تويوتا 94

**ehabbasha30** · 14-03-2009 12:42 PM

رايح اتفرج على تويوتا كرولا 1994
معرفش اى حاجة عنها ... فكنت عاوز اعرف منكم حاجات عنها هشان لما اتكلم مع الراجل ميضحكش عليا
مثلا :
فاضية تعمل كام وكاملة مانيوال بكام وكاملة اوتوماتيك بكام
فابريقة بالكامل بكام ورشة برة بكام
هل فى عيوب فى موديل 94 ولا لأ
ولو فى اى حاجة زيادة ياريت محدش يبخل عليا بيها
الف شكر

**mokhtar** · 15-03-2009 03:45 PM

هاحاول افيدك على على العربيه دى على قدر معرفتى
كورولا 94 بدا انتاجها سنه 92 واستمر لسنه 97 مع تعديل بسيط فى موديلات 96 و97 فى الفوانيس وانها بتنزل كامله بعد ماكانت بتنزل هاف بتكيف وكاسيت بس بجد العربيه دى من اروع السيارات اللى انتجتها شركه تويوتا فى تاريخها مع الكامرى والكرسيدا ووقت نزولها هى والسيفيك 92 كانوا انقلاب وطفره وقتها وسبقوا زمنهم بكتير اعتماديه جدا وحموله لدرجه عاليه وثباتها عالى جدا على المنحنيات اخويا كان راكبها قبل كده بتاعت الشركه من القاهره لراس شقير بالبحر الاحمر من طريق العين السخنه كانوا على 150 كم معظم الطريق وثباتها رائع خصوصا فى المنحنيات فيه منها بتكيف وكاسيت ومنها كامله ومحركها 1300 سى سى وفى 1600 بس مش كتير غالبا بيبقى ف المواصفات الامريكيه وعدادها بالميل ومثبت سرعه..بصراحه مش عارف بالزبط اسعارها لو بحاله معينه انما هى غالبا من 48000 الى 55000 والاتوماتيك ممكن تعدى وتوصل ل57000
وبرضه عشان تطم اعمل بحث هنا فى منتدى تويوتا وهتلاقى كلام كتير عنها

**ehabbasha30** · 15-03-2009 05:00 PM

متشكر جدا جدا
معلومات مفيدة جدا بالنسبة لى
جزاك الله خير

**zizo50001** · 15-03-2009 10:17 PM

على فكرة العربية دى فعلا اكتر من ممتازة
انا ولدى معاة تويوتا ترسل 94 هى هى الكرولا ونفس الماتور ونفس كل حاجة فى الكرولا معدا الشكل المختلف فقط وهى فى حجم الكرولا العيون
بس العربية دى فعلا والله حكاية فعلا سبقه زمنها فعلا عربيات اكتر من ممتاز جدا جدا جدا ثبات غير عادى والا التكيف تلاجة تلاجة تلاجة والله عربيات رهيبة بسم الله ما شاء الله ربنا يوفقك و متستعجلش و اهم حاجة حاله العربية وربنا يكرمك