احداث صيانة الـ40 الف في مركز العبور

**hitham_sh** · 13-03-2009 04:15 PM

اتصلت بشركة التوفيق الي انا اشتريت منها البوجيهات وسالت على سعر البوجيه الي كان راكب في العربيه
هوا طلع اغلى شويه طلع سعرو 220 بس برضو مش 450 جنيه
الفارق مزال كبييير
وهوا خلاني مليتو الرقم الي مكتوب على البوجيه علشان يتاكد انو زي الي عندو

**أبو عبدالله** · 13-03-2009 04:27 PM

المشاركة الأصلية كتبت بواسطة MoToRiZeR

انا بتكلم عامة يا ابو عبد الله فيه حاجات مغالاة في سعرها جداَ زي الإنذار من 150 ل 560 ليه !؟

كارتيرة ب 300 و شوية ليه !؟

ماهي الفكرة إن الموضوع هيبقي مقبول لو الحاجات دي الأصلية الخاصة بالعربية و لكنها نفس الحاجات اللي في السوق .. فا طبيعي و إنت بتدفع في حاجة إنت عارف إن سعرها الحقيقي أقل من ثلث اللي إنت دافعه بتبقي متضرر .

و دي نقطة مش في صالح التوكيل لأن انا و غيري مثلاَ ركبنا الإنذار في التوكيل بالسعر الغالي عشان عارف إن التوكيل شغله نضيف و مش هيحصل مشاكل في الكهرباء و حفاظاَ علي ضمان العربية .. إنما أكيد السعر خض ناس تانية و قالتلك هركبه برة أو بناقص الإنذار خالص .

انا عن نفسي الكارتيرة إتقطعت و ملصمها لأن كل شوية واحد يريح عليا تقوم كلبسة طايرة و الكارتيرة واقعة فا مش معقول كل شوية هشتريلي كارتيرة ب 300 جنيه ؟

هههههههه ضحكتني والله يا محمود
جه في بالي ان المفروض تعمل سلسلة اسمها محمود والكارتيره

ايه يا عم انا حاسس انها معقداك
بس خلي بالك ان مش كلنا بنشتكي من الكارتيره

انا معاك ان الأنذار سعره عالي وانا واحد من الناس اللي ركبته بــ 800 جنيه كمان
هو صحيح ايطالي
بس مش لاقي ميزه فيه
صحيح مشكلة ان الأنذار يأثر على كهربة العربيه بس مش يبقى بالسعر ده
خصوصا ان الأصلي دلوقتي بنفس السعر

بس انا أظن والله اعلم ان الحاجات اللي سعرها بيبقى مبالغ فيه هيا الحاجات اللي مش بتبقى دايهاتسو يعني مش قطع غيار جايه من الشركة الأم

-----------------
هيثم كده كويس انك عرفت ان فيه فرق في البوجيهات وبما انها بــ 220 جنيه يبقى كويس جدا
واي واحد عاوز يغير بوجيهات يبقى يشتريها واهه كويس ان احنا افدنا الناس وعرفناهم ايه الفرق وبكام

وعلى فكره النوع اللي كان في العربيه اللي اسمه LASER IRIDIUM من خصائصه عن الاخر اللي انت اشتريته توفير البنزين
اما النوع اللي انت اشتريته Iridium IX فده بيعطي اداء عالي ولا ينظر للتوفري في الأستهلاك

وشكرا لك على مجهودك بجد
سؤال بقه هو في الصيانة غيرلك مية التبريد كلها ولا زود علي اللي في العربيه من الجركن

يعني انا عاوز اعرف هو بيغيره الميه كلها ولا بيزودا بس ؟؟؟

**hitham_sh** · 13-03-2009 04:32 PM

لا اعتقد غيرها كلها لانو شوفتو بينزل القديمه
والي يشتري بوجيهات ده رقم البوجيه الي كان راكب في العربيه
(ifr6j 11)
ومحدش يغيرو في الا 40 لانو بيعد اكتر من كده بكتير
والبوجيهات الي انا مخرجه فعلا حالتها كويسه جدا

**أبو عبدالله** · 13-03-2009 05:55 PM

موديلات البوجيهات الموصي بها في الكتالوج للسيريون هيا :

ماركة Ngk :
- Ifr6j11
- Ilfr6c11
-ilfr5c11

ماركة Denso :
- Svk20rz11
- Sk20hr11
-k20hr-u11
-sk16hr11

**YoussefMostafa** · 13-03-2009 06:08 PM

معلش سؤال خارج الموضوع

ايه الكارتيرة ده؟

**أبو عبدالله** · 13-03-2009 06:11 PM

الكارتيره هيا عبارة عن غطاء بلاستيك فوق العجل الأمامي او الخلفي حسب العربيه
وده علشان يحمي جسم العربيه من الميه والرمل اللي بيأتي من العجل عند التحرك بالسيارة

**Nader** · 13-03-2009 06:18 PM

المشاركة الأصلية كتبت بواسطة hitham_sh

اشتريت قبل ما اروح الصيانه من توكيل Ngk طقم بوجيهات اريديوم Ngk وكان سعرهم 150 جنيه زي ما نصحني اخ عزيز ليا هنا في المنتدى وخدتهم معايا التوكيل علشان يركبوهملي وانا بعمل الصيانه علشان هما سعر البويجهات عندهم 440 جنيه
بس لما جيت اعمل الصيانه قولت للمهندس عمرو انا من نايل مورتورز وعايز استفيد بالخصم اتاكد ان اسمي موجود وقالي تحت امرك يا فاندم قولتلو انا ليا طلب عندك انا جايب البوجيهات معايا وياريت لو تركبوهالي قالي طيب هسالك دخل الورشه وطلع وقالي للاسف يا فندم مش هنقدر نركبهملك لازم تبقى من عندنا قولتلو طيب خلاص متركبوش بوجيهات وانا هركبهم بره قالي ماشي رحت متصل بالمهندس احمد عبد الوهاب وقلتلو انا عايز اركب البوجيهات الي انا جايبها معايا قالي لا احنا مبنركبش Ngk واحنا بنركب دينسو وال Ngk بتعمل مشاكل في العربيه وتخليها تاكل بنزين ولو عايز انا ممكن اركبهملك بس هتمضيلي على ورقه ان احنا مش مساولين عن اي عطل يحصل بسبب البوجيهات
قولتلو لا خلاص مش مهم
وبعد ما خلصت الصيانه رحت ركبت البوجيهات في مركز صيانه في المعادي والمفجاه كانت ان البوجيهات الي طالعه من العربيه القديمه يعني الي جيه من اليابان ماركتها Ngk زي الي كنت جايبها ومرضوش يركبوها في التوكيل وعرفت كمان ان في التوكيل بيركبو Ngkاريدوم زي الي انا جايبها بالزبط ومبيركبوش دينسو ولا حاجه
بجد اضايقت جدا من الحركه دي مكنتش متوقع طيب لو كان فرق السعر بين بره وعندهم معقول كنت هقول ماشي بس الفرق تقريبا ضعفين تمنها من 150 الى 450 فرق كبير جدا
مطولش عليكو المهم انا دفعت في التوكيل النهارده بعد الخصم 1392

منين بتعمل مشاكل ومنين هي الاصلية اللي نازلة من المصنع!!

اسلوب رخيص وملتوي لاجبار العملاء على شراء قطع الغيار باضعاف سعرها.

**توفيق طة** · 13-03-2009 07:46 PM

بسم الله الرحمن الرحيم

ياأخوانى لازم يبقى لينا وقفة مع التوكيل بجد دى مهزلة الأسعار كلها فى النازل برة مصروهنا استهبال عشان احنا شعب طيب ومش بيدورعلى حقة .الدور بقى على الأخوة الأفاضل أصحاب الكلمة المسموعة فى التوكيل أمثال أبوعبدالله ومعاذ لازم يضغطوا على ادارة التوكيل لصالح العميل ؟هما بيستفيدوا من موقع نايل موتورز عشان دعاية لهم يبقى لازم يسمعوا مطالبنا..الهمة ياأبوعبدالله ...

تحيــــــــــــــــاتى

-

-

الموضوع: احداث صيانة الـ40 الف في مركز العبور

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مركز صيانة ميتسوبيشى - العبور - الرواس

مركز صيانة كيا العبور ؟؟؟؟

مركز صيانة العبور

اية رايكم فى مركز صيانة العبور

تجربتى مع مركز ابوغالى العبور فى صيانة ال25000.

الكلمات الدلالية لهذا الموضوع

المفضلات

المفضلات

ضوابط المشاركة