نازل أجنط الفيرنا اخيراً..

**r0xer** · 13-03-2009 04:37 PM

السلام عليكو

انا بكرة ان شاء الله هنزل اشتري جنوط وكاوتش جديد

للأسباب التالية :

1- عندي فردة فيها حوالي 7او 8 اخرام و مقلق من القصة دي.

2- العربية مش ثابتة بعد 110 ومستحيل ااخد بيها غرزة وإلا هبقى بنتحر.. ولما سألت المهندسين الكبار بتوعنا هنا قالولي عليك بجنوط اكبر وكاوتش اعرض

3- انا بدأت اكره منظر العربية من غير جنوط بصراحة! وحاسس انه هيديلها شياكة اكتر

لكن المهم دلوقتي اني معايا ميزانية حوالي 2800-3000 كحد أقصى...فهل هيكفوا الجنوط الاسبور واربع فرد كاوتش؟

بالمناسبة انا مش هبيع الكاوتش ولاالجنوط اللي عندي وهحتفظ بيهم..فمش عارف هل المبلغ دا هيكفي ولالا؟

النقطة التانية انا محتار بين مقاسين كاوتش
جنط 14 و كاوتش 14/60/185
جنط 15 و كاوتش 15/50/195

والجنوط الأساسي عندي حاليا هو :

13/70/175

فأيهما مش هيأثر على العفشة بتاعت العربية ؟ وهيريحني في الثبات والملفات والسرعات ؟

حاجة كمان معلش...لو حد متابع اسعار الجنوط الماليزي و الاندونيسي والكاوتش البريدجستون او الكومهو ياريت يدينا نبذة عن الاسعار الايام دي؟

الف شكر ليكم مقدماً

**M.Osman** · 13-03-2009 04:49 PM

حضرتك مقاس 15 مش مكتوب في كتالوج العربية ... يعني هيكون اكبر من اللي العربية تستحمله ... خليك فى 14 احسن و بالتوفيق :)

**mohamed_mohsen** · 13-03-2009 05:02 PM

أولا الف مبروك علي الجنوط و الكاوتش مقدما
و الله احمد عزت بيقول ان الجنط ال14 بيبقي ممتاز علي افيرنا و مقاس مضمون برضه عشان مكتوب في الكاتلوج
بس انا بفضل الجنط 15 و كاوتش 50/195 بحس ان هيبقي شكله احلي و اعرض من ال14 و ثبات اكتر برضه
و الرأي الأخير لك برضه و ربنا يوفقك
و ابقي احكيلنا عملت ايه بعد الجنوط و الكاوتش
علي فكره الكاوتش الكومهو ممتاز و سعره برضه مش غالي

**PoweRPassioN** · 13-03-2009 08:33 PM

حاول تجيب الجنط نوع اصلي 14
وكاوتش 14/60/185
وهات رسمه تديك احساس انو 15
دا افضل من وجهه نظري عشان سحب العربيه والعداد
والله اعلم

**ahmedfra** · 13-03-2009 08:55 PM

185/60/14 خليك فى المقاس ده

**hanystar** · 14-03-2009 01:18 AM

خليك فى 14 عشان متبوظش عفشة العربية

**r0xer** · 14-03-2009 01:38 AM

الف شكر يارجالة..انا برضو في التوكيل قالو ان 14 هيكون احسن...لكن انا شفت عربيات كتيرة 15 وشفت في موقع اجنبي ان في ناس بتركب 15 ومحصلهمش مشاكل..

طيب مشفناش حد فادنا عن الاسعار؟ الكاوتش والجنوط ؟ اخبار الاسعار ايه يارجالة؟ وهل حد جرب يشتري من المحل اللي اسمه الافريقي الي في احمد عرابي؟ لانه جمب الشغل وهو اول واحد هطلع عليه ان شاء الله

**Terrible_DaRsH** · 14-03-2009 01:57 AM

لو عايز صينى متوسط انزل احمد سعيد ..
والاسعار هناك رخيصة بالنسبة للصينى العادى .
و 3000 جنيه حلوين مبلغ تمام مش قليل .
وممكن تنزل عند البطل الرومانى فى جسر السويس او اشرفكو فى الحى السابع دول صينى نظيف ..
ومن وجهة نظرى ركب 15 احسن من 14 بكتير .

**r0xer** · 14-03-2009 12:43 PM

اوكي توكلنا على الله أنا نويت على ال14 ومش عايز أغامر بالعفشة بصراحة...اولا لان عندي مشاكلي اللي مكفياني في العربية. وثانيا لان انا شايف عربيات كتيرة 14 وثباتها مش بطال .

هصورلكم الجنوطات النهاردة إن شاء الله من الافريقي ولو معجبنيش اللي هناك هصورلكم حاجات من بتاعت أشرفكو لاني هروحله لو الافريقي حاجته معجبتنيش...طبعا لان رأيكم يهمني قبل ماشتري.

وشكراً.

**Ahmed Hassan** · 14-03-2009 01:18 PM

على فكره المقاسين اللي كتبتهم تقريبا نفس قطر الجنط و الكاوتش الأصلي. و المقاسين المفروض تأثيرهم على العفشه واحد لأن ارتفاع الكاوتش فيهم واحد. المهم تتأكد ان فراغ الرفرف يستحمل عرض 195 من غير ما يخبط في الرفرف و لا العفشه.

الموضوع: نازل أجنط الفيرنا اخيراً..

LinkBack

أدوات الموضوع

عرض

-

-

-

-

المواضيع المتشابهه

الكاسيت الرودستار ال usb اللى نازل مع الفيرنا 2012؟

الكاسيت الرودستار ال usb اللى نازل مع الفيرنا 2012 هيجننى ؟

ما رأيكم فى كاوتش اللاسا اللى نازل مع الفيرنا هل أغيره ؟

مطلوب سعر كبالن الفيرنا ضرورى عشان نازل اشتريهم

اخيراً استلمت الفيرنا

الكلمات الدلالية لهذا الموضوع

المفضلات

المفضلات

ضوابط المشاركة