سير الدينامو اتمزق حتت وانا ماشى
صباح الفل
انا عندى عربية 127 موديل 82 وامبارح وانا ماشى لقيت العربية حصل تقريبا فيها رجة بس انا مخدتش فى بالى وبعد شوية لقيت لمبة البطارية ظهرت فى التابلوة فطفيط المسجل وركنت على جنب وفتحت الكابوت لقيت السير بتاع الدينامو وطرمبة المية لان الاثنين متوصلين على سير واحد لقيتة متمزق حتت فطلبت الكهربائى فجالى وركب سير اخر
بس السير الجديد انا حاسس انة مشدود على الاخر فهل فى مشكلة فى ذلك ؟
وهل البطارية يكون شحنها حصل فية حاجة لانى تقريبا مشيت ربع ساعة من بعد ما اتقطع سير الدينامو ؟
وهل السير اللى راكب فية منة انواع وما هو احسن نوع ؟
عشان عايز اجيب سير احتياطى عشان لو حصل مرة اخرى الموضوع دة اركبة
هل اروح للميكانيكى عشان يرخرخ السير اللى راكب شوية ؟
ارجوا الافادة وشكرا
Re: سير الدينامو اتمزق حتت وانا ماشى
اقتباس:
المشاركة الأصلية كتبت بواسطة magedm2007
بس السير الجديد انا حاسس انة مشدود على الاخر فهل فى مشكلة فى ذلك ؟
السير لما يكون مشدود على الأخر بيقصر في عمر السير وكمان ممكن تسمع صوت صرخة
اقتباس:
وهل البطارية يكون شحنها حصل فية حاجة لانى تقريبا مشيت ربع ساعة من بعد ما اتقطع سير الدينامو ؟
مافيش مشكلة لأن البطارية حتى لو أفرغت كامل شحنتها فبعد أن يبدأ الدينامو في العمل مرة أخرى يعاد شحن البطارية بما تحتاجة
اقتباس:
وهل السير اللى راكب فية منة انواع وما هو احسن نوع ؟
أكيد في أنوا مختلفة من السيور لكن ماقدرش أفيدك في النقطة دي لعدم معرفتي يالأنواع المختلفة
اقتباس:
عشان عايز اجيب سير احتياطى عشان لو حصل مرة اخرى الموضوع دة اركبة
فعلا لازم يكون معاك سير أحتباطي تفاديا لأي مشكلة عشان لو مسافر أو الوقت متأخر وحصل حاجه زي كده يبقى أنت في السليم
اقتباس:
هل اروح للميكانيكى عشان يرخرخ السير اللى راكب شوية ؟
ميكانيكي أو كهربائي همه إللي هايفيدوك في حكاية شد السير دي ومش هاتاخد منهم وقت على الأطلاق