اخواني الخبراء
ارجومنكم توضيح المشاكل والأعراض التي تحدث للمحرك عند زيادة مستوي الزيت عن أعلي العلامة المخصصة للقياس ؟
وماهو المستوي المناسب للزيت واذا كان دائما بالقرب من أعلي العلامة المخصصة للقياس عادي ولا لأ ؟
وجزاكم الله خيرا
اخواني الخبراء
ارجومنكم توضيح المشاكل والأعراض التي تحدث للمحرك عند زيادة مستوي الزيت عن أعلي العلامة المخصصة للقياس ؟
وماهو المستوي المناسب للزيت واذا كان دائما بالقرب من أعلي العلامة المخصصة للقياس عادي ولا لأ ؟
وجزاكم الله خيرا
لو فوق العلامة بحوالي 5 مم يبقي عادي مش مشكلة و لو اكتر من احتياج العربية هاتلاقي فيه دخنه خارجة من الشكمان لحد ما توصل للمستوي العادي
القلق يحصل لو الزيت نقص لحد ادني من العلامة السفلية و لمبة الزيت نورت و العربية ماشية هنا لازم تقف و تطفي العربية و تزود الزيت
المهم ما يزيدش عن نص سنتيمتر فوق العلامة عشان ما يعومش على البوجيهات و يخليها تدخن جامد قوى
سؤال مهم ... كان نفسي اسأله فعلا...
شكراً و يا ريت المزيد من الآراء
خلى بالك كمان ان الزيت لو على عن العلامة بفرق كبير هتلاقى البوجيهات باظت وكمان الزيت الزيادة دة هايتحرق بسرعة كبيرة جدا يعنى خسرت زيت وخسرت بوجيهات
معلش سؤال :اذا كان الزيت زيادة ايه اللى هيوصله لغرفة الحريق ؟
واذاكان الزيت بيوصل لغرفة الاحتراق يبقى هيوصل سواء كان المنسوب
قليل او كتير مش كده ولا ايه؟
كل ماكان الزيت زياده يا أستاذ/ أحمد ......كل ماكان فرصة هروبه الى الغرف أكبر من خلال شنبر الزيت أثناء صعود وهبوط البستم (لأن فيه عملية تزييت بتتم للشميز من الداخل من خلال أبخرة الزيت فى الكرتير والا الشميز حيسلخ )......وكل ماكان الزيت زياده بتكون كمية بخار الزيت وعملية الطرطشة على الشميز من الداخل كبيره ومبيقدرش شنبر الزيت يكشطها كلها ويرجعها للكرتير .........علشان كده بيسموا شنبر الزيت برضه (شنبر كشط الزيت )................................دا غير أن الزيت الزياده ممكن يؤثر على أويل سيلات الكرنك ويخرج من خلالها برضه................علشان كده بتستمر عملية كشط الزيت دى بكفاءه مش كويسه وفعلا الزيت الزائد بيهرب للغرف مع شوطى طلوع ونزول البساتم (لأن الشمبر مابيقدرش يكشط كل الكميه الى على جدران الشمايز من الداخل لما يكون الزيت زياده عن اللازم ).....لحد مانقترب من الوضع المقبول (وفعلا المكنه بدخن لما يكون الزيت زائد عن اللازم ) لحد مانصل لوضع مناسب للمنسوب بتاع الزيت..............وببساطه كده (طيب ليه بنرتبط بقياس للزيت ......!!!!!!!!!!!)اقتباس:
اذا كان الزيت زيادة ايه اللى هيوصله لغرفة الحريق ؟
شكرا على الافادة ياسمير باشا
بس معلوماتى كانت ان التزيت جبرى لاماكن كتيرة فى
المحرك وبالطرطشة بواسطة ركب الكرنك للشمايز
مش بالتبخير والا كانت الاماكن دى هتظل محرومة من الزيت اثناء
مالمحرك بارد
وبالنسبة لسؤالك ليه بنرتبط بقياس الزيت اكيد للحفاظ على المنسوب المحدد
من قبل المصنع علشان الماكنة متتحرمش من الزيت فى حالة النقصان
او يحصلها غمر فى حالة الزيادة.....
طيب ماهو ده موجود فى كلامىاقتباس:
وكل ماكان الزيت زياده بتكون كمية بخار الزيت وعملية الطرطشة على الشميز
ياريس ربنا مايحرمنا من زوقك......بس حلوه حتة الحرمان دى ::C_laugh[1]::......على فكره أنا قلت بنرتبط بقياس للزيت (يعنى مقداره ...ولا أقصد بنقيس الزيت ليه )[1]:اقتباس:
وبالنسبة لسؤالك ليه بنقيس الزيت اكيد للحفاظ على المنسوب المحدد
من قبل المصنع علشان الماكنة متتحرمش من الزيت فى حالة النقصان
او يحصلها غمر فى حالة الزيادة.....
ماهو فيه فعلا تزييت جبرى بطلمبة الزيت لكراسى الكرنك والكامه وجميع أماكن التحميل.............وفى بعض أنواع المحركات بيكون فيه تزييت جبرى للشمايز من الداخل بـــــــــ nozzle(بوق أسفل كل شميز بالضبط ).....أما فى المحركات الصغيره ففعلا بالطرطشه من خلال الركب بتاعة الكرنك والأبخره اللى موجوده جوه الكرتير (دى بتبقى ملبده بالغيوم الزيتيه )اقتباس:
بس معلوماتى كانت ان التزيت جبرى لاماكن كتيرة فى
المحرك
ياباشا انت اللى كلك زوق
حبيت بس اعملك عامل حفاز علشان نستمتع بمعلوماتك القيمة :Ob_mak1[1]:
وعفوا طبعا انا مش بقولك بنقيس الزيت ليه
ده انت استاذ
اقتباس:
المشاركة الأصلية كتبت بواسطة samirayad
ياه الغيوم يظهر انها هتمطر موبيل وان ...ناخد معنا الشمسية :C_laugh[1]: :C_laugh[1]:
الله يخليك......اقتباس:
حبيت بس اعملك عامل حفاز علشان نستمتع بمعلوماتك القيمة
فعلا بتبقى جوه الكرتير ضلمه خالص من بخار الزيت (دا غير موضوع الطرطشه )...........ومينفعش معاها أى شماسى :Ob_mak1[1]:اقتباس:
ياه الغيوم يظهر انها هتمطر موبيل وان ...ناخد معنا الشمسية
شكرا يا م :سمير علي معلوماتك القيمة انت والأعضاء الكرام علي ما أفدتنا به من معلومات قيمة .
هو انا عندي اللي حصل أخر غيارين زيت ان المستوي بيكون أعلي من أعلي العلامة الخاصة بالقياس في حدود 3 او 4 ملليمتر حبيت أسأل عشان اعرف هل منه ضرر ام لا وحتي نستفيد جميعا من خبرات بعض .
علما بأن مافيش عندي اي أبخرة زيت ولا نقصان للمستوي وحتي لما بيكون عالي بيفضل عالي لحد ما أغيره وانا أصلا بغير زيت كل بالكتير شهر ونصف 5 الي 6 ألاف كيلو وبغير زيت شل الأصفر والحمد لله كله زي الفل وبسافر كتير بالسيارة عشان كده بيتقلب الغيار خلال فترة بسيطة . بس حسيت فقط بأن مروحة التبريد تعمل كثيرا في الأيام الأخيرة دي في الزحمة فقط فقلت ممكن زيادة المستوي دي تخلي المحرك يسخن هل ممكن ده يحصل ولا لأ؟
وجزاكم الله خيرا علي معلوماتكم القيمة
لا توجد مشاكل متوقعة من ازديا منسوب الزيت فى حدود 3-4 مللى لان طبعى ان المصنع بيكون سايب مسافة امان لزيادة الزيت، تحدث المشكلة لو زاد الزيت عن ذلك لان كمية الزيت الزائدة تضع حمل لا لزوم له على ركب عمود الكرنك عندما تخوض خلالها فى نصف دورتها السفلى، مما يؤدى الى فقد جزء من طاقة السيارة ، كما قد يتسبب فى تكون فوم على سطح الزيت مما يؤدى الى تقليل خواص التزييت مما يؤثر سلبا على عمر المحرك
اما لو زاد الزيت بشدة الى الدرجة التى عندها تصل كميات كبيرة منه الى قرب حيز المكابس فهذا سيؤدى الى تسرب زيت الى حيز الاحتراق ، ونقص الزيت، بالاضافة بالطبع لما سبق، مع تعرض محفزات العادم(الكاتالايزر )للتلف نتيجة العوادم الزيتية
جزاكم الله خيراً علي المعلومات ديه...
no proplem untill now............... :k38:اقتباس:
هو انا عندي اللي حصل أخر غيارين زيت ان المستوي بيكون أعلي من أعلي العلامة الخاصة بالقياس في حدود 3 او 4 ملليمتر
جزاكم الله خيرا
من الأفضل الإلتزام بكمية الزيت الموصى بيها و لا تزيد عن علامة Max اللى موجودة فى مقياس الزيت
شكراً
مفيش شك......أنا هذا أفضل طبعا ( بس مش معقول حيحل الطبه علشان زياده 3 مم على المقاس )اقتباس:
من الأفضل الإلتزام بكمية الزيت الموصى بيها و لا تزيد عن علامة Max اللى موجودة فى مقياس الزيت
أنا عارف يا باشمهندس إن لغاية 7 مم تقريبا فى بعض السيارات مسموح بيه , لكن أنا بتكلم على الزيادة الكبيرة اللى منها ضرر لأن بعض عمال البنزينة اللى بيغيروا الزيت بيفتكرو إن الربع كيلو الزيادة مامنوش ضرر !!!! و دا طبعاً كلام غلط عشان كدا بقول الأفضل الإلتزام بالعلامة Max و البعد عن التجارب المضرة.اقتباس:
المشاركة الأصلية كتبت بواسطة samirayad
شكراً
الله ينور .....كده تمام التمام
الله ينور عليكم على المعلومات القيمة