان بيرعبنى وهو راكب جمبى ( حاسب الناس, حاسب العربيات, حاسب القطر!! )
المهم اتخذت القرار ان اخد العربية واركبها لوحدى :twisted: وكنت باخد المفتاح من على المكتب وانزل اعيش حياتى بالعربية لحد ما والدى اكتشف الموضوع وطبعا بعد الترويق عان المفاتيح, الموضوع كبر فى دماغى وقررت انى اخد العربية برضة وبما انها كانت ولا زالت " فيات 124 " فكان فتح الباب سهل بالسلك المشهور وتدوير الكونتاكت سهل برضة عن طريق السلوك ( لاحظوا انى بتكلم عن مراهق عنده 15 سنة ومتسألونيش عرفت الكلام دة منين ) وابتديت اخد العربية وانزل اتمشى بيها فى البلد والحقيقة كنت بسوق كويس بس كنت بحب اعمل بطل وامريكانى وخمسات وكدة لحد ما جه يوم ودخلت فى الرصيف والعربية اتقلبت وحصل الى حصل ووالدى عمل مفتاح سرى للكهرباء علشان معرفش اخدها تانى :mrgreen:
وحتى الان لا استطيع قيادة سيارة والدى وبصراحة بقيت بخاف اركبها .!
واضح إن كلنا كنا بنعاني مع أهالينا عشان يدونا عربياتهم
هل يا تري بعد ما بقتوا أباء امتي هتدوا اولادكم عربياتكم و هتبتدوا تعلموهم سواقة إمتي و هتعملوا ايه لما كل العادة يجي يقولك يا بابا العربية خيشت
بالنسبة ليا اعتقد ممكن ابتدي اعلمه يحرك العربية لو عنده تسع سنين إنشاءالله
بصراحة برده مش اعايز اديله العربية ، بفكر ازحلقه علي عربية امه لو رضيت إنشاءالله
لو خيشيلي العربية مش عارف :lol: :lol: يا ريت يكون ناصح زيي و ميقولش لحد و يشوف حد يصلحاهله سكيتي
فكرتني يا عبدالله... كان عندنا عربيه بيجو 305 و انا في تانيه اعدادي... كنت قبل الفجر بشويه اسرق... قصدي استلف المفتاح من جيب بابا الله يرحمه و اانزل ادور العربيه و اقف بيها بعيد اسخنها (صوتها كان عالي لأن الموديل ده كان فيه مشكله في تصميم الكامه)... و بعدين اروح الف بيها في الشوارع.. و كنت ارتوح شارع البحر اللي بيكون زحمه في الأوقات العاديه و ابقى مش مصدق نفسي اني سايق العربيه هناك. في الآخر ارجع بالعربيه و اطفيها قبل ما اوصل تحت البيت و اسيبها تمشي باندفاعها "علشان الصوت" و اركنها و اطلع ارجع المفتاح في جيب بابا تاني :Dاقتباس:
المشاركة الأصلية كتبت بواسطة Abdallah
نظريا بدأ حبى للسيارات من سن 9 سنين كنت بركب عربية أبويا و هيه مركونه و أحط أيدى على الدريكسيون و أجيبه يمين و شمال و أشد الهاند بريك و انزلها تانى و بعد كده و أنا فى أولى ثانوى خليت واحد صاحبى يعلمنى إزاى أطلع بالعربيه من وضع الثبات يعنى أدى الغيار الأول و أعمل ميزان برجلى لحد مل العربيه تمشى و علمنى برضه ازاى أوفق الغيارات و بعدين أنا طبقت الكلام ده على عربية أبويا لحد ما خليته يجيبلى عربيه بعد الثانويه العامه و الحمد لله دلوقتى بعتها و جبت أرجنتا ربنا يحفظهالى و يكفينى شرها :wink: :wink:
انا بدايتى مع العربيات فى سن صغير حوالى 6 او 7 سنين
كان فى ناس قرايبنا جايبين عربية بم ام الفئة الثالثة او الخامسة معرفش بس كوبيه بيضاء يفرش جلد و تجهيز سبور من المانيا
