سؤال فني :ماهي المشاكل الناتجة عن زيادة منسوب زيت الموتور ؟

**ehab_mansour** · 12-03-2009 02:34 PM

اخواني الخبراء

ارجومنكم توضيح المشاكل والأعراض التي تحدث للمحرك عند زيادة مستوي الزيت عن أعلي العلامة المخصصة للقياس ؟
وماهو المستوي المناسب للزيت واذا كان دائما بالقرب من أعلي العلامة المخصصة للقياس عادي ولا لأ ؟

وجزاكم الله خيرا

**tmedhat** · 12-03-2009 09:46 PM

المهم ما يزيدش عن نص سنتيمتر فوق العلامة عشان ما يعومش على البوجيهات و يخليها تدخن جامد قوى

**M.Osman** · 12-03-2009 09:50 PM

سؤال مهم ... كان نفسي اسأله فعلا...

شكراً و يا ريت المزيد من الآراء

**SAMEH_FOUAD** · 14-03-2009 03:02 PM

خلى بالك كمان ان الزيت لو على عن العلامة بفرق كبير هتلاقى البوجيهات باظت وكمان الزيت الزيادة دة هايتحرق بسرعة كبيرة جدا يعنى خسرت زيت وخسرت بوجيهات

**ahmed_su** · 14-03-2009 03:07 PM

معلش سؤال :اذا كان الزيت زيادة ايه اللى هيوصله لغرفة الحريق ؟

واذاكان الزيت بيوصل لغرفة الاحتراق يبقى هيوصل سواء كان المنسوب

قليل او كتير مش كده ولا ايه؟

**samirayad** · 14-03-2009 03:38 PM

اذا كان الزيت زيادة ايه اللى هيوصله لغرفة الحريق ؟

كل ماكان الزيت زياده يا أستاذ/ أحمد ......كل ماكان فرصة هروبه الى الغرف أكبر من خلال شنبر الزيت أثناء صعود وهبوط البستم (لأن فيه عملية تزييت بتتم للشميز من الداخل من خلال أبخرة الزيت فى الكرتير والا الشميز حيسلخ )......وكل ماكان الزيت زياده بتكون كمية بخار الزيت وعملية الطرطشة على الشميز من الداخل كبيره ومبيقدرش شنبر الزيت يكشطها كلها ويرجعها للكرتير .........علشان كده بيسموا شنبر الزيت برضه (شنبر كشط الزيت )................................دا غير أن الزيت الزياده ممكن يؤثر على أويل سيلات الكرنك ويخرج من خلالها برضه................علشان كده بتستمر عملية كشط الزيت دى بكفاءه مش كويسه وفعلا الزيت الزائد بيهرب للغرف مع شوطى طلوع ونزول البساتم (لأن الشمبر مابيقدرش يكشط كل الكميه الى على جدران الشمايز من الداخل لما يكون الزيت زياده عن اللازم ).....لحد مانقترب من الوضع المقبول (وفعلا المكنه بدخن لما يكون الزيت زائد عن اللازم ) لحد مانصل لوضع مناسب للمنسوب بتاع الزيت..............وببساطه كده (طيب ليه بنرتبط بقياس للزيت ......!!!!!!!!!!!)

**ahmed_su** · 14-03-2009 03:54 PM

شكرا على الافادة ياسمير باشا

بس معلوماتى كانت ان التزيت جبرى لاماكن كتيرة فى

المحرك وبالطرطشة بواسطة ركب الكرنك للشمايز

مش بالتبخير والا كانت الاماكن دى هتظل محرومة من الزيت اثناء

مالمحرك بارد

وبالنسبة لسؤالك ليه بنرتبط بقياس الزيت اكيد للحفاظ على المنسوب المحدد

من قبل المصنع علشان الماكنة متتحرمش من الزيت فى حالة النقصان

او يحصلها غمر فى حالة الزيادة.....

**samirayad** · 14-03-2009 04:03 PM

وكل ماكان الزيت زياده بتكون كمية بخار الزيت وعملية الطرطشة على الشميز

طيب ماهو ده موجود فى كلامى

وبالنسبة لسؤالك ليه بنقيس الزيت اكيد للحفاظ على المنسوب المحدد

من قبل المصنع علشان الماكنة متتحرمش من الزيت فى حالة النقصان

او يحصلها غمر فى حالة الزيادة.....

ياريس ربنا مايحرمنا من زوقك......بس حلوه حتة الحرمان دى :

:......على فكره أنا قلت بنرتبط بقياس للزيت (يعنى مقداره ...ولا أقصد بنقيس الزيت ليه )[1]:

بس معلوماتى كانت ان التزيت جبرى لاماكن كتيرة فى

المحرك

ماهو فيه فعلا تزييت جبرى بطلمبة الزيت لكراسى الكرنك والكامه وجميع أماكن التحميل.............وفى بعض أنواع المحركات بيكون فيه تزييت جبرى للشمايز من الداخل بـــــــــ nozzle(بوق أسفل كل شميز بالضبط ).....أما فى المحركات الصغيره ففعلا بالطرطشه من خلال الركب بتاعة الكرنك والأبخره اللى موجوده جوه الكرتير (دى بتبقى ملبده بالغيوم الزيتيه )