:Copy of majd(4):
طب بتنصح الناس وبتعظهم لية يا مووودىىى
متخليك فى خالك اخسن يا خبيبى
عرض للطباعة
انت مش قولت انك مش هتتناقش معايا ولا انت بترجع في كلامك ...وبعدين ايه مودي دي !!!! انت رفعت التكلفه ليه ....وبعدين انت بتقتبس شويه من كلامي وتسيب شويه ..انا بقول انا لم اربي ذقني لاني لم اصل الى درجه الايمان والتدين الازمه ...(ولكي لا اسئ اليها والى المتدينين ...وربنا يهديني ويهدي سائر المسلمين)
يعني إن شاء الله في الطريق اليها ..وبعدين انت قدامك احاديث نبويه بتجادل في ايه ...وكده الموضوع بقى شخصي لو عايز تكمل ابعتلي على الخاص ونكمل بكل احترام علشان الراجل المحترم صاحب الموضوع...لانك انت مش فاهم نفسك ومش فاهم انت بتقول ايه وكلامك غير مفهوم
:Ob_mak1[1]:طيب يا مودىىى
انا مش عايزة اتكلم لان ممكن ناس كتير مش يعجبهم كلامي
بس بجد انا شوفت نماذج كتير من الملتحيين افقدوني الثقة في الملتحيين
ييعني مثلا كنت بتعامل مع جزار جديد ملتحي وعلامة الصلاة ظاهرة جدا وجلاليب قصيرة وشكله متدين ويغشني كل مرة والاقيه حاطط دهن وجلد ومفيش اسم اللحمة
او واحد تاني نفس الوصف وياكل حق اخواته البنات في الميراث
او واحد ثالث يسهر يعاكس بنات على الموبايل
او واحد رابع وحافظ القرآن وكل كلامه كذب في كذب
او نموذج اخر لو احتفظت بامانه عنده ابقى قابلني لو ردهالك سليمة وقت ما تطلبها لازم يطلع عينك الاول على ما تاخدها منه
كل دول نماذج عاشرتهم ومثال سيء للملتحين
لكن منكرش ان في منهم ناس غاية في الاحترام والاخلاق والتدين لكن نسبتهم قليله جدا
لكن بصراحة نسبة المنافقين اكتر اللي بس بيطلقوا لحيتهم علشان يقولوا عليهم متدينين
لسبب بسيط جدا الى بيربى دقنة للنصب بتلقية مشغل القران فى محلة مثلا وماسك السبحة وقاعد بيسبح فحضرتك بتقول علية دة راجل متدين واكيد هيطبق شرع ربنا فى تجارتة ويطلع نصاب فى الاخر فدة بيسىء للاسلام
انما واحد عادى فى لبسة ومظهرة لو نصب على حد عادى لانة مستخدمش الدين وسيلة للنصب
لان الملتحي وصاحب علامة الصلاة والزي الاسلامي الشرعي بيخليك تثق فيه اكتر بمظهره الذي يوحي بالتدين وبالتالي صدمتك فيه بتكون اكبر لما تكتشف انه مجرد مظهر والجوهر مختلف تماماً
كلامك اكيد صح لأنك بتقولي انك عرفتي الناس دول لكن أختلف مع حضرتك في نقطتين
الأولى "لكن منكرش ان في منهم ناس غاية في الاحترام والاخلاق والتدين لكن نسبتهم قليله جدا" لا هما مش قليلين ولا حاجه هما الوحش منهم هو اللي ممكن يكون ظاهر في المجتمع لكننا نحسبهم على خير والا على هذا سنفقد الثقه في كل الملتحين لأن الكويسين منهم قليلين أوي زي ما حضرتك بتقولي وده مش صحيح
النقطة التانية
"لكن بصراحة نسبة المنافقين اكتر اللي بس بيطلقوا لحيتهم علشان يقولوا عليهم متدينين" ما ينفعش نحكم على مسلم بالنفاق حتى لو رأينا منه فعل مش كويس لأن ده شئ لا يعلمه سوى الله سبحانه وتعالى
ممكن اقول رأى صغير
انا ليا صديق متدين جدا وكان ملتحى فتره وبعدين حلق لحيته
لما سألته عن السبب رد عليا رد مقنع
قاللى اللحيه اما ان تحسب انت عليها او تحسب هى عليك (مش فاكر اللفظ بالظبط)
لكن معناه
اى ان تكون مثال سىء للملتحى وتكون سببا فى كره الناس للملتحين والمتدينين
والناس تقول كل الملتحيين كده
او الناس تقول انك مسلم متدين بجد
وتعاملك لاسلوبك وطريقتك فى الحياه مش علشان لحيتك
وقاللى الصراحه انه فى مجاله اغلب الملتحين محسوبين كمثال سىء للملتحين وبقى بيشك فى كل واحد فيهم اسمه الشيخ فلان اللى بيروح العمره كل سنه ويرجع يحكى عن الفندق والاوبن بوفيه اللى هناك والموبايل اللى جابه معاه
وقاللى بصراحه انه يفضل الناس تعامله على اساس امانته ومتخافش منه علشان لحيته
وان تدينه موجود فى معاملته وان الدين المعامله مش اللحيه
يا ريت محدش يفهم كلامى غلط بس انا شايف الموضوع من اول يوم ومش راضى اتدخل لانى حاسس انى مقدرش افتى فيه انا بحكى عن موقف حصل معايا
رغم انى فى مجال شغلى اعرف ناس كتير ملتحيين منهم اللى بحبه جدا وبحب معاملته (ربنا يكرمهم ويكتر من امثالهم)
ومنهم اللى بقوله انت مربى دقنك علشان تخبى ضربه مطوه فى وشك (يا رب يحلقها علشان ميبقاش مثال سىء للملتحى)