الموضوع: لماذا يضع بعضنا اسماء مستعارة

• اولا : اى عضو جديد مايعرفش المنتدى هيدخل بأسم مستعار
  
  ومافيش مشكلة ابداا من الاسماء المستعارة فى اعضاء كتير فى
  
  المنتدى بأسم مستعار بس عارفين اسامى بعض الحقيقية
  
  ثانيا : فى موضوع مثبت فى المنتدى الاجتماعى علشان كل عضو يعرف نفسو فيه
  
  فمفيش مشكلة ابداا من الاسماء المستعارة

يا نبيل باشا
الناس على النت بتبقى متعودة من زمان على اسم معين بيسجلوا بيه على المنتديات و انا مش شايف ان فيها مشكلة و الصراحة ان نايل موتورز عامل حاجة جميلة جدا مشفتهاش قبل كده فى اى سيت ان كل عضو يدخل و يكتب اسمه و بياناته كنوع من التعارف ده غير المقابلات اللى بين الاعضاء فى الربوة

اعتقد ان هذا الاقتراح يعد حظرا للحريات يا ياخى , فمن حق اى انسان ان يختار اسمه او ما يعبر عنه فى هذا العالم الافتراضى واذا حظرنا هذا الحق فأعتقد ان هذا سيكون اول الطريق للديكتاتورية.

[size=6]السلام عليكم ورحمة الله وبركاته
[color[color=blue]ياجماعة الاسم المستعار ده عامل زى الحفلات التنكرية كل واحد نفسه فى حاجه يعملها من وراء حجاب وطبعا هذا غير موجود فى المنتديات المحترمة ولكن موجود فى الشات لان كل ولد وبنت عايز يخفى شخصيته الحقيقية ، عموما هذا رأى ولاأحجر على رأى الآخرين وهذا الرأى ليس بدعة من بنات أفكارى ولكن هذا منتشر فى المواقع الرسمية والمحترمة ومن شاء ان يراجع ذلك فليدخل على هذا اللينك
http://www.mnaabr.com/vb/forumdispla...19aac0527&f=48
وياريت ياجماعة بلاش الله يخليكو لقب باشا لأنى لم أحصل عليه بعد :D
تحياتى لكم جميعا

فأعتقد ان هذا سيكون اول الطريق للديكتاتورية.

ما فهمتهاش دى ..

مع أن أنا مع الرأى بتاع إباحة الأسماء المستعارة .. طالما لم تتضمن أسماء لا تليق ..
لكن إيه العلاقة بين أستخدام أسماء حقيقية " ودى متاحة في مواقع كثيرة إن لم تكن مشروطة .. " .. والديكتاتورية ..!!!

المشاركة الأصلية كتبت بواسطة Abdallah

واذا حظرنا هذا الحق فأعتقد ان هذا سيكون اول الطريق للديكتاتورية.

الاخ الاستاذ / عبدالله السلام عليكم ورحمة الله وبركاته
ياريت بلاش نستعمل التهم والقوالب الجامدة و الجاهزة فى الاتهامات يعنى أنا لما أقولك إستعمل إسمك الحقيقى الذى تنادى به فى المجتمع الحقيقى وفضلك الله به واختاره لك أبواك أبقى ديكتاتور ما هذا؟
ياعم أنا خايف لحسن انت مشرف وأنا من الدهماء(عامة الشعب) لحسن تشيلنى من المنتدى :D
تحياتى

عبدالله يقصد ان إجبار الناس على التسجيل بأسمائهم الحقيقية هايكون نوع من أنواع فرض الرأى وأنا معاه فى كدة ، وبعدين حتى لو المستخدم فرضا سجل بأسم عادى ، تضمن منين ان دة اسمه الحقيقى؟
أقولك ، ممكن نعمل شرط كمان فى المنتدى اللى يسجل يرفق صورة البطاقة بتاعته وعليها طابع شرطة ، وكمان تعهد بإن البيانات المسجلة بيانات حقيقية والا يعرض نفسه للمسائلة القانونية :lol: :lol:
أرجو من صاحب الموضوع ما يكونش زعل انا بهرج :)