لية بيقولو عليها سيارات شعبية ودون الكفاءة ولا يعتمد عليها؟
انا معاكم انى اليابانى والالمانى احسن
,بس هل الكورى للدرجة دى وحش؟
نقل للكورى العام بمعرفتى
مشرف المنتدى العام
عرض للطباعة
لية بيقولو عليها سيارات شعبية ودون الكفاءة ولا يعتمد عليها؟
انا معاكم انى اليابانى والالمانى احسن
,بس هل الكورى للدرجة دى وحش؟
نقل للكورى العام بمعرفتى
مشرف المنتدى العام
إنا قلت إرد عليك علشان كل الناس بتخش ومبتردش مساء الفل
المقوله دى زمان دلوقتى لأ i30 عمرها ما تكون شعبيه إبدا وهى كورى
العربيات الكوري و غيرها كويسة كلة محتاج عناية بس الكوري محتاج عناية أكتر شوية من الياباني مثلا بس مش معني كدة إن الياباني لو إتبهدل هيستحمل .كل حاجة محتاجة عناية
الكوري كصناعه بقت مشهوره جدا
هيونداي وكيا ودايو طبعا اسامي لايمكن الاستهانه بها
هيونداي اكبر شركه مصنعه للبواخر ومعدات السفن وطبعا صناعه السيارات
كيا من الشركات الكبيره
دااايووو
علي الاقل هي احسن من صناعات تانيه
الصيني والماليزي والروسي والهندي
وطبعا سوقها في مصر بقي من الاسووواق الكبيره جدا
مثلا مبيعات الهيونداي افضل مثال
من حيث الشعبيه الناس بتحكم عليها كده لانها المتاحه لمعظم فئات الشعب وده بالنسبه لسعرها المتاح للجميع
انا رأيي الكوري كصناعه تأخد درجه جيد
لأ طبعا مش وحشه
الكورى بيتقدم كل يوم عن اللى قبله
الكورى ممتاز ويعتمد عليه
الكورى من بعد الموديلات الجديده
زى موديلات الالنترا والسيراتو الجديده اتنقل نقله تانيه
بس ليه فى عربيات مش على نفس مستواهم زى الفرنا و الماتريكس مثلا
الكورى مش وحش ابدا وبص لمعيار السعر مقابل القيمة
الكوري حلو ......... و الياباني حلو
و فيه كوري عادي .......... و برضه فيه ياباني عادي
بس الفكرة كلها في الأرتياح النفسي للشئ و سمعته ...... و أيضا الفكرة المأخوذة عنه مُسبقاُ
أنا شخصيا لا أعترف بموضوع بلاد المنشأ ده
أنا بنظر للمنتج نفسه .......
يعني أبص أشوف العربية دي حلوة و لا وحشة و مليش دعوة مصنوعة فين ..
أهم حاجة
خاماتها تكون معقولة
و طبعا تكون متجربة علشان تقدر تحكم
متوفر لها قطع غيار
سعرها مناسب
سعر اعادة بيع لو أنا من هواة التغيير
إنما أروح أشتري عربية علشان خاطر أسم بلد المنشأ اللي هو مكتوب على العربية بدون النظر إلى العوامل الأخرى
يبقى طبعا بأضيع على نفسي فرصة أفضل لأقتناء منتج أخر أفضل أو حتى بنفس المستوى و لكن أرخص .
دي هي نظريتي في الموضوع كله
بالمناسبة
الكوري لو وحش
كان زمان العربيات اللانوس و النوبيرا و الليجانتزا القديم متكهن و مفوت .... بس ما شاء الله لسة شغال زي الفل
أي عربية تحافظ عليها ....... هاتعيش و تعيش و تعيش
لو جبت عربية ألماني و محافظتش عليها ..... هتتهلك بسرعة و مش هاتعيش
مش كدا بس
فيه عربيات بيبقى سعرها مغالى فيه بسبب بلد المنشأ
يعني ممكن يكون بسبب أستغلال الوكيل لأسم بلد المنشأ
و فيه أسعار أصلا بتكون غالية نتيجة بلد منشأ معين بسبب أسعار العملة و أسعار العمالة و أسعار الضرائب
علشان كدا الشركات الكبيرة بتفتح مصانع تجميع في بلاد نامية و العمالة فيها رخيصة علشان تقدر تنزل بالسعر علشان تقدر تنافس
و برضه السعر لوحده مش معيار الجودة للأسباب السالف ذكرها .
يعني أنا مثلا هاقول على مثال :
الهيونداي الالنترا ..... و تويوتا كورولا
الأثنين في فئة واحدة
و الأثنين تقريبا حجم واحد
و الأثنين موتورهم متقارب في القوة جدا .
و أنا شايف أن الالنترا أحسن
علشان سعرها أفضل
و كل اللي هاخده من تويوتا .... أسم فقط ..
يعني بأدفع 40 ألف زيادة علشان خاطر .. تويوتا و صنع في اليابان
مع أن هيونداي أدتني نفس العربية و بشكل أحلى و بجودة عالية جدا حسب السوق الأمريكي و الجوائز اللي حصلت عليها
و مع ذلك وفرت 40 ألف جنيه .
يبقى ليه أروح أشتري عربية علشان خاطر أسمها فقط ؟؟
خصوصا أن أحنا مش بنتكلم عن ماركة رفاهية زي مرسيدس أو ليكسس اللي هي من ابداع تويوتا . و لكن قسم السيارات الفارهة .
محدش يفتركني بهاجم تويوتا أو بهاجم اليابان
أنا بتكلم من نظرة شخصية للأمور و نظرة موضوعية بحتة و أقتصادية أيضا .
... طب و الكلام ده ممكن ينطبق على العربيات الصيني كمان ؟؟اقتباس:
ي عربية تحافظ عليها ....... هاتعيش و تعيش و تعيش
لو جبت عربية ألماني و محافظتش عليها ..... هتتهلك بسرعة و مش هاتعيش
بصراحة انا شايف ان العربيات الصيني بتتقدم و ممكن في خلال اقل من 5 سنين تلاقيهم دخلوا اوروبا و اجتازوا اختبارات الأمان و الكلام دا ... و ساعتها هيقبلبوا صناعة السيارات بجد !!
شكراً
طبعا ممكن .... ليه لاءة ؟؟؟
بس مش دلوقتي
لأن الصين مازالت بتقلد ..... مش بتبدع أو حتى تشتري منتجات قديمة و تعيد انتاجها .
بس لو الوكيل المحلي للصيني دعمها بقطع غيار متوفرة باستمرار و مراكز خدمة محترمة
مع الارتفاع بجودة الخامات المصنوع منها العربية
هاتعيش طبعا و تعيش و تعيش لو حافظت عليها .
أصل الصيني ده حكاية لوحده ( بسبب التقليد و أسترخاص الخامات )
يعني مثلا كوريا تعاونت مع شركات أمريكية و ألمانية لأكتساب الخبرة و شوف وصلوا لأيه
و ماليزيا مثلا .... منتجاتها ممتازة في السيارات علشان برضه بدأو مع شركات كبيرة لغاية ما أشتروا شركة كبيرة اللي هي لوتس من أكبر شركات سيارات السباق في أوروبا .
إنما الصين مختلفة شوية .
و لكن كلام حضرتك مظبوط ....... كلها كام سنة لما يتعلموا صح زي كوريا و ماليزيا مثلا ........ و هايكلوا الكل .
كلام سليم بس لسة بردة الناس بتاخد التقييم على بلد المنشا
يقولك مثلا:يا عم دا راكب بى ام..... المانى
او يا عم دا راكب لانسر,,,,,, يابانى
وبعض الناس بتقول انى الكورى دا مش عربية ولكن( اشباة عربية)
انا معاى عربية كورى على فكرة بس مش عارف لية فى شريحة من الناس بتفكر كدة
مع الشكر
الناس اللي بتفكر بالطريقة دي غير متفتحة على العالم الخارجي و لا يدرون ماذا يحدث خارجه و منغلق على نفسه .
و ناس بتضيع على نفسها فرصة أقتناء نفس المنتج بسعر أقل لمجرد الذهاب لأسم مشهور أكتر .
و فيه ناس تحب تشتري الحاجة الغالية علشان تبقى مميزة و دول مفيش مشكلة بالنسبة لهم .
إنما اللي بيسيب منتج كويس و يشتري أخوه بثمن أغلى بيضيع علىنفسه فرصة كويسة لتوفير شوية فلوس محترمين .
و بعدين في الأول و في الأخر ..... السلع أذواق و لولا أختلاف الأذواق لبارت السلع .
و مش دايما المنتج الأغلى أفضل
لأن ساعات بيدخل عوامل زي
أختلاف أسعار العمالة
أختلاف أسعار الضرائب
أختلاف أسعار العملة من دولة لأخرى بيأثر في السعر
فممكن أشترى عربية
ب 150 ألف من بلد ( أ )
و أشتري أختها ب 100 ألف من بلد ( ب )
لأن بلد ( أ )
أغلى في العمالة و الضرائب و العملة لذلك عربيتهم أغلى في السعر و مش معنى كدا أن عربيتهم أحسن في الجودة
ممكن قوي تكون الجودة متقاربة جدا أو فرق الجودة لا يساوي فرق الفلوس .
نرجع لموضوع الكوري و نظرة الناس له
أولا لا تنسى أننا في مصر .....بلد الناس المتعقدين بعقدة أسمها عقدة الخواجة .
و مش أي خواجة .... الخواجة له تصنيفات في الثقافة المصرية .
يعني فيه ألماني .... و ده قمة الخواجة عند المصريين
ووصلت لدرجة أن ناس بتقول أن العربيات الألماني هي الأقوى و الأكثر عمرا من أي سيارة تانية على وجهة الكرة الأرضية و طبعا ده كلام مُرسل .
أيوة العربيات الألماني معمرة لمن يصونها
و نيجي في المرتبة التانية و هي بقية السيارات الأوربية
و بعدين فيه الياباني رقم 3
و بعدين بقى الباقي عند ناس كتير ملهمش لزمة .
بس بقى أنا شايف أن الكوري بيعرض حاجات كتيرة في السوق
بيبدأ بالعربيات الصغيرة زي بيكانتو و عربيات أكبر شوية زي أكسنت و فيرنا . و لانوس و نوبيرا
و دي أكتر عربيات مشهورة في الكوري و الناس دايما تقارنها بالياباني .
الكوري عنده حاجات متفوقة على الياباني زي الألنتر مثلا في السوق الأمريكي واخدة جوايز أفضل سيارة في عام 2008 ..... و متفوقين على الهوندا سيفيك و اللانسر الشارك و التويوتا كورولا .
فأنا شايف أن موضوع بلد المنشأ ليس زي أهمية كبيرة إذا كان المنتج له الدعم الكافي من وكيل محلي جيد يقوم بتوفير قطع الغيار و مراكز الاصلاح و ده متوفر جدا في الكوري .
فيه كمان حاجة مهمة قوي قوي قوي قوي .
سوق اعادة البيع .
مصر سوق مختلف تماما عن أي سوق تاني
فبالتالي ثمن العربية مش سهل تجميعه
و لكن مثلا في أوروبا السيارات بنفس الثمن في مصر و لكن مع ارتفاع قمية عملتهم مما يجعل ثمن السيارة مقدور عليه من كافة الطبقات تقريبا فلذلك السيارة المستعملة برخص التراب .
و هناك دورة الاستهلاك قصيرة يعني العربية مش بتقعد تمشي على الطريق أكتر من 10 إلى 15 سنة بالكتير
فلا يهمهم هذه النقطة مثل المصريين
المصري عايز عربية يتشريها النهاردة بجنيه و يبعها بكرة بجنيه و نصف .
فهمت التفكير ماشي ازاي .
و بما ان الثقافة العامة في تقديس بلد المنشأ
فلذلك كلما أرتفع أسم بلد المنشأ في السوق ... كلما حافظت السيارة على قيمة مرتفعة عند اعادة بيعها .
و لكن الموضوع معادلة
يعني أنت أشتريت أيه و أستهلكته أد أيه و بعدين خسرت فيه كام .
و بعدين أنا عايز أضيف أهم اضافة في الموضوع ده .
العربيات الكوري عربيات كويسة و معمرة و عملت أسم عالمي
فكبر دماغك و أشتري اللي يريحك و اللي أنت حابه و ماتأخدش على كلام الناس .
لأن كلام الناس لا بيودي و لا بيجيب
انت موسوعة متحركة,بتعرف تفكر على السريع وترد
وتفند وتشرح.
الله ينور عليك يا استاذ توت بجد نفسى الناس هنا تخلص من عقده الخواجه دى
لسه بيتكلموا فى ان الكور ى كويس ولا وحش مع ان العالم كله بيركب الكورى وبيحترمه
يا جماعه والله الكورى اتغير كتير معدش الهيونداى البونى والاكسيل التسعينات دلوقتى فى حاجه اسمها هيونداى جينسيس الاسطوره اللى ابهرت العالم ونزلت منافس شرس جدا للمرسيدس واللكزس والاكيورا
الهيونداى دلوقتى فى امريكا الالنترا بتتفوق على الجميع وبدات تنافس الكامرى والاكورد المتربعين على عرش السيارات السيدان المتوسطه والصغيره من 20 سنه
فى الخليج دلوقتى الهيونداى عامه والالنترا والاكسنت خاصه علامه ذهبيه ادخلوا على اى منتدى خليجى واتكلم فى الالنترا والنيو اكسنت هتلاقيهم بيقولوا شعر بجد عربيات اعتماديه جدا ومش تقلش على اليابانى كتير هو فرق العلامه التجاريه اللى بيخلى اليابانى اغلى
وبعدين الكورى ده بيخلينى اركب عربيه محترمه باوبشن معقوله بسعر اقل من اليابانى بكتير يعنى دلوقتى اليابانى كله شريحه اسعاره قفزت فوق ال100000 ماعدا اللانسر البومه والياريس والصنى اللى لسه بياعبوا فوق ال90000
ليه اروح اجيب تويوتا ياريس 1.3 واسيب الاكسنت 1.6 والفرق بينهم فى السعر مش اقل من 18000 ليييييييييه...؟ مع الاحترام لملاك الياريس
الدايو اللانوس ماشاء الله عليها 10 سنين فى مصر وانتشرت زى الرز والله مالشوفت حد بيشتكى منها مر الشكوى واعرف ناس معاهم لانوس 2004 و2005 والله لحد دلوقتى بنزين وتغيير زيت واستعمال قمه القسوه ومابتعملش معاهم دقه نقص ابدا معنى كده ان كمان لو انت محافظ على العربيه وياسلام بقى لو بتعملها صيانه دوريه هتشيلك على دماغها
ياجماعه والله انا بعشق اليابانى بس لو اسعاره معتدله يعنى ماروحش اجيب كورولا ولا لانسر شارك ب145000 وعندى النترا وسيراتو ب100000 حرام الفرق ده انا اولى بيه
ياجماعه ...الكورى غيييييييييييييييييير
^^
من اسباب إختلاف السعر بين الياباني و الكوري هو ان وزارة المالية المصرية تضع المنتجات الياباني في شريحة جمركية اعلى من باقي منتجات شرق اسيا ( ماليزيا , كوريا , ... )
( على حد علمي ... انا متأكد ان الكلام دا بيحصل في الإلكترونيات لكن مش متأكد ان بيطبق على السيارات)
اضافه لارتفاع اجور العماله اليابانيه عن نظيرتها الاسيويه فده بيؤدى لارتفاع سعر السياره من بلدها عن الكورى مثلا وعشان كده بيعملوا مصانع بره زى تويوتا وهوندا فى تايلاند واستراليا واندونيسيا
طب وفرق الثبات والعفشة؟
انا معه حضرتك في الكلام ان العربية لازم الحفاظ عليها مهما كانت صناعتها لو كانت العربية مصنعه زي الدبابه لو محافظتش عليها ختستحمل كتير بس هتجلها فترخ وهتموت خلاص مش هتقوم
وانا بابايا مهندس ميكانيكا سيارات قالي ان الكوري في تقدم مستمر اوي والسيارات الكوري بالذات عاوزة محافظة وعنايه تامه
وانا قرايت في احد المجلات ان السيارات الكوري بالذات الهيونداي انها طورت من محراكتها زي الياباني تقريبا وعملت علي تطويل عمر المحرك
مين اللي قال الكلام الغريب دا ؟
اتفضل شوف بنفسك الـi30 واخدة 5 نجوم من اصل 5 :
http://www.euroncap.com/tests/hyundai_i30_2008/331.aspx
اوكتافيا A5 ( حاصلة على 4 )
http://www.euroncap.com/tests/skoda_..._2004/206.aspx
و عربية يــــــــــــــــــــــاب ـــــــــــــــــــــانــ ـــــــــــي .. اسمها هوندا سيفيك حاصلة على 4 برضه :
http://www.euroncap.com/tests/honda_civic_2007/307.aspx
(يا ريت حضرتك تفتح اللينكات يمكن اكون انا بألف )
و زى مافى يبانى حلو فى وحش
و زى ما الكورى فية حلو فيه وحش
طب ياجماعة...
انا ملاحظ ان الكل شايف ان سعر الياريس غالى ومبالغ فيه ..على اساس انها فئة صغيرة و 1.3 سى سى..
طيب فورد نزلت الفييستا وهى نفس فئة الياريس..
ونزلت 1400 ب 117 الف جنيه...
طب دا معناه ايه....
هل الفورد برده بتغالى فى ثمنها ....
الهوندا سيتى ب 127 الف جنيه ودى 1500
الياريس 1500 خليجى بحوالى 118 الف
فين بقى ان الياريس غالية؟؟
انا معاكم ان الكورولا مبالغ فى سعرها..
لكن الياريس انا شايف ان سعرها معقول..
لان الفئة الساب كومباكت فى العالم كله بقت غالية ...واصبحت قريبة جدا من الفئة الى فوقها..الى هى الكومباكت..والفييستا خير مثال على ذلك....وايضا السيتى الجديدة
ياعزيزى ..النيو اكسنت دلوقتى بكام....ب 85 الف جنيه على حد علمى..
طيب الياريس الاوتوا اول فئة بكام...ب 97 الف جنيه..
طب فرق السعر دا ليه؟؟
اولا عشان الاكسنت مفيهاش فرامل مانعة للانغلاق ..ولا فيها اى بى اس...يعنى بتفتقد لتجهيزات اساسية....وصحيح مفيش ايرباجز كمان تخيل...
لكن فى حالة الياريس كل دا موجود...
يبقى يستاهل يبقى فى فرق 15 الف والا لا؟؟؟
يعنى بالعقل كده...الاكسنت الى بتنزل فى اوروبا وبيشكروا فيها بتبقى كاملة المواصفات...ولو نزلت هنا بالمواصفات دى اؤكدلك ان سعرها هيوصل ل 110 الف ...
نفس الموضوع بالنسبة للانترا....سعرها اوتوا فى منها ب 102
السعر لقطة ...بس وبعدين...مفيش برده اى بى اس ولا اى بى دى...ولا ايرباجز....طب امال فيها ايه...صاحب المعرض قالى احنا بنبيعلك صالون ياباشا.:36_3_10[1]:
المهم عرفت بعد كده ان الانترا الى فيها كل التجهيزات الى انا بسأل عنها موجودة...بس الراجل يومها مكنش يعرف...وعرفت ان سعرها 122 الف ...
بصوا يا جماعة انا اتفقت مع الاخ توت انى بحثت ودورت عن الاسعار بره...وقررت اقارن بين الكورى والياابانى ..
بس المشكلة لحد دلوقتى ان مش لاقى نفس الموديلات الى بتنزلنا مصر هنا..
بس اهو...مع مزيد من البحث هوصل اكيد
متفق في حتة الأكسنت و الياريس دي..
انا كنت دايما بقارن الياريس بالأكسنت لكن فعلا الأكسنت بالنسبة للياريس فاضية اوي اوي .. ففرق السعر للياريس يغتبر مش كتير ( لكن هما الإتنين غاليين برضه )
هو لما سعر السيتي ينزل من 127الف الى 115الف وسعر البلوبيرد ينزل من 159الف الى 140الف ده يبقى اسمه ايه
اظن متاجرة باسم اليابان ولما الكل يتجه الى صناعات اخرى جيدة ايضا لكن السعر اقل اظن ان الميزان سيعتدل قريبا جدا
احب اوضح حاجة بالنسبة للسيارت الكورية :
لما نيجي نتكلم عن الكوري مينفعش نتكلم بشكل عام يعني لازم نقسمها اتنين
1- هيونداي 2- باقي الكوري (كيا - دايو)
شركة هيونداي اصبحت من اكبر الشركات العالمية المنافسة لاكبر الشركات اليابانية والالمانية. الكلام ده مش كلامي ده كلام تقرير j.d power العالمي حيث اخذت هوينداي المركز الرابع على شركات العالم لسنة 2009 وده ترتيب مذهل بمعنى الكلمة
شركة هوينداي في التقرير ده سبقت كتير من الشركات العملاقة زي مرسيدس وبي ام دبليو وتويوتا وهوندا.
ده يدل على مدى التقدم اللي وصلتله شركو هيونداي لدرجة انها لما نزلت الجنيسيس في السوق وابهرت العالم . شركة بي ام دبليو اخذت نسخة من السيارة عشان تشوف ايه التكتنولوجيا الجديدة اللي وصلتلها هيونداي.
دلوقتي اصبحت شركة هيونداي زيها زي اي شركة سيارات يابانية كبيرة .
عشان كده هيونداي هي قمة السيارات الكورية ولازم لما نقول كوري يكون في تفرقة بينها وين الباقي لان الفروقات شاسعة.
السيارات الكورية مناسبة جدا لشريحة كبير من المصريين بسبب سعرها المعقول و قطع الغيار متناول الايدي وكذلك الصيانة
فيه حاجتين
أولا صاحبي معاه فيرنا (اقل الهيونداي) من اول ما نزلت يعني حوالي من 4 سنين. بيعاملها بقسوة وهي ما شاء الله مريحاه لدرجة انه لما كان بيشتري عربية لزوجته فكر فيها تاني.
ثا نيا: الياريس ما فيهاش abs غير في أعلى فئة فقط على حد علمي (المصدر كونتاكت كارز) و برضه 1300
أي عربية تحافظ عليها هاتعيش