المشاركة الأصلية كتبت بواسطة MoToRiZeR
كعادتي كل يوم جمعة أخدت العربية الصبح بدري قبل الصلاة و رحت غسلتها في البنزينة و فولتها .. يا سلام شكل المؤشر بتاع البنزين و هو مليان و الطريق فاضي يشرح القلب، و قاعد أبص للمؤشر و هو علي أخره و أملي عيني منه زي ما يكون قلبي حاسس .
المهم رحت المهندسين و ركنت ناحية نادي التوفيقية كدة و نزلت و غبت بتاع ساعتين .
رجعت .. ببص لقيت باب التانك بتاع البنزين مفتوح .. قلت ياااه انا مسطول أوي معقول مفتوح من ساعة ما طلعت من البنزينة مخدتش بالي ولا شوفته في المرايه حتي طول المحور كله !؟
بدور لقيت المؤشر فيه شرطة واحدة ! و بتنور يعني التانك في أخره .. و هنا ترجمت اللي حصل و علي رأي الأغنية اللي لقيتها علي إذاعة الأغاني أول ما شغلت الراديو .. عوض الله عليك يا زمن :eek4: