واضح ان حضرتك لم تقرأ الموضوع جيدا
النقاش بعيد كل البعد عن النقاش الشرعي
هو نقاش حول الحكم علي الناس مسبقا بدون سبب حقيقي و الاساءة للاسلام من خلال هذا الحكم
عرض للطباعة
واضح ان حضرتك لم تقرأ الموضوع جيدا
النقاش بعيد كل البعد عن النقاش الشرعي
هو نقاش حول الحكم علي الناس مسبقا بدون سبب حقيقي و الاساءة للاسلام من خلال هذا الحكم
حضرتك فهمت كلامى غلط تماااامااا ...
معلش اسمحلى اوضح لك قصدى .
انا اقصد بملهاش اخر يعنى انها مش هتتحل الا لما ينصلح حال الناس .
ثم الرجل اللى انا وصفته ده مثال للمُلتحى الذى يتكسب بطريقة غير شرعية و ممكن يشوه صورة بقية المُلتحين مش اكتر يعنى ...
ثم كمان اللى يلتحى يلتحى واللى ميلتحيش ميلتحيش .
ما الشيخ خالد الجندى وعمرو خالد وغيرهم كثير جدا غير ملتحيين ..
كل واحد حر فى نفسه وانا مغلطتش فى حد ..
بس مادام البلد اللى انت فيها الارهابيين و المتطرفين بيستخدموا اللحية كنوع من النفاق لتحقيق رغباتهم .
يبقي ليه اجيب لنفسي المشاكل واضع نفسي فى محل شبوهات ...
الدين يسر و ليس عسر والاعمال بالنيات واكيد ربنا هيجازيك خير لو خففت لحيتك علشان المشاكل لانه ادرى باحوال الناس ..
أنا شايف أن دلوقتي لم تعد هناك مقاييس شكلية تجزم بها على أي شئ، أو ماتقدرش تطلع حكم مