الي كل مالكي الشاهين ... يرجي المشاركة للأهمية

**casper_Dj30** · 13-03-2009 09:59 AM

السلام عليكم
بعد البحث و التدوير في كل اقسام الموقع الهايل دة عرفت ان ممكن يتركب تكييف ساندن للسيارة الشاهين بدون تأثير علي الموتور او تأثير طفيف جدا .... بس اللي معرفتوش و ارجو كل من ركب هذا التكييف يقولنا ( هل التكييف فعلا فرق معاة و خلاة مش حاسس بالحر و الهواء بيوصل للكنبة اللي ورا و لا لأ)
وفي واحد زميل معايا في الشغل مركبة بسئلوه قاللي مبشغلوش علشان كل لما بشغلوة بيبرجل العربية هل دي حقيقية ؟؟؟؟؟؟؟؟
فأرجو من كل اصحاب الشاهين اللي ركبوة يقولولي تقيمهم اية بعد التركيب علشان بناء علي هذا التقييم هركبة الشهر دة او ابيع العربية
و علي فكرة قرار البيع دة مش من السهل علشان العربية مريحاني فانا محتار جدا و محتاج النصيحة من كل اللي ركب التكييف

**nomercy22** · 13-03-2009 03:13 PM

انا معايا شاهين بس مش مركب تكييف ولكن من فترة الميكانيكي قالى انصحك تركب تكيييف واكدلي انه مش هيؤثر مطلقا علي العربية بالسلب بص انا من وجهة نظري لو تقدر تبعها وتجيب عربية نعمه تبقي احلي طبعا

**mrghost** · 13-03-2009 04:29 PM

ان مركبه من 9 اشهر بالظبط وهوفعلا ساندن يابانى وكان مكلفنى 2700 جنيه بالظبط
وفعلا بيفرق جامد جدا فى الصيف وكفايه انه بيخليك تقفل الزجاج بعيدا عن الدوشه والكلاكسات والكلام ده
بالنسبه للى قاعد فى الخلف بيبقى يعتبر مش حاسس بيه خالص للاسف وبضطر ساعات لما يكون معايا ناس فى الكنبه اللى ورا انى اطفيه وافتح الزجاج علشان ميتخنقوش
بالنسبه لتأثيره على السحب تأثيره طفيف بس لو العربيه فاضيه (مثلا فيها شخصين او ثلاثه )
انما لو محمله هتحس بقلة السحب
وبعدين انا الموتور عندى 1400 سىسى فقط بيتهيألى والله اعلم لو 1600 سىسى هيفرق فى السحب
بس هو عيبه انه مش بيوصل للكنبه اللى ورا
واى استفسار انا تحت امرك وعلى فكره اعرف مركز كويس لو عاوز تركب عنده