فكان حلم حياتى انى لما اكبر ابقى طويل زيهم, اشرب سجاير زيهم و اهم حاجة يبقى عندى بم ام زى دى
و من ساعتها بدأ تعلقى بالعربيات, و بقيت مهتم جدا انى افضل اتابع اى حد بيسوق, طريقة سواقته, بيستعمل المرايات فى ايه, الفتيس, كل ما يتعلق بالعربية
و كنت بروح مع والدى للميكانيكى و افضل اتفرج و اتابع ايه اللى بيعمله
لكن اول احتكاك لى مع السواقة كان و انا عندى 11سنة, كان عندنا عربية بسواق 131, و طبعا بما انى اكبر اخواتى, فأى مشوار انا اللى بروح معاه, و اكيد استغلت نفوذى و خليته يسيب لى العربية اسوقها :twisted:
والدى مكنش ممانع, خاصة ان المنطقة عندنا هادية و انا مش متهور, بس لازم يبقى حد معايا
و انا فى 3 اعدادى قدرت استخلص موافقة بصعوبة من والدى انى اسوق العربية زى ما انا عاوز فى المنطقة بس, و بعد مفاوضات و حلفان انى مش هسوق بسرعة و الحاجات دى, تم الموافقة انى اخد العربية لكن فى المنطقة فقط, يعنى مطلعش على الكورنيش او اتوستراد
سواقتى لوحدى كانت ممتعة, لكن اللى علمنى السواقة بجد هو صاحب العربية البى ام البيضاء :)
قبل اما اطلع الرخصة بسنة كان بينزل معايا و نفضل نمشى بالعربية فكل حتة فى القاهرة, و اول مكنا سقت فيه كان طريق المطار, فعلا ده اكسبنى مهارات و حاجات ممتازة فى السواقة و هى اللى خليتنى يبقى مستواى كويس
يعنى لفت الايام بقيت طويل, و الحمد لله محطتش سيجارة و لا مرة فى فمى, ناقص بس البى ام البيضاء (اوعدنا يا رب)
طبعا او انا فى صغرى كنت بحرص انى احاول اجمع النمازج الصغيرة (المعدن) بتاعة العربيات, لكن للاسف لم اوفق :(
أنا اتعلمت السواقة وأنا في أولى اعدادي , واحد جاري سوري علمني و كنت باروح معاه هوا و اصحابه و هما بيفحطوا في البر و اتعلمت التفحيط فبل ما اتعلم امشي في الشوارع ,,,
بس ده اداني خبرة كويسة قوي
أول سيارة أحركها كانت لينكولن
أول سيارة امشي بيها في الشارع مازدا 929
أول سيارة بتاعتي بي ام موديل 80 320 كوبيه (أحلي عربية ركبتها في حياتي )
بس كانت مفلساني أول بأول :wink: :wink: :wink:
مقدرش اقولك لأنى معرفش لأنى طلعت لقيت نفسى بحب ومهتم بالعربيات
أول حاجه سقتها كانت جرار زراعى صغير جدا فى مزرعه خال والدتى فى كفر الزيات وكان عمرى وقتها 6 أو 7 سنين وكل اللى عملته إنى إتحكمت فى الدركسيون وكل الدواسات كانت متظبطه إنه يمشى بسرعه المشاه لأنهم كانوا ماشيين جنبى
أول عربيه سقتها كانت 128 وكانت بتاعه الشغل بتاع بابا وكان عمر ى آنذاك 11 سنه
أما أنا ليا قصة مع السيارات لما كان عندى 12 سنة أول عهد ليا مع السيارات وكنت بحب أركب العربية وهى واقفة وأقعد ألف الدريكسيون لغاية ما يسوجر منى وأنزل من العربية وكان عندنا عربية تويوتا تيرسل موديل 96 ولما دخلت الثانوى بدأت أرسم السيارات أنا بحب الرسم جدا وبدأت أرسم السيارات لغاية دلوقتى المهم أنا اتعلمت السواقة وأنا فى ثانية كلية كان عندى 21 سنة وطلعت الرخصة بعد سنة من تعليمى السواقة وبعد كده والدى باع التيرسل وجبنا شاهين 1400 موديل 2003 ولازالت معانا وأنا اتعلمت السواقة الاول على عربية خالى لادا 2105 وبعد كده عالشاهين ان شاء الله فالمقابلة أوريكوا صور السيارات اللى رسمتها من دماغى :)
