الموضوع: تشترى ايه فى حدود التمانينات ؟؟

المشاركة الأصلية كتبت بواسطة amrya

تشترى ايه فى حدود التمانينات و حتى أول التسعينات , مع العلم انى شاب و عايز عربية موتورها يكون محترم و ثباتها عالى (من الاخر سيارة شبابى ) مع العلم انها هتكون مانيوال .
و يا ريت اللى يرشح عربية يقول اخترها ليه . و الف شكر مقدما .

شوف يا باشا.. انت عايز عربية شبابة, بانهي معنى؟؟ يعني الالنترا شبابية و الجين2... بس هل انت بتفضل الهاتش باك ولا السيدان؟؟ عايز عربية واسعة ولا مش مهم الوسع؟؟؟ الكماليات اهم ولا جوده التقفيل؟؟؟ كل دي اسئلة تخللي اللي يجاوبك يكون فاهم احتياجاتك صح... و مع ذلك انا هقولك رأي في كل عربية من وجهة نظري.

الاوبترا: عربية ثابتة على الطريق, موتورها قوي 1600, جراية, شبابية , سيدان, امكانياتها عادية

البونتو: عربية شييك و متميزة, موفرة في استهلاك البنزين, شبابية, هاتش باك, بس مش جراية, و الموتور قوي بس مش زي مانت فاهم 1400, قطع غيارها غالية و ممكن بعضها ميكونش متوفر

الالنترا: عربية ثابتة جداا, جراية, موتور قوي جداا 1600, سيدان, شييك من برة و جوه, التقفيل مش قد كده, شبابية جداا, يعيبها انها بتحك في المطبات لو معاك ناس, و توكيلها هو غبور بك...

الجين 2: عربية ثابتة جداا جداا, موتور قوي 1600, كمالياتها كتييير, شبابة جداا جداا, شكلها ظريف من برة و جوه, هاتش باك, يعيبها التقفيل المتواضع, و عمر قطع غيارها مش كبير

الياريس: عربية موتورها كويس 1300, موفر في البنزين, ثبات عادي, شبابية, سيدان, اعتمادية, كمالياتها عادية جداا

و طالما بتتكلم في المانيوال, يبقى الأداء هيكون قوي سواء كان 1300 أو 1400 أو 1600, مع فارق القوة للـ 1600 طبعا, بس مفيش عربية هتكون ضعيفة...

و لو قولتلنا بتفضل هاتش باك ولا سيدان, و شوية الأسئلة الصغيرة اللي فوق, هتلاقي الرد هوااا...

ربنا يوفقك للأفضل ليك ان شاء الله...