الموضوع: (80 - 85 ألف) .. لانسر 1600 أوتو أم كرولا 1300 ؟؟؟ الحيرة تقتلني!!

مكمكن تبصى على النيسان صنى او الاوبترا او الالنترا و هيكونوا موديل 2007 -2008
ممكن كمان رينو ميجان موديل 2005

انا كان معايا الاتنين قبل كدا
اللانسر 1600 طبعا موتورها اقوى بس استهلاكها للبنزين داخل البلد خراب بيوت بجد وصوت موتورها على السرعات العاليه عالى جدا وعزلها سىء جدا ومش واسعه من الداخل وناشفه على المطبات
الكورولا 1300 التكييف لا يؤثر على السحب موتور ناعم عمليه جدا ومريحه على المطبات وواسعه من الداخل بس يعيبها الثبات على السرعات العاليه اقل من اللانسر
فحضرتك شوف اولوياتك ايه انا رايىء الشخصى الكورولا 1300 احسن لو حضرتك عاوز عربيه عمليه ومش غاوى شد وغرز
اعتقد 85 الف تجيب كورولا 2005 اوتوماتيك بس حاول تكشف عليها قبل ما تشتريها
وتقبل تحياتى

المشاركة الأصلية كتبت بواسطة invisiblebaby

الإخوة الأعزاء
بارك الله فيكم واعانكم دوما على فعل الخير والنصح لوجه الله

هذه أولى مشاركاتي وأتمنى أن أجد الاختيار الأنسب لديكم وخاصة من أهل الخبرة والتجربة الفعلية

إذا كان المبلغ من 80 إلى 85 ألف تقريباً وأريد سيارة جديدة نسبيا ( 2005 فما فوق )

فما هو الاختيار الأنسب ؟؟

*هل لانسر 1600 Auto أم كرولا 1300؟؟

** هذا المبلغ يجيب موديل سنة كام في السيارتين؟؟

*** إذا كان الإختيار كرولا 1300 فهل الأوتوماتيك جيد بالنسبة لموتور بهذه السعة اللترية؟؟

**** لو هناك اختيارات أفضل غيرهما فلا مانع من النصيحة.

الذي أعرفه أن كرولا 1300 أقل استهلاكا للبنزين طبعا من لانسر 1600 لكن ماذا عن فرق الأداء ( السرعة - سرعة الاستجابة عند الشد والتخطي مع تشغيل المكيف إذا كانت 1300 أوتوماتيك وغير ذلك..)

** عموما السيارة للاستخدام العائلي والشخصي سواء بسواء

الرجاء الافادة بالله عليكم فالحيرة تقتلني وتضارب الآراء تركني عاجزا عن اتخاذ قرار.

جزاكم الله خير الجزاء واجزل لكم المثوبة والعطاء

أنت عارف سبحان الله أحنا الأثنين فى نفس الحيرة ... أنا كنت ناوى أخذ رأى الزملاء فى نفس الموضوع بالضبط ... على العموم أنا هتابع معاك الموضوع وكأنه بتاعى
ربنا يوفقنا إن شاء الله .

كورولا افضل بكتيييييييييير

المشاركة الأصلية كتبت بواسطة elshaba7

besara7a ana mesh 3aref enta betfakar fe eeh asln
lancer tab3an
thbat aktar
motor agmad betaly 3omr eftrady atwal we t7es en el3arabya merta7a m3ak swa2 matla3 or takyeef or wazn gamed
we 3lafekra far2 elbanzeen mesh zy manta faker ella lamma to2ros 3la el3rabya wetshed
wel3afsha mynfa3sh ne2ol 3leha we7sha gamela gdan bas mesh wahmya

bgad bgad law 3yez takyeem neha2y
mynfa3sh matgebsh ellancer

اعتقد ده راىء اجتهادى وليس واقعى
يعنى الكورولا ركوبه تانيه خالص غير اللانسر
انا كان معايا الاتنين قبل كدا ومجربهم كتير
كورولا 1300 اوتوماتيك ولانسر سوبر اكشن 2007 1600
اقدر اقولك ان اللانسر تتفوق بالثبات على الطرق السريعه وموتورها اقوى
انما الكورولا زى ما قولت قاعده مريحه جدا جدا كعفشه وكمان الكراسى اريح بكتير جدا اللانسر كراسسها فى السفر متعبه جدا كانك قاعد على الارض
اللانسر فى الطرق الغير ممهده ثباتها يساوى 0 يعنى هتقعد تتنطط على الطريق جامد ابسط مثال خد الاتنين وامشى على 120 بالكورولا و120 باللانسر وشوف مين فيهم بيتنطط ومين فيهم ثابت وبمتص الصدمات
استهلاك البنزين طبعا الكورولا 1300 احسن بكتير جدا جدا
بالنسبه للاعتماديه الكورولا تكسب بمراحل كفايه تيل الفرامل بتاعها اللى اقل واحد بيعدى 25 الف مستريح
الموديل ده بالزات من الكورولا يعتمد عليه لاقصى الحدود بجد
بصراحه انا كدا شايف اللانسر ملهاش لازمه لان ثباتها بيفرق عن الكرولا بعد 140 وعلى طرق سريعه انما للاسف كل طرق مصر زى ما احنا عارفين كل غير ممهده علشان كدا يبقى الكورولا تكسب على المطبات والثبات على الطرق غير ممهده وعزل وصوت موتور ناعم غير اللانسر اللى هتحس انك مش فى عربيه ملاكى
وتقبل تحياتى