ياة انا السيارات فى دمى و انا صغير خالص حوالى 4 سنين كان كل ما ابويا يقولى حجيبلك هدية اقولة عاوز عربية بالريموت :D و كنت اقعد اعمل اختبارات :D :D اقعد احط شوية خشب بتاع لعبة مش فاكر اسمها اية بس هية لعبة بتعمل زى برج من الخشب و تقعد تشيل حتة حتة من الخشب لحااد ما تقع المهم و كنت اطلع العربيات عليهم و كنت بعمل SHOW جامد :D و كنت احط مياة على ارضية الحمام او المطبغ و اقعد ازحلق العربية ( اعمل امريكانى و دريفتات بايظة خالص ) الكلام دة و انا عندى حوالى 7 سنين و كانت امى دائما تزعقلى انى بحط مياة على الأرض و مرة حطيت زيت من المطبخ علشان العربية تتزحلق اكتر طبعا كنت ببوظ الدنيا و كان عندى برضة هواية جمع السيارات كان فية عربيات كدة انت كنت تجمهعا و بتبقى نوزج للحقيقية بالظبط يعنى كان يجيب التابلوة و الشاسية و الموتور و العجل و كلة كلة و انا اقعد اجمع و كان ابويا بيساعدنى فى الكلام دة علشان مكنتش بعرف اعملها لوحدى و طبعا كنت بحب اوى اقعد فى العربية و اقعد الف فى الدركسيون و اغير النقلات و كدة و كان كل ما ابويا ينزل من العربية اقوم انا طالع قدام و العب شوية و جت فترة لما كبرت شوية كنت بشترى كل شهر مجلة سبور اوتو و استناها من الشهر للشهر على احر من الجمر و كان ياسلام لما ينزلو المرجع الكبير كنت بشترية دائما و عندى المجلات لحاد دلوقتى :D و كل الناس عارفة فى المدرسة ان فهد خبير السيارات والله مش انا الى بقول دة هما (حتى لغاية دلوقتى) :) :) و كان صاحبى الأنتيم مهتم جدا برضة بالسيارات و كنا بنتبادل المعلومات :D
طبعا بعد النت مبقيتش اجيب مجلات و بقيت اقعد على النت
و طبعا اول تجربة قيادة لسيارة كان و انا عندى حوالى 12 سنة و قدت بيجو 504 بتاعت جدى الله يرحمه و كان معايا ابويا و يوميها عملت حتة امريكانى :D :D :D :D :D :D :D قمت دايس بنزين جامد و شايل رجلى من الدبرياج بسرعة و هب لقيت العربية عملت امريكانى و قامت وقفت :D ابويا قالى بالراحة و تشيل رجلك من الدبرياج بالراحة جدا و فعلا طلعت بالعربية و كلة تمام الحمد لله
بس عمرى ما استلفت المفتاح خالص :mrgreen: لأن المنطقة عندنا هادية و الشوارع ديقة و ما تساعدش على الكلام دة :mrgreen:
و كان عندى برضة حكاية انى ابص من البلكونة و اتحدى نفسى انى اعرف كل العربيات
و طبعا الى مزود حبى للسيارات اوى كدة ابويا لأنة مهندس ميكانيكا و لأنة كان و مازال بيقدر حبى للعربيات و مازال يقعد معايا و يفهمنى اذاى مثلا الموتور بيشتغل و البساتم بتتحرك ازاى و ايه الى بيخليها تتحرك و مثلا فكرة عمل الكاربيراتير و اية المواتير ال 2 stroke و ال 4 stroke و حاجات كتيييييييير جدا و كنت أى حاجة مش بفهمها كنت بسأله فيها و كان بيجاوبنى بأستفاضة و انا طبعا بحب اوى الكلام فى الحاجات دية و دة احد العوامل الرئيسية لحبى للسيارات