محتارة بين ال frvو الأكسنت ايه رايكم؟
عرض للطباعة
محتارة بين ال frvو الأكسنت ايه رايكم؟
i think frv
اعتقد اكسنت ...
طبعا الجديده ...
للاسباب الاتيه :
اولا الاكسنت سمعتها احسن من Frv مش لعيب فى ال Frv ولا حاجه بس بردو دى هيونداى و معروفه و كورى مش صينى ....
و مهما كان جوده الاكسنت هتكون احسن من الfrv لان الصينى لازم تكون فيها حاجه توفر علشا يبقى سعرها رخيص ...
و اكيد الحاجه دى مش هتكون كماليات ...
الحاجه دى هتكون جوده ....
طبعا ده رأى شخصى ....
و استنى رأى حد من ملاك العربيتين ....
أنا رأيــى الشخصى ال Frv
العربية دى مع واحد صاحبى وبجد العربية تحفة , مشكلتها الوحيدة إنها صينى والصينى مالوش أمان
النيو أكسنت عفشتها ناعمة آوى وثباتها مش قد كده بعد ال 120
ويا سلام لو تفكرى شويه فى الجين 2 لإنها هتكسب بمراحل :S_thum1[1]:
لالالا يا جدعان
كده كتير يعني الاكسنت هتتقارن بالعربيه دي وصيني كمان
ده انا لسه شايف واحده زيرو من يومين ماشيه بتصفر
أنا معرفش معلومات عن ال Frv مع انى معجب اوى انها تبع توكيل بى ام بس الأكسنت كوية قوى ... لو ال Frv موجودة مع حد هنا ياريت يفيدنا لآنى سمعت عليها كلام كتير والله اعلم
هو طبعا ياباشا البريليانس حلوه بس برضو صيني وبتصفر فراملها ومن هيا زيرو حرام يعني دي مدفوع فيها 75 الف
بالنسبه للنيو اكسنت صحيح ان عفشتها ناشفه بس هي ثباتها كويس على حجمها وفئتها ومع جنط 15 او 16 خلاص كده العربيه بقت زي الفل
ده بالاضافه الى ان عفشتها بتستحمل
ولو اي حد ساقها بعيد بحذر بسيط وبعد عن النقر والمطبات مش هيلاقي اي مشكله معاها خالص
باشا انت زعلان اوي من ثبات النيو اكسنت 1000 جنيه سوست رياضيه العربيه هتتحول
انما البريليانس استحاله تستحمل لا شوارع مصر ولا اسلوب قياده الشباب
رأي النيو اكسنت اداها احسن عدي الثبات بس ال frv شكلها من الخارج و الداخل احلي.
بالنسبة للاستحمال اتوقع الاكسنت تستحمل اكتر بس دة مش معناة اني اتوقع الfrv تكون وحشة لان محديش يقدر يقول دلوقتي.
هو برده فى حاجه يا جماعه بالنسبه للثبات ...
الى هتشترى العربيه بنت ...
يعنى غالبا مش هتجرى اوى خصوصا ان انتو بتقولو انه ضعيف بعد 120 .....
لو هتجرى بالعربيه (منصحكيش) يبقى ممكن تجيبى اكسنت علشان تبقى فى الامان و تبعدى عن الصينى ...
و ركبى للاكسنت جنوط ...
انا عملت كده فى عربيتى مع انها ثابته اساسا و مفيهاش ولا كلمه بس كانت بتعوم على 140 لو الطريق مش كويس ...
بعد ما ركبت جنوط 16 بقت ثابته لحد 185 ....
الإخوة الأفاضل
العزيزة صاحبة الموضوع
أولا اسمحولى امسى عليكم جميعا....
والجميع له كل الشكر على رأيه ونصيحته ولكن دعونا جميعا نتكلم بموضوعيه بلا أن نحكم بمجرد السماع أو الإنطباع أو الرؤية ...
