حمله لإعفاء Abs و Ebd من الجمارك

عرض للطباعة

14-03-2009, 10:55 PM
marsguy

حمله لإعفاء Abs و Ebd من الجمارك

السلام عليكم ورحمة الله وبركاته،،،

طبعاً كلنا عارفين إن مصر بقت من الدول اللي معدل الوفيات الناتجه عن حوادث السيارات فيها بقى من أعلى المعدلات في العالم.

ما بقاش في شارع يخلو من ضحايا حوادث الطرق والموضوع بقى شبيه بضحايا الحرب فعلاً.

الحكومه بدأت تتنبه للموضوع ده وبتحاول تقلل معدل الحوادث ده سواء بقانون المرور الجديد أو بمنع المقطورات أو بخلافه ....

بس أنا بصراحه الأيام دية باتسائل إزاي الحكومه بتحاول إنها تبذل مجهودات لتقليل معدل الحوادث وفي تفس الوقت لسه معتبره مستلزمات الأمان زي الـ Abs والـ Ebd من الكماليات والرفاهات وبتفرض عليهم جمارك وبتضطر مستوردي السيارات إنهم يطلبوا من المصنعين إنهم يشيلوها عشان يقدروا يبيعوا السيارات بسعر كويس!!!

الموضوع مش منطقي إطلاقاً

أصلاً على حد علمي المتواضع في بلاد بتمنع أي عربيه مافهاش المستلزمات دية إنها تنزل السوق أصلاً.

عشان كده أنا فكرت إن إحنا ممكن نعمل حمله لإعفاء المستلزمات دية من الجمارك.

وبدأت المحاوله بإني بعت إيميل للأستاذ صلاح منتصر من شويه وأديني باكتب الموضوع ده ليكم دلوقت.

يا ريت يا جماعه تقولولي رأيكم، وهل الموضوع أصلاً يستاهل ولا لأ؟

ولو حد عنده أفكار لإنجاح الفكره دية يا ريت ما يبخلش علينا بإقتراحه.

شكراً
14-03-2009, 10:58 PM
mab

فكرة رائعة اهنيك عليها
14-03-2009, 11:35 PM
M.Osman

بصراحة انا شايف ان سبب الحوادث و الوفيات هو غبااااااااااااااء السائق اللي فاكر ان الشارع اصبع خلاص حلبة السباق بتاعت عربيته الجديدة ... اللي لسة فرحان بيها ... و في حالات السرعات العالية و الغرز ... مفيش Abs ولا Ebd بينفعوا ... بكل بساطة لأن ظروف الطرق في مصر زي البطيخة كدا ... انت و حظك!
14-03-2009, 11:38 PM
ahmed_gman

انتبهو ايها السادة !!!!!!!!!!!!!!!!!

السلام عليكم ورحمة الله وبركاته
فعلا موضوع مهم جدآآآآآآآآ ويجب تفعيله ويجب على المسؤلين عن الامن والمتانة ان يطالبوا بهذا الطلب:B4_564: وان يكون من الاساسيات فى السيارة و طبعآ وبلا شك ان ال ABS ,EBD اهم شئى فى عوامل الامان اهم من حزام الامان وووووووووحاجات تانية كتير من ما يشددون عليه:_Alshmokh08[1]:0000000000000 والله المستعان على ما يصفون ولكم جزيل الشكر
و السلام عليكم ورحمة الله وبركاته
15-03-2009, 12:20 AM
Hosam_Optrawy

موضوع مهم واحييك عليه ويارب يتم
15-03-2009, 12:46 AM
KHALED AYMAN

حاجه مهمه فعلا و مشكور على الفكره الجميله دى ...
و على فكره و الله يا جماعه الحاجات دى مفيده جدا و انا عن نفسى فلت من كذا حادثه لوجود abs & ebd
15-03-2009, 12:58 AM
hanystar

أحييك على موضوعك
ونضيف عليهم كمان airbag
15-03-2009, 12:58 AM
tamertamer

فكرة رائعة جدا وجديدة
15-03-2009, 12:59 AM
hossam_elwani

فعلا كلام منطقى وفى منتهى الاهمية
15-03-2009, 01:55 AM
badry

مؤيد للحملة تماما..........
15-03-2009, 02:08 AM
tata12001

حاجه مهمه فعلا و مشكور على الفكره الجميله دى و مؤيد للفكره تماما.

