الموضوع: كورولا ولا جيتا

المشاركة الأصلية كتبت بواسطة ahmed _abo samra

لا حضرتك مش فاهمنى
انا قولت على الطرق الغير ممهده واكيد بره كله طرق ممهده
والكلام ده متاكد منه 100%
يعنى جرب العربيه على الدائرى كدا وجر بيها 150 وشوف العربيه هتعمل معاك ايه
احنا بنتكلم على المفهوم ده
انما على الطرق السريعه ثباتها لا جدال فيه

ده كان ردى بس تقريبا ما اخدتش بالك منه

المشاركة الأصلية كتبت بواسطة M.Fadi

ممكن حضرتك تفهمنى ازاى مش ثابتة على الطرق الغير ممهدة قصدك علشان عفشتها ناشفة ولا اية مش فاهم

انا اقصد لو حضرتك سايقها مثلا على الدائرى اللى هو بعد السلام فى اتجاه 6 اكتوبر هتلاقى العربيه عماله تنطط على الطريق
هو الموضوع ليه علاقه بالعفشه ولكن الماذدا عفشتها مش ناشفه قوى يعنىبالنسبه للانسر او الهوندا فتعبر انعم منهم
وعلى فكره انا ليا واحد صاحبى عمل بيها حادثه للسبب ده ودلوقتى معاه هوندا سيفيك ومع ان الهوندا عفشتها انشف ولكن ثباتها افضل على الطرق الغير ممهده

المشاركة الأصلية كتبت بواسطة ahmed _abo samra

على فكره المقارنه بين الجيتا بيسك اللى ب 170 الف والكورولا الادفانسيد اللى ب 159 الف
قولى انت بقا

الجيتا فيها
1- تكييف تاتش
2- مفتاح بصمه
3- مراءه حساسه للضوء
4- جنوط سبور 16
5- زينون
6- بخاخات
7- 9 وسائد هوائيه
8- مثبت سرعه
وعلى فكره الكورولا فيها ABS &EBD &ASR &MSR &ESP

بالنسبه للثبات نفسى اعرف ايه اللى دخل الكورولا 2001 فى الموضوع
انا بتكلم على كورولا الجديده 2008
بالنسبه للثبات انا ما قولتش ان الكورولا اثبت منهم
انا قولت ان الجيتا اثبت ولكن ليس فرق شاسع يعنى اللى جربتها فيها جنوط 16 ما جربتش اللى فيها 17
بغض النظر عن الكلام ده سؤال ليك
انت جربت الجيتا والكورولا ولا بتتكلم كدا يعنى من اعتقاداك وتخيلاتك
بالنسبه للفيكترا اللى عومت على 160 والله انا مش مطلوب منى احلفلك علشان تصدقى ولكن ده فعلا حصل ولو عاوز تتاكد ابعتلى على الخاص ابعتلك رقم صاحبها تتاكد منه وعلى فكره عربيته بتتصلح دلوقتى فى التوكيل
بغض النظر عن العربيات اللى كانت عندكم وهما 6 اهل عندكم منهم فيكترا الحاليه
بالنسبه للابعاد
هاخد الاوكتافيا كمثال
قاعده عجلات الكورولا 2600 مم
قاعدة عجلات الاوكتافيا 2578 مم
طول الكورولا 4560 مم
طول الاوكتافيا 4572 مم
عرض الكورولا 1760 مم
عرض الاوكتافيا 1769 مم
ارتفاع الكورولا 1465 مم
ارتفاع الاوكتافيا 1460 مم
مقاس عجلات الكورولا 205/55/16
مقاس عجلات الاوكتافيا 195/65/15
اما بالنسبه للاستفار الصغير بتاعك لو هتتكلم بالاسلوب ده مش هينفع اكمل معاك اى حوار تانى

اولا كده يا باشا ...
هدى نفسك لانى حاسس انك متعصب وواخد الكلام على اعصابك و الموضوع مش مستاهل ....
و انا عارف ان النقاش ملوش فايده لانك مش عايز تتناقش اساسا انت عايز تقول كلام و عايزنا نعتبر دى حقائق مؤكده لا نقاش فيها ...
ابسط حاجه انك بتقارن عربيتين من فئتين مختلفتين و عايز تطلع الفئه الاقل احسن ...
مش عارف ازاى ....
بالنسبه للمقارنه هنا الى بين الجيتا البيسيك و الكورولا الادفانسيد فأعتقد ان الراجل قال انه هيجيب خليييييييجىىىىىىىىىى
يعنى ام جنوط 15 ....و الموتور القديم و الفتيس القديم (مش ابو مشاكل) و الى مفيهاش غير abs ...
يعنى الى مفيهاش الكماليات الى انت بتقول عليها دى ....
يعنى مش الى انت راكبها و بتدافع عنها دفاع مستميت ....
و اساسا الراجل طلب آراء ...صح ؟؟؟
كل الاراء قالت جيتا ما عدا حضرتك ...
اعتقد ان الراجل هياخد برأى الاغلبيه ...
مش كده ولا ايه ؟؟

بالنسبه بقى لدخول الكورولا 2001 فى الموضوع فهو اننا بنتكلم عن عربيه عملتها شركه تويوتا و من حقى ارجع و اشوف تاريخ الشركه علشان اطمن على العربيه الى هركبها صح ؟؟
يعنى انت لو عملولك عربيه اسمها (حا حا )و روحت اتفرجت لقيت فيها كل الكماليات ...
بس محدش سمع عنها هتشتريها ؟؟؟
اعتقد انك مش هتشتريها ...
نفس النظام ده انا عملته مع الكورولا ...
رجعت لورا اشوف تاريخ الشركه فى الثبات ..
لقيته يكسف و غير مشرف ...:k48::POINTI~2[2]:
و اعتقد انها زى ما قلتلك مراجيح (و دى انا متاكد منها لاننا اشترينا واحده 2005 و بعناها بعد اسبوع لاننا مش بنحب نتمرجح )

بالنسبه لاعتقداتى و تخيلاتى فأعتقد ان كل الاعضاء الى ركبو العربيات دى قالو نفس رأيى ...+ انى راكب قرينه الجيتا ...
يعنى من الاخر تخيلاتى و توقعاتى صح مش غلط ...

بالنسبه للفيكترا الى عومت على 160 عندى استفسار و عايز ليه اجابه :
انت تقصد ان الفيكترا مش ثابته ؟؟؟
بالنسبه للاوبل الى عندنا فهى استرا 2006 سيدان زى ما انا كاتب فى بياناتى و هتقولى متتكلمش على الفيكترا طالما ما ركبتهاش ...
هقولك رد بسيط :
الجواب بيبان من عنوانه ...
الفيكترا من يوم ما طلعت ثابته على ال 200 زى ال 20 بالظبط ....
مش معقول الموديل الجديد هيبقى مش ثابت ولا هى تويوتا بس الى بتطور من ثباتها ؟؟؟
و كمان الناس الى امتلكت العربيه قالو انها ثابته و مفيهاش ولا كلمه من ناحيه الثبات ...
هاتلى حد غيرك انت و صاحبك يقولى انها مش ثابته ....


بالنسبه للابعاد فانا لو سمحت عايز مصدرها
و لو فرضنا انها صح فواضح برده ان الاوكتافيا اكبر اه مش بفرق كبير بس اكبر ...
بالنسبه لمقاس الاوكتافيا فى الكاوتش فأحب اقولك انك كاتبه غلط ...لانه
205/55R16
و كمان فى مقساس 17 مش هكتبه لانى مش عارفه بالظبط و مش بحب افتى و اقول حاجات مش صح ....

بالنسبه لردك على استفسارى فواضح انك خدت الكلام على اعصابك برده و مفهمتش قصدى ...
على فكره لو حضرتك بتروح توكيلات كتير كنت هتلاقى هناك صناديق للمقترحات ...او لما بتتصل على call center بتاع اى توكيل هتلاقيه بيسالك عندك اى مقترحات ولا لا ؟؟؟
انا عن نفسى لما بيكون ليا اى اقتراح بقوله للوكيل عادى يعنى مفيهاش حاجه ....


معلش انا هقوم انزل اخرج دلوقتى و هبقى ارد على بقيت الجدال بتاعك بالليل لما ارجع ...

المشاركة الأصلية كتبت بواسطة the_first_knight

انتوا متأكدين يا شباب إننا في مصر ؟؟؟

إيه السرعات الغريبة اللي بنسمع عنها دي ؟؟؟؟
150 - 160 - 180 -200

يا شباب احنا في طرق مصر .. مش حلبات سباق
موضوع المقارنة والله حلو ... بس الحوارات التي لا تفيد والجدال الذي يسبب العصبية والنرفذة مش حلو خالص ..

يا ريت يا شباب نتعلم نحترم بعض ونحب بعض ( الخلاف في الرأي ................................ )

نرجع لموضوع المقارنة :
منعا للمداخلات ( هتكلم عن نفسي )
هتخيل نفسي إن شاء الله معايا 170000 جنيه ... هجيب عربية من إتنين :الجيتا أو المازدا 3
وفي النهاية هفكر وافكر واسأل واسأل وأختار :
المازدا 3 ( الملكة المتوجة على عرش قلوب الشباب )

وكمان هوفر حوالي 25000

وربنا يوفق صاحب الموضوع

متشكر يا باشا على نصيحتك الجميله دى بس انا عايز اقولك حاجه ...
انا لا احب الجدال و اساسا انا قلت رايى بكل حياديه زى ما صاحب الموضوع طلب ...

المشاركة الأصلية كتبت بواسطة ahmed _abo samra

تقريبا معرفش ايه اللى بتقوله ده
اعتقد كلامى واضح ومش مشكلتى انك بتفهمه بطريقه تانيه

معلش اصل مخى موديل قديم و نازل بدون خاصيه الفهم السريع ....
انا سألتك سؤال و كان واضح و صريح :
هل تقصد ان الكورولا خدت غرز و الاوكتافيا معرفتش تاخدها ...
لو معندكش اجابه قول عادى مفيش احراج ...
عموما انا هعتبر كلمه (مش مشكلتى انك بتفهمه بطريقه تانيه ) هزار منك و هعديها عادى لانى مبحبش المشاكل .......

المشاركة الأصلية كتبت بواسطة ahmed _abo samra

مش انت جربت الكورولا قولى بقا وصف تفصيلى للعربيه وجربت تاخد بيها عرز على سرعة كام والملفات على كام والفرامل اخبارها ايه
بالنسبه لرقم 1- صاج قوى ما اللكورولا برضه صاجها قوى مش ضعيف
2- الاوكتافيا وزنها 1290 كجم والكورولا 1270 كجم يعنى مش معجزه
6 - انا عاوز مين قالك ان التويوتا سمعتها وحشه من ناحيه الثبات طب شوف كدا اللكزس Isf ومقارنتها ب Bmw M3 وابقى قولى بقا على عربيه سكودا او حتى فولكس عملتها زيها 5- قولى بقا ايه انظمه الثبات اللى فى الجيتا وغير متوفره فى الكورولا
7- هو حد ركب كورولا الجديده قبل كدا وقال انها مش ثابته وبعدين رقم 7 دى بصراحه مش منطقيه لان المفروض يبقى التقييم تقييمك انت مش تقييم الناس وسمعت من فلان والكلام ده
بالنسبه للقياده على سرعات عاليه انا جبت بالاوكتافيا 195 كم وعلى فكره ما تحورش فى كلامى انا ما قولتش ان الكورولا اثبت انا قولت الاوكتافيا اثبت ولكن مش بدرجه كبيره

لا يا باشا انا مقولتش انى جربت الكورولا الجديده انا قولت انى حطيت رجلى فيها و مقولتش انى سوقتها ....
لكن ان شاء الله احتمال اجربها ...
فى واحد اعرفه معاه العربيه ...
بس انا مكسل اجربها لانى بحب اجرب الحاجه الى تستحق ...

بالنسبه للصاج فدى حاجه معروفه ان صاج الالمانى احسن و اقوى من اليابانى ...
و بعدين هو انت مش عايز تعترف ان صاج الكورولا ضعيف ليه ؟؟؟

بالنسبه لوزن الاوكتافيا ...
مين قال انه 1290 ؟؟
الكتالوج كاتب 1880 ........
يا ريت تقولى مصدر المعلومه .....

بالنسبه بقى للسمعه متقوليش لكزس و كده لاننا بنتكلم عن تويوتا لو عايز تتكلم عن شركات تانيه هقولك بورش (ليها جزء كبير فى فولكس )فبلاش احسن نتكلم عن شركات تانيه و خلينا فى الكورولا و التويوتا الى سمعتهم وحشه و الدليل:
ياريس
كورولا

بالنسبه لانظمه الثبات اعتقد ان الكورولا الى صاحب الموضوع يقصدها مفيهاش غير ABS لانها خليجى (يابانى يعنى).........

بالنسبه للناس الى ركبو كورولا فأحب اقولك ان مفيش حد اتعود على المانى هيعرف يركب الكورولا دى .......
هى اه ثابته و لكن لم تصل الى المستوى الى تنافس بيه الالمانى ......
عارف يعنى ايه تبقى راكب عربيه و عارف انها ممكن تاخد اى غرزه مهما كانت ...
عارف يعنى ايه لما تبقى راكب عربيه و على اى سرعه مطمن ؟؟؟
اعتقد انك مش عارف الاحساس ده لانك مش متعود على المانى .....

بالنسبه بقى لحوار تقييمى مش تقييم الناس فممكن توضحلى فايده المنتدى ايه طالما محدش يسمع كلام حد فى اى حاجه و يجرب بنفسه ...
انا اه لا احكم الا بالتجربه بس حاجات مش محتاجه ...
يعنى انا مش محتاج اجرب جاجوار علشان اعرف ثابته ولا لا ...
ولا محتاج اجرب كورولا علشان ارعف ثابته زى الالمانى ولا لا ...
فى ناس امتلكو المانى و يابانى و اكدو ان الالمانى اثبت بمراحل ...
و بعدين برده حضرتك مش ملاحظ ان انت الوحيد الى بتجادل فى حوار الثبات ؟؟
فى حاجه عايز اقولهالك :
انا مقولتش انها مش ثابته بالعكس انا عارف ان تويوتا صحت من النوم و ركزت على ثبات العربيه و بالفعل الكورولا ثابته لكن مينفعش اقارنها بجيتا او اوكتافيا من ناحيه الثبات....

المشاركة الأصلية كتبت بواسطة ahmed _abo samra

طب تعرف والله الكورولا اللى معايا اثبت على الطريق بكتير من الماذدا 3 وده مش كلامى بس ده كلام واحد معاه ماذدا 3

ايه الى جاب المازدا فى الموضوع ...
و بعدين لو سمحت متقولش كلام حد ..
لما تركب احكم مركبتش متحكمش (مش دى نظريتك؟؟)

المشاركة الأصلية كتبت بواسطة ahmed _abo samra

بالنسبه للشارك المشكله تكمن فى ارتفاعها عن الارض وارتفاع الشنطه الخلفيه فالكلام ده بيديك احساس نسبيا بعدم الثبات

هو ارتفاع الشنطه بيقلل الثبات ؟؟
الجيتا شنطتها عاليه ..
الاوكتافيا
الشبح
الفيكترا
الباسات
كل العربيات الثابته دى شنطتها عاليه!!!!!
طيب الاسبويلر بقى بيقلل الثبات ؟؟؟

المشاركة الأصلية كتبت بواسطة ahmed _abo samra

على فكره انت جبت الكلام ده منين
ده مفيش اكتر من حوادث الماذدا 3
شكلك بتهزر صح

هى بتتقاس بكميه الحوادث ؟؟؟
هو الى بيعمل حادثه لازم تكون بسبب ان عربيته مش ثابته ؟؟
اعتقد كده كان مفروض الكورولا ال 2002 لحد 2008 تخلص من السوق .........


معلش انا طولت يا جماعه انا عارف بس لازم ارد على الجدال ده ............

استاذ احمد ابو سمره :
هو ايه المشكله فى ان الكورولا اقل من الجيتا ؟؟
عادى يعنى العربيات فئات ....