ماذا يريد آدم؟؟!!!

**نور القمر** · 14-03-2009 11:49 PM

ماذا يريد آدم؟؟!!!
إذا تعاملتِ معه بلطف قال: إنها وقعت في حبي
وإذا لم تفعلي قال: إنها مغرورة

إذا أحسنتِ ارتداء ملابسكِ قال: إنها تحاول أن تغويني
وإذا لم تفعلي قال: أنها فاقدة للذوق

إذا تجادلتِ معه قال: إنها عنيدة
وإذا التزمتِ الصمت قال: إنها لا تملك عقلاً

إذا كنتِ أكثر ذكاءً منه فإنتِ تسرقي الأضواء منه
وإذا كان أذكى منك فإنه عظيم :POINTI~2[2]:

إذا لم تحبيه حاول أن يمتلكك
وإذا أحببته حاول تركك

إذا حدثته عن مشاكلكِ فأنتِ فتاة مزعجة
وإن لم تفعلي فأنتِ لا تثقي به

إذا وبّخْته فأنتِ كمربية أطفال
وإذا فعل هو فذلك لأنه يهتم لأمركِ

إذ خالفتِ وعودك معه فأنتِ لا يمكن الوثوق بكِ
وإذا فعل هو فإنه كان مجبراً على ذلك

إذا كنتِ مدخنة فأنتِ فتاة سيئة
وإذا فعل هو فإنه رجل محترم

إذا احسنتِ في الاختبارات قال: إنه الحظ
وإذا فعل هو قال: إنه ذكاء

إذا آذيته فأنتِ قاسية
وإن آذاكِ هو فأنتِ فتاة مفرطة الحساسية

إذا وجّهتِ هذا الكلام للشباب أقسموا أنه ليس حقيقياً
وإذا لم تفعلي قالوا: إنها أنانية

أدم لماذا كل هذه الازدواجية في المواقف والأفكار ؟؟؟؟

بلييييز مفيناش من ضرب
الموضوع منقول

**Samah AbdAllah** · 15-03-2009 12:04 AM

والله يا نور دول حيرونا ودوخونا
تكلميه يقول لازقة
ماتعبريهوش يقولك انتى مفتكرتيش حتى ترنى علي
دول موجودين عشان يزهقونا

**Samah AbdAllah** · 15-03-2009 12:12 AM

مااحنا عارفين تعبت نفسك والله
بس مشكور طبعا
وانت من اهل الخير

**KHALED AYMAN** · 15-03-2009 12:40 AM

و الله انا تصنيفى آدم برده...
بس نفسى اعرف آدم بيعمل كده ليه ؟؟

**AshTurbo** · 15-03-2009 03:10 AM

همممم ماذا يريد آدم والله أنا شايف أن آدم مش متطلب زيادة عن اللزوم بعكس حواء بس أعتقد لو آدم وجد حواء متفهمه هتتحل كل مشاكله بس المشكلة أن آدم ممكن حواء واحدة مش تكفيه وعشان كدة ربنا حللنا أننا نتجوز 4 في أعتقادي أن دة بسبب رغبة آدم في التغيير من فترة لأخرى وبصراحة التغيير شيء صحي ولكن ليه بدائل ... بصراحة أنا من زمان حاطط قاعدة ليا في مسألة حواء دي اللي مدوخاني وهيا أن لازم حواء اللي أرتبط بيها تكون متجددة ومتغيره وكل يوم تحسسني أني مع واحدة مختلفة مش في المباديء والأخلاق لأن دي ثوابت لا تتغير لكن ممكن في اللبس أو الكلام أو الهزار أو الأبتكار أو ديكور البيت أو في الأكل أو حتى فالأفكار والأبداعات بصراحة في حاجات كتير حواء تقدر تبدع فيها وتخلق بيئة من التنوع تبعد الملل عن آدم وتحسسه أنه مش محتاج حاجة على الأطلاق أعتقد آدم ساعتها هينام وهو مرتاح وبايس أيده وش وضهر .

**MohaMed_Refaat** · 15-03-2009 03:46 AM

بالعكس انا بحترم حواء جدا وبقدرها جدا بس مش كل حواء لان فى حواء بيبقوا اسما فقط معلش بس فعلا فى كدة:)
انا بحب حواء الرقيقة الذكية العطوفة اللذيذة خفيفة الدم الطيبة اللى تحترم ادم ويتبادلة الاحترام والاهتمام وعلى فكرة كل المواصفات دية والحمد الله لقيتها فى خطيبتى بجد لقيتها فعلا

ودى اكتر حاجة بحمد ربنا عليها ....

**Terrible_DaRsH** · 15-03-2009 03:50 AM

على اساس ان الرجال كلهم زى بعضهم !

المفروض اساسا علاقة الرجل بالمراة تكون محدودة و محددة ..

ياما قرايب _ ياما زملاء فى العمل ( و ليس الدراسة ) _ ياما مخطوبين _ ياما متزوجين _ ياما جيران وهكذا .

لكن لما تنزل الجامعة وتلاقى واحدة بتجرى ورا زميلها وواحد بيضرب واحدة ( على سبيل الهزار )

وواحد بيعاكس واحدة والكلام الفاضي ده مينفعش نسيمه علاقة اساسا ..

زمان كان الواحد بيخطب على اساس فلانة المحترمة المؤدبة اللى عمره ما سمع صوتها و لا شاف منها اى حاجة وحشة و سُمعة عائلتها طيبة ..

لكن دلوقتى (( سمك لبن تمر هندى )) والبنات والله العظيم بقت افسد من الشباب ..