بس بصراحة الفكرة كلها في سؤال واحد ، الحوار دا لو اتعمل ، حيجيب فلوس للحكومة ولا لأ ؟ لو اه يبئة حيتعمل ، لو لأ ، فتأكد تماماً إن الحكومة مش حتفكر فيه
15-03-2009, 03:23 AM
bemocarlo

احييك بشده علي موضوعك وفكرتك.اي حاجه لها علاقه باْمن وسلامه المركبه والركاب لازم تكون من الاساسيات وليست رفاهيه وبالتالي تعفي من الجمارك .
bemo,ire
15-03-2009, 04:00 AM
shalaby2001

فكرة رأئعة . دا انا كمان بطلب انها تبقى تجهيز اساسى ولا يسمح بدخول سيارات غير مجهزة بهذة التكنولوجيا + ال air bag
15-03-2009, 05:42 AM
Terrible_DaRsH

الموضوع ده يا سيدى عايز تدخُل قوى من الحكومة .
وانت اكيد عارف حكومتنا .
اصرف نظر عن الموضوع احسن من وجع القلب .
لو حد من المسئولين سمعك عارف ايه اول حاجة هيقولهالك !!
احنا فى بلد فقيرة ومش عارفين نحل مشكلة رغيف العيش .
يبقي نحل مشكلة ال Abs والكلام الفاضي ده ( ناس فاضية بصحيح ) ..
واحتمال تلاقى المسئولين ميعرفوش يعنى ايه Ebd اساسا !!
15-03-2009, 05:50 AM
halloween

المفروض ان ال ABS, BA, EBD, Air bags تبقى من الاساسيات
عربيات كثير فى مصر تفتقر ليهم
المفروض الناس كمان تفكر فى عوامل الامان و درجات العربية فى اختبارات التصادم اعتقد ساعتها فى عربيات واخدة حظ كبير فى مصر هتختفى و عربيات تانية هيبقى عليها العين

انا متفق معاك و شكرا على الموضوع
15-03-2009, 07:17 AM
heshaaam

عندك حق ولو الموضوع ده متطلبش دلوقتى هيطلب امتى احنا ف ازمة وف مركز قوة مفروض الناس تشجع مش تحبط
15-03-2009, 07:33 AM
tutankhamoun

بصراحة أنا بحييك على الموضوع
و دي خطوة جميلة علشان نعمل حاجة أيجابية في موضوع وسائل الأمان في السيارة :S_thum1[1]: :S_thum1[1]:

**********************

بس أنا لي رأي في موضوع الحوادث
أغلب الحوادث اللي بتحصل في مصر بسبب السرعة و عدم التزام السائقين بأي قواعد أو قوانين .
علشان نقلل الحوادث في مصر لازم نعمل الآتي :

أولا : سحب جميع الرخص المصدر من جمهورية مصر العربية .
ثانيا : عمل أختبارات جديدة بواسطة خبراء دوليين من دول أوروبية تكون الكوسة و الواسطة لسة ما وصلتش عندهم و في قاموسهم .
ثالثا : أتباع النظم الأوروبية الصارمة في استخراج الرخص .
رابعا : تكهين السيارات الغير صالحة للقيادة على الشوارع و كبسها كعلب السردين المصدي .
خامسا : تركيب رادرات بكاميرات على كل الطرق السريعة و مضاعفة غرامات السرعة و الأنتقال من حارة لحارة بغباء ( غرزة )
سادسا : تطبيق مبدأ النقاط على الرخص المستخرجة و كل غرامة يتخصم عليها نقط معينة حسب فداحة المخالفة .
سابعا : حبس مع سحب رخصه للأبد لمن يسير عكس الاتجاه على طريق سريع وواضح عليه اتجاهات السير مع الغاء عقوبة الحبس للسير عكس الاتجاه في وسط البلد أو الأماكن الغير واضح عليها اتجاهات السير مع الابقاء على غرامة لذلك .
ثامنا : شنق كل سائقي الميكروباص في ميدان عام ليكون عبره لغيرهم من السائقين المتخلفين عقليا .
تاسعا : اعدام سائقي النقل و المقطورة بالرمي بالرصاص في ميدان عام ليكونوا عبرة مثلهم مثل سائقي الميكروباظ .
عاشرا : القاء التكاتك في بحر الرمال الأعظم و التخلص منها نهائيا .

و بكدا هانلاقي أن 99 % من سواقين مصر مش هايبقى معاهم رخص لأن كلهم هايسقطوا في الأمتحانات لأنهم ببساطة أتعودوا على الفوصى و التخلف و الهمجية .

و هانلاقي أن 60 % مثلا من السيارات الموجودة على الطرق هاتختفي نظرا لعدم مطابقتها لمواصفات السلامة و الأمان الأوروبية .
و بكدا الحوادث هاتقل ....... و حرقة الدم هاتقل

حل عملي معملي شوكلوتي معقول جدا . :S_thum1[1]:
و كل واحد له شيكولاته كادبوري هدية لمن يقتل سائق ميكروباظ http://www.killersklan.it/forum/smile/berlusca.gif
15-03-2009, 07:38 AM
Terrible_DaRsH

طب انت كده يا استاذ توت عالجت حاجة ونسيت حاجة ...
ناقص كيفية اعادة تاهيل واعداد ظباط المرور و ادارات المرور وكيفية التعامل مع الناس ..
15-03-2009, 07:46 AM
tutankhamoun

اقتباس:

المشاركة الأصلية كتبت بواسطة Terrible_DaRsH

طب انت كده يا استاذ توت عالجت حاجة ونسيت حاجة ...
ناقص كيفية اعادة تاهيل واعداد ظباط المرور و ادارات المرور وكيفية التعامل مع الناس ..

يا باشا دول كمان مينفعش معاهم أي تأهيل
لازم نجيب حُكام أجانب و مشرفين أجانب و مش بهزر و الله
و الله العظيم بتكلم جد .

لازم النظام يكون أوتوماتيكي و لا يوجد أي تدخل بشري مصر فيه
لأن حضرتك عارف الكوسة متأصلة في الدم المصري و الواسطة حاجة فظيعة
و الناس بتعمل الغلط و متعشمين أنهم يعدوا و ما يحصلش أي مُشكلة
أنما لما يكون اللي هايقفشهم أجنبي ... لا له قريب و لا له حسيب .
هاتلاقي الناس خافت و أحترمت نفسها
( أصل أحنا شعب نخاف ما نختشيش )

يبقة ظباط المرور يبقوا مساعدين للأجانب .

و نعدم الأمناء ........ و أقترح رميا بالرصاص مع قائدي التريلات اللي دايما بيبقوا شاربين و ماشيين يتطوحوا
( تتخيل إن أنا كنت ماشي على العين السخنة من كام يوم و ماشي 120 أو 115 .......... و أبص ألاقي تريلا بتعديني و أعتقد و الله أعلم أن سرعته مش هاتقل عن 140 ... أقل واجب

تخيل بقى ده لو أتضطر يقف فجأة ( طبعا مش هايقف ... ده عايز بتاع 2 كم علشان يقدر يوقف الوحش اللي سايقه )

طبعا حاجة أخر أستعباط و أستهبال و استهتار بأرواح الناس على الطريق . :_Alshmokh08[1]:
15-03-2009, 07:55 AM
Terrible_DaRsH

اقتباس:

المشاركة الأصلية كتبت بواسطة tutankhamoun

تخيل بقى ده لو أتضطر يقف فجأة ( طبعا مش هايقف ... ده عايز بتاع 2 كم علشان يقدر يوقف الوحش اللي سايقه )
طبعا حاجة أخر أستعباط و أستهبال و استهتار بأرواح الناس على الطريق .

هو الصراحة احنا عايزين دولة جديدة وارض جديدة وحكومة جديدة ونعيش من جديد بقي لان عشم ابليس فى الجنة مستحيل طبعا ..

اما حكاية التريلا اللى بتقول عليها دى
انا السنة اللى فاتت كنت واقف على اول البارك بتاع الجامعة مع ناس صحابي واتفاجيء بصوت فرامل تييييييييييت من على بعد نص كيلو ولا حاجة وهوب راحت التريلا داخلة فى الميكروباص اللى واقف واتقلبت على البارك و الطلاب اللى كانوا فى الميكروباص اتدمروا و جريوا بيهم على المستشفى والحمد لله انها اتقلبت بعيد عن العربية اللى كنا فيها بشوية وكل ده بسبب استهتار الباشا اللى كان سايق ... (( مفيش فايدة )) .
15-03-2009, 08:17 AM
Cyrus

I hope that our goverment will put away the costumed on the Safety standards in the cars importet to egypt.
15-03-2009, 09:52 AM
A. Ibrahim

:S_thum1[1]:

اقتباس:

المشاركة الأصلية كتبت بواسطة badry

مؤيد للحملة تماما..........

100000000000000000000000+
15-03-2009, 02:21 PM
volkeswagin

+1111111
بس فى مشكله دلوقتى
انت بتطالب بال Abs وال Ebd وما شابه
امال رئيك ايه فى حزام الامان اللى بيتاخد عليه جمرك ولو مش موجود هتتاخد عليه مخالفه

طب والالعن المرايه اليمين بيتاخد عليها جمرك ولو مش موجوده تتاخد مخالفه برضه
مخدع الراس بتتاخد عليه جمارك مع انه من عوامل الامان برضه
هنقول ايه ولا ايه ولا ايه
فا دى اقل رد ممكن تفهم فيه الحمله دى مصيرها ايه مع انى معاها جدااااا
بس الحكومه بتبص للشعب على انه ( غنيمه ) حلال يتعمل فيه اى حاجه تخليه يلف حولين نفسه ومش يستريح عشان مش يبص فى اى حاجه تانيه
15-03-2009, 03:18 PM
wesam_salom

مفيش فايده

هو موضوع جميل

بس قدامه 100 سنه على الاقل لما نحتاجه

لما تكون كل الناس اللى موجوده ماتت وتكون فيه اجيال جديده فى البلد مشافتش البلد واللى فيها
15-03-2009, 04:44 PM
waelwael

صدقونى يا جماعه ده إحسن وقت لأنجاح تلك الحمله وده من الممكن يكون عن طريق وكلاء السيارات إنفسهم حتى يزودا مبيعاتهم فى تلك الركود
نرجو تثبيت ذلك الموضوع من قبل الأداره
15-03-2009, 05:13 PM
amrbonnah

فكرة ممتازة و جزاك الله خيرا عليها
15-03-2009, 05:24 PM
Ahmed_Elkhateb

احنا معاااااااااااااااك يا ريس
15-03-2009, 06:18 PM
asley

فكرة رائعة, وكلام منطقي جدا احييك عليه, مع اننا كلنا عارفين آخرة المنطق هنا في مصر, احنا معاك
15-03-2009, 09:51 PM
gomha

بكل اسف اذا اردت الموضوع دة يمشى شوف راجل قريب من الراجل ابن الراجل والموضوع يكون فية مصلحة حلوة يعنى يتركب فى مصنع العربيات بتاع صاحب ابن الراجل عشان يتنفذ وبعدين تكلم رئيس الجباية وتقلة بلاش جمارك خليها دمغة من غير كدة معنديش رد غير دة:ma(30): وده :brn: وفى النهاية ده :mahf(5):
16-03-2009, 12:55 AM
badry

اقتباس:

المشاركة الأصلية كتبت بواسطة gomha

بكل اسف اذا اردت الموضوع دة يمشى شوف راجل قريب من الراجل ابن الراجل والموضوع يكون فية مصلحة حلوة يعنى يتركب فى مصنع العربيات بتاع صاحب ابن الراجل عشان يتنفذ وبعدين تكلم رئيس الجباية وتقلة بلاش جمارك خليها دمغة من غير كدة معنديش رد غير دة:ma(30): وده :brn: وفى النهاية ده :mahf(5):

ربنا قادر على كل شىء....يمهل ولا يهمل....
16-03-2009, 02:33 AM
عزيز محمد

ربنا يعينك فى مسعاك، ويكتب النجاح للحملة دى.
ده لينك لحملة مشابهة دعا إليها م/ شريف شاكر
http://www.nilemotors.net/Nile/showthread.php?t=30437
17-03-2009, 01:52 AM
Ayman_52

اقتباس:

المشاركة الأصلية كتبت بواسطة tutankhamoun

بصراحة أنا بحييك على الموضوع
و دي خطوة جميلة علشان نعمل حاجة أيجابية في موضوع وسائل الأمان في السيارة :S_thum1[1]: :S_thum1[1]:

**********************

بس أنا لي رأي في موضوع الحوادث
أغلب الحوادث اللي بتحصل في مصر بسبب السرعة و عدم التزام السائقين بأي قواعد أو قوانين .
علشان نقلل الحوادث في مصر لازم نعمل الآتي :

أولا : سحب جميع الرخص المصدر من جمهورية مصر العربية .
ثانيا : عمل أختبارات جديدة بواسطة خبراء دوليين من دول أوروبية تكون الكوسة و الواسطة لسة ما وصلتش عندهم و في قاموسهم .
ثالثا : أتباع النظم الأوروبية الصارمة في استخراج الرخص .
رابعا : تكهين السيارات الغير صالحة للقيادة على الشوارع و كبسها كعلب السردين المصدي .
خامسا : تركيب رادرات بكاميرات على كل الطرق السريعة و مضاعفة غرامات السرعة و الأنتقال من حارة لحارة بغباء ( غرزة )
سادسا : تطبيق مبدأ النقاط على الرخص المستخرجة و كل غرامة يتخصم عليها نقط معينة حسب فداحة المخالفة .
سابعا : حبس مع سحب رخصه للأبد لمن يسير عكس الاتجاه على طريق سريع وواضح عليه اتجاهات السير مع الغاء عقوبة الحبس للسير عكس الاتجاه في وسط البلد أو الأماكن الغير واضح عليها اتجاهات السير مع الابقاء على غرامة لذلك .
ثامنا : شنق كل سائقي الميكروباص في ميدان عام ليكون عبره لغيرهم من السائقين المتخلفين عقليا .
تاسعا : اعدام سائقي النقل و المقطورة بالرمي بالرصاص في ميدان عام ليكونوا عبرة مثلهم مثل سائقي الميكروباظ .
عاشرا : القاء التكاتك في بحر الرمال الأعظم و التخلص منها نهائيا .

و بكدا هانلاقي أن 99 % من سواقين مصر مش هايبقى معاهم رخص لأن كلهم هايسقطوا في الأمتحانات لأنهم ببساطة أتعودوا على الفوصى و التخلف و الهمجية .

و هانلاقي أن 60 % مثلا من السيارات الموجودة على الطرق هاتختفي نظرا لعدم مطابقتها لمواصفات السلامة و الأمان الأوروبية .
و بكدا الحوادث هاتقل ....... و حرقة الدم هاتقل

حل عملي معملي شوكلوتي معقول جدا . :S_thum1[1]:
و كل واحد له شيكولاته كادبوري هدية لمن يقتل سائق ميكروباظ http://www.killersklan.it/forum/smile/berlusca.gif

+10000000

http://i20.photobucket.com/albums/b2.../chocolate.gif

:M_yes[1]:

امممممممم...هى فيها شيكولاته

بس انا عاوز -جالاكســى ساده- ونبى ياعمــو... عشان ام بندق بيتحشر بين سنانى
:M_yes[1]:
---------------------------

بجد بقى
الموضوع هادف فعلا...وياريت صوتنا يوصل...ويطلع بنتيجه ايجابيه

احييك على المبارده