الهيونداى ماركة ممتازة جدا وسياراتها رااائعه ولا نشكك بها والسيارة الأكسنت فعلا رااائعة ..
ولكن وعن تجربة السيارة ال FRV فعلا حتقلب الموازين وحتثبت مع الوقت انها اعتماديه.
السيارة معى وعملت بيها 3000 كم وما شاء الله راااائعه
شكل خارجى جذاب وشبابى وشيك وقوى , صالون رااائع وراقى وواسع وخامات جيده , تسارع ممتاز وثبات رااائع كأنها سيارة ألمانيه تقدر تجرى بيها بكل اطمئنان بأمر الله , كماليات رااائعه وABS,EBD +Air Bag السيارة فعلا تقيلة تحس بقوتها ورشيقة فى المناورة جدا بصراحة راائعة وبجانب ذلك السيارة أفضل سيارة صينية وتوكيلها محترم جدا جدا.
ومننساش ان كونها صينى ده ميعبهاش لأن لها أختين فى السوق الإسبلندور والجالينا وهما ضمانهم 5 سنوات بدون حد أقصى للكيلوميترات وعربيات فاخمة واعتماديه جدا ...
بجانب ان الناس لما نزلت العربيات الكورى الأول كانت الناس خايفة منها جدا ومع الوقت كل الناس بقت تشتريها ...
اذا أردتى رأى مع احترامى لجميع الآراء فالسيارة رااائعه جدا وصفقة رابحة أما اذا كنت تحبين الأكسنت فهى أيضا صفقة رابحة ...
وعليكى بلإستخارة وبالتوفيق...
وأى استفسار فتحت أمرك..
بجد متشكرة جدا على الرد و لكن ايه أخبار البريليانس فى السفر لأنى هاطلع بيها كتير على الطريق.و ايه أخبار قطع الغيار و الثبات؟و ألف شكر.
سيدتى
أقول وبالله التوفيق السيارة ال FRV ممتازة فى السفر فالحمد لله سافرت بيها كام مرة ومسافات تصل ل 450كم متواصل وبالتكيف رائعه وسحبها راائع التكيف ممتاز والسحب مبيتأثرش قوى بالتكيف مننساش ان الموتور 1600CC بيديها فعلا أداء قوى على الطريق.
بصراحة جربتها على 140 كم/س وكانت ثباتها ممتاز ومتحسيش بالسرعة خالص ولما تفرملى استجابتها رااائعة وتسعفك بفضل الله .
قطع الغيار مظنش انها غالية وبصراحة السيارة جديده فى السوق محدش احتاج قطع غيار بس لما عملت صيانة 2000كم كان فلتر الزيت ب 40 جنيه وكده معقول,والصيانة كلها اتكلفت 336 جنيه شامل المصنعية وفلتر الزيت وتغير زيت 4 لتر زيت موبيل وانوصيانة 2000كم وده معقول جدا .
العربية فعلا راااائعه وانصحك علشان الإقتناع روحى اتفرجى عليها هى والأكسنت فى أى معرض واركبيهم وشوفى انطباعك واسألى فى المعرض على العربيتين وممكن تدخلى فى المنتدى قسم الهيونداى وتعرفى اخبار الأكسنت.
وبالتوفيق وتحت امرك فى اى استفسار...
انا على فكرة يوميا بسافر بيها فى طريق مصر الاسماعيلية الصحراوى ويوم الجمعة الاسكندرية
وكمان احب أوضح حاجة انا كل ما بسافر الاسكندرية بيبقى معايا على الاقل 4 افراد
وبكون مشغل التكييف وبجيب بالعربية 180-190 كم\س وال 5200rpm
ومحدش بيحس بالسرعة الا اما يشوفونى بطيير من جنب العربيات
بس الحمد لله مش ناوى اجيب السرعة العالية ديه تانى
نصيحة لو انتى بتسافرى كتير هاتى الfrv واستخيرى ربنا قبل ما تشترى علشان انتى هتدفعى 80 الف جنية مبلغ مش قليل
بالنسبة لقطع الغيار فى واحد فى الحرفيين جاب قطع غيار السبلندر والجالينا
وانا رحت سألته عن الfrv قالى هتوصل قريب
اللى سمعتى ان ناس بتشكر فيها جدااا وناس كتير اثبتوا انها تعبانة جدااا عكس بعض تماما يعنى مثلا فى الموضوع ده http://www.nilemotors.net/Nile/showthread.php?t=62594 وكذا موضوع تانى الناس بتتكلم عن عيوب ظهرت فى العربية و ان العفشة بتاعتها مش من صنع شركة بوش بإثباتات كتيرة وان ديه اشتغلات و بالإضافة انها واخدة أسؤأ اختبار تصادم :) معلش مش لاقى التست بتاعها دلوقتى بس انا لقيت بتاع اختها بس للعلم هوة نفس الفكرة واسؤأ للأسف وممكن تتفرج علية من هنا http://www.youtube.com/watch?v=nzoRd...eature=relatedلو مش مصدقنى غير ان التقفيل سئ جدااا فى نصس الحين فية ناس بتشكر فيها وعجباهم جدااااا
بص ياباشا انا عندي العربية و هقول رأي بحيادية .
أداء السيارة فوق الممتاز من ناحية الثبات والسحب و التكييف. بالنسبة للعفشة هيا في نشوفية الالماني و هيا صناعة صيني مش صنع بوش التصميم بس بتاع العفشة و الشاسية الماني و علي فكرة هما جيدا جدا.
موضوع التقفيل الناس بتتكلم علي سوء تقفيل الموتور علشان معلهوش غطاء بلاستيك!!! المهم انة يكون معمر مش شكلة حلوا و بعدين تقفيل الموتور و طريقة تثبيت الاجزاء الاخري و الاسلاك ممتازة و هوا دة المهم مش الغطاء ( يعني انا لاو جيبت الغطاء مش هيحسن التقفيل و لا الموتور هيكون اداءة احسن و لا هيعيش اطول)
بالنسبة لتقفيل العربية من الداخل طبعا في عيوب " airbag 2 cover شكلة وحش و جلدة الفتيس بردة مش حلوة والروكنة الي تحت بتاعت قايم الزجاج الامامي هتلاقيها معوجة شوية في كل العربيات و اكيد باقي الحاجة مش ذي bmw بس اجمالا تقفيلها جيد جدا و لاو قارنتها بعربيات في نفس رانج السعر مثل sirion, getz, gen2, rio, aveo, new accent هتلاقيها ممتازة .
انا زهقت من كتر ما انا بدافع عن العربية الfrv
الحمد لله معظم مالكيها مبسوطين منها
يبقى نقول ربنا يباركلهم فيها
وأهم حاجة ان الواحد يكون مقتنع بعربيتة انشاله لو seat لو الواحد مقتنع بعربيتة بتبقى بالنسبالة bmw
وأنا خلاص مش ناوى ارد على الناس الى بتهاجم العربية وخلاص
والناس الى بتهاجم اختبار البريلينس الجالينا الاولانى يكملوا البحث ويشوفوا الجديد بتاعها
بجد انا زهقت خلاص :_Alshmokh08[1]::_Alshmokh08[1]::_Alshmokh08[1]:
هيونداي اعتقد احسن بكتير
نيو اكسنت تكنولوجيا و تقفيل احسن غير انها مضمونة اكتر
ال frv عوامل الامان فيها اكتر بس مش مضمونة زى الاكسنت خاصة و ان المستهلك المصرى ثقتة ضايعة فى اى حاجة صينى يعنى لازم الوقت يثبت للناس ان العربية فعلا تستاهل و دة لسة محصلش لان العربية جديدة فى السوق و معداش عليها 6 شهور و اغلب اللى معاهم العربية معداش عليهم 3 شهور و دى فترة غير كافية للحكم على العربية
انا مش عارف انتة متنرفز قوى كدة لية انتة محسسنى ان العربية دية انتة اللى عاملها كل الفكرة انتة سألتنى وانا رديت عليك وبعدين هوة انا قلتلك ربنا ميباركش بمولكها يا سيدى ربنا يباركلهم انا مش مستفيد اى حاجة من الموضوع ده انتة سألت وانا جاوبت على اد السؤال الموضوع مش مستاهل النرفزة دية قوى وبعدين انتة تدافع عنها ولا متدافعش الموضوع مش فارق معايا يعنى فى إيه لكل ده متزعلش نفسك ال FRV أحسن من بى ام 760 ( 2009 ) غذا كان ده هيبستطك ومش هيخليك متنرفز والف مبروك لمالكها ولحضرتك لو ناوى تشتريها :) و شكرا
يا سيدى انا اسف
بس لو حضرتك لاحظت ان معظم المواضيع الى مكتوبة معظمها هتلاقيها ناس بتهاجم العربية وخلاص
وعلى فكرة العربية معايا وعامل بيها 6800كم والعربية ما شاء الله عليها زى الفل احسن من اللانوس الى كانت معايا
وبكرر اعتزارى
بس والله من كتر ما الناس بتهاجم بدون تجربة هوا داه الى بيدايقنى
الموضوع مش محتاج أسف خالص صدقنى مش قصدى كدة انا بس لما انتة سألتنى إيه اللى سمعتة انا قلتلك غير كدة انا مكنتش هقول حتى لو تلاحظ انا كنت بقول ( أنا معرفش معلومات عن ال Frv مع انى معجب اوى انها تبع توكيل بى ام بس الأكسنت قوية جدا ... لو ال Frv موجودة مع حد هنا ياريت يفيدنا لآنى سمعت عليها كلام كتير والله اعلم ) انى معجب جدا بيها وانها تبع توكيل بى ام و نفسى لو حد معاة يقولنا إيه رأية لآن رأئى مش هيكون عن تجربة لكن لما حضرتك سألتنى انا سمعت إيه فقلتة و انا فعلا معجب بالعربية بس انا معرفش لآنى مجربتهاش و من غير اعتذار انا كل هدفى انك متضايقش نفسك حتى لو حد قال حاجة تنرفزك مش عليا انا بتكلم عمتا و كلنا هنتناقش والمهم نستفيد فى الأخر ده قصدى وربنا يباركلك فيها وعقبال 680 ألف كدة :) وانا سعيد بمعرفة حضرتك بس متنساش تبقى تخلينى اجربها ههههههههههههههههههه والف مبروك
حصل خير يا جماعة
وخالد بصراحة بيشوف الناس بتهاجم العربية وهو شاريها وعارف امكانياتها
وبصراحة اللى معاه العربية فعلا هو الوحيد اللى يقدر يقيمها
وبالتوفيق للجميع
الاساتذة الكرام meshmesh, Khaledaziz, bishoy
هو دة الكلام التمام:)
والله فعلا الروح دى هى المطلوبة فى الحوار
ربنا يبارك فيكم جميعا
bas bgad ya gma3a el 3arabeya gamda w testa7mel elsafar?asly 7'ayfa tetl3 wara2.
الحمد لله اطمنى مش ورق
العربية زى الفل
قوية وثابتة وكمان تسارعها جيد جدا وواسعة
وصاجها كويس فعلا
استخيرى ربنا واشتريها
وان شاء الله مش حتندمى
أنا عندى نيو أكسنت و عامل بيها 95ألف كم عربية زى الفل...ثبات على الطريق لغاية سرعة 150 و الله العربية دى من افضل العربيات فى فئتها. حراااااااام و الله نقارنها بالصينى.
19 : 19 نتيجة كويسة قوى لصالح الfrv