سير الدينامو اتمزق حتت وانا ماشى

**magedm2007** · 05-09-2007 12:52 PM

صباح الفل
انا عندى عربية 127 موديل 82 وامبارح وانا ماشى لقيت العربية حصل تقريبا فيها رجة بس انا مخدتش فى بالى وبعد شوية لقيت لمبة البطارية ظهرت فى التابلوة فطفيط المسجل وركنت على جنب وفتحت الكابوت لقيت السير بتاع الدينامو وطرمبة المية لان الاثنين متوصلين على سير واحد لقيتة متمزق حتت فطلبت الكهربائى فجالى وركب سير اخر
بس السير الجديد انا حاسس انة مشدود على الاخر فهل فى مشكلة فى ذلك ؟

وهل البطارية يكون شحنها حصل فية حاجة لانى تقريبا مشيت ربع ساعة من بعد ما اتقطع سير الدينامو ؟

وهل السير اللى راكب فية منة انواع وما هو احسن نوع ؟

عشان عايز اجيب سير احتياطى عشان لو حصل مرة اخرى الموضوع دة اركبة

هل اروح للميكانيكى عشان يرخرخ السير اللى راكب شوية ؟

ارجوا الافادة وشكرا

**أبو_حمزة** · 05-09-2007 01:49 PM

ممكن السير القديم هو اللى كان مرخى زيادة عشان كده انت حاسس ان الجديد مشدود
البطارية مادامت كويسة يبقى مفيش أى مشكلة المشى ها يشحنها و تبقى تمام
ممكن تروح للميكانيكى يكشف لك على السير عشان تطمن

**PAYOO** · 05-09-2007 02:28 PM

المشاركة الأصلية كتبت بواسطة magedm2007

بس السير الجديد انا حاسس انة مشدود على الاخر فهل فى مشكلة فى ذلك ؟

السير لما يكون مشدود على الأخر بيقصر في عمر السير وكمان ممكن تسمع صوت صرخة

وهل البطارية يكون شحنها حصل فية حاجة لانى تقريبا مشيت ربع ساعة من بعد ما اتقطع سير الدينامو ؟

مافيش مشكلة لأن البطارية حتى لو أفرغت كامل شحنتها فبعد أن يبدأ الدينامو في العمل مرة أخرى يعاد شحن البطارية بما تحتاجة

وهل السير اللى راكب فية منة انواع وما هو احسن نوع ؟

أكيد في أنوا مختلفة من السيور لكن ماقدرش أفيدك في النقطة دي لعدم معرفتي يالأنواع المختلفة

عشان عايز اجيب سير احتياطى عشان لو حصل مرة اخرى الموضوع دة اركبة

فعلا لازم يكون معاك سير أحتباطي تفاديا لأي مشكلة عشان لو مسافر أو الوقت متأخر وحصل حاجه زي كده يبقى أنت في السليم

هل اروح للميكانيكى عشان يرخرخ السير اللى راكب شوية ؟

ميكانيكي أو كهربائي همه إللي هايفيدوك في حكاية شد السير دي ومش هاتاخد منهم وقت على الأطلاق

**hazem_khidr** · 05-09-2007 03:50 PM

السير لو مشدود او مرخي بيطلع صوت .
ما تقلقش من المشي ربع ساعه من غير سير بس كان لازم عنيك علي امبير الحراره علشان كده الطلمبه بتاع الميه مش شغاله و ممكن كانت تقفش الموتور بحاله فنصيحه لو انت بالليل ممكن تمشي لمسافه 30 كيلو علي السريع كمان مفيش مشاكل.
انما جو البلد اعمل حساب العطله و الزحمه و الحر.
بالنسبه للفيات انا كنت بجيب سيور بريللي و كانت ممتازه و دايما عاين واحد احتياطي معايا ف يا ريت تجيب واحد و تخليه معاك للضمان احسن.
نصيحه روح شوف ميه البطاريه لو بطااريتك سائله عند الكهربائي علشان لو كانت نشفت شويه من المشي من غير شحن.