ممكن تقولي انت ؟؟؟؟؟؟

**أبو عبدالله** · 05-09-2007 01:20 AM

ممكن تشارك وتقولنا انت بتحب العربيات او هاويها من امتى ؟

ومتى بدأت تهتم بها ؟

**Dr Ahmed** · 05-09-2007 01:26 AM

أنا بصراحة مش معتبرها هواية ، هى عندى درجة أقل ، ممكن إهتمام زى ما حضرتك سألت ، وإهتمامى بالسيارات بدأ من حوالى عشر سنوات على خفيف ، لكنه تطور جدا وبسرعة منذ معرفتى بمنتدى كونتاكت من حوالى عام ، وتطور أكتر وأكتر بعد انضمامى لأسرة نايل موتورز من إبريل الماضى.. لكن بعد كده إهتمامى ملاحظ إنه أصبح بالمنتدى كتجمع بشرى رائع ونادر أكتر من اهتمامى بالسيارات فى حد ذاتها.

**Ahmed Hassan** · 05-09-2007 01:29 AM

من وانا صغير جدا قبل ما ادخل المدرسه... كنت اقعد على الشباك و اشوف كل العربيات اللي في الشارع و اتحدى نفسي اني اعرف اسم كل عربيه :mrgreen:

**أبو عبدالله** · 05-09-2007 01:32 AM

و اشوف كل العربيات اللي في الشارع و اتحدى نفسي اني اعرف اسم كل عربيه

كان عندي الموضوع ده .......... انت عرفته منين :mrgreen: :mrgreen: :mrgreen:

**Ahmed Anwer** · 05-09-2007 01:36 AM

انا إهتمامي بالعربيات من و انا طفل في ابتدائي ، كنت بشتري مجلة سبور اوتو و عالم السيارات مجلات لبنانية مش عارف لسه بتطلع و لا لأ
اساس الهواية حبي للرسم و أنا اساسا مهندس ديكور عشان كده لحد دلوقتي اللي بيشدني لأي عربية شكلها و شكل الصالون و مفهمش أي حاجة في الميكانيكا
بعد كده بطلت الهواية لفترة عشان اكتشفت إني اخري 128 و عربية ابويا القديمة اوبل كاديت كان جايبها معاه من بره و بعناها بعد ما بهدلناها انا و اخواتي ب 2500 جنيه
دلوقتي مع الإنترنت رجعت للهواية تاني مع نايل موتورز و المواقع العالمية و مواقع شركات السيارات بس لسه مبفهمش حاجة في العربيات كتقنيات كل اللي يهمني الشكل و الصالون و الصالون اكتر ، التابلوه و انواره اهم حاجة بالنسبة ليا و ما زالت لدي موهبة رسم العربيات ،يا ريت حد يقوللي إزاي انزل صور علي الموقع عشان اتحفكم بتصميماتي الإبداعية

**Ahmed Hassan** · 05-09-2007 01:42 AM

المشاركة الأصلية كتبت بواسطة أبو عبدالله

و اشوف كل العربيات اللي في الشارع و اتحدى نفسي اني اعرف اسم كل عربيه

كان عندي الموضوع ده .......... انت عرفته منين :mrgreen: :mrgreen: :mrgreen:

انته متعرفش ان من عينيك اقدر اقولك كل اسرارك! 8)

لأ بجد... في ناس بيبان انها بتفهم في العربيات من العربيات اللي بيركبوها

**أبو عبدالله** · 05-09-2007 01:44 AM

يا بشمهندس ده تصميماتك تنور المنتدى زي ما انت منورنا والله

كل ما عليك انك ترفع الصور على اي موقع رفع صور مخصص لذلك
وبعدين تكتب اللينكة بتاعت الصورة داخل الموضوع الذي سيتم طرح التصميمات فيه
وييتم الضغط على IMG قبل وضع اللينك ثم تضع اللينك ثم تعاود الضغط على IMG مره اخرى

**PRO-DRIVE** · 05-09-2007 01:58 AM

انا طلعت لقيت كل قرايبي اللي اكبر مني بيرواحوا يتسابقوا بعربيات و عندهم عربيه تجارب في البيت لما وصلت 12 سنه اشتركت انا و 4 قرايبي في البيت عندنا اننا نشتري عربيه و كان الاختيار كمارو :mrgreen: و بدا الاهتمام من اول من نغسلها و ابن خالي الكبير كان عنده رخصه و يسوقها و نقعد نشتريلها قطع ( ايااااااام ) بس خلاص بقت مرحومه من اللي حصل فيها :mrgreen:

**Ahmed Anwer** · 05-09-2007 02:02 AM

لأ بجد ده كتير عليا ، ربنا يخليك يا باشا

يا بشمهندس ده تصميماتك تنور المنتدى زي ما انت منورنا والله

كل ما عليك انك ترفع الصور على اي موقع رفع صور مخصص لذلك
وبعدين تكتب اللينكة بتاعت الصورة داخل الموضوع الذي سيتم طرح التصميمات فيه
وييتم الضغط على IMG قبل وضع اللينك ثم تضع اللينك ثم تعاود الضغط على IMG مره اخرى

**sab3aawy** · 05-09-2007 08:57 AM

انا ابتديت العربيات وانا عندى 4 سنوات

كان اجمل هدية بابا يجيبهالى عربية لعبة ،ومكنتش بحب العربيات الكبيرة اللى بالبطارية لكن بحب العربيات الماجوريت والماتش بوكس الصغيرة علشان شبه العربيات الأصلية بالضبط

وكنت مدمن ماجوريت وفى وقت من الاوقات كان عندى اكثر من 200 عربية ماجويت، كان تمن الواحدة وقتها جنيه وعشرة قروش، اما تمن العربية اللى معاه مقطورة 150 قرش، الكلام ده من 25 سنة، هيييييييييييييه دنيا (اخواتى الصغيرين تولو امرهم لاحقا وحولوهم الى خردة)

وكنت بتضايق جدا لما الدهان بتاع عربية منهم يتجرح

ابتديت اتعلم ميكانيكا العربيات من ساعة ما دخلت كلية الهندسة ومن قبل ما اتعلم السواقة ، كان كتير الجيران ينزلوا من البيت يلاقونى نايم تحت عربية من العربيات وبرسمها من تحت ، بس بعد ما عرفوا انه لا خطر منى لم يتطوع احده بإبلاغ مستشفى الأمراض النفسية والعصبية

اول مرة سقت حاجة كان وانا عندى 12 سنة سقت جرار زراعى، واول عربية كان وانا عندى 17 سنة لكن ستقها مرة واحدة ومجتليش فرصة تانية لحد ما بقى عندى 23 سنة واشتريت اول سيارة لى من فلوسى واتعلمت عليها السواقة مع نفسى، ومن ساعتها وانا بفك واركب فى عربيتا لحد ما جسمى كله بقى آثار جروح وحروق من فك وتركيب الأجزاء الثقيلة والحادة والساخنة،

وشكلى برضه لسة محرمتش

ياااه

الموضوع: ممكن تقولي انت ؟؟؟؟؟؟

LinkBack

أدوات الموضوع

عرض

ممكن تقولي انت ؟؟؟؟؟؟ - انشر الموضوع فى :

-

-

-

-

-

-

المواضيع المتشابهه

واحد جرى وراء كلب علشان يعضة وينهش عظم الكلب تصدقو ممكن يحصل؟ ممكن مع كمبورة

ممكن مساعدة : ممكن اعرف رايكم فى السيارة نانو ايجيبت

ممكن مساعدة : ممكن اعرف رايكم فى السيارة نانو ايجيبت

بص المهارة ديييي ... ولا تقولي كريستيانو ولا رونالدينهو

ممكن اعرف من محترفى المنتدى ايه التعديل الى ممكن يتعمل لسياره الفرنا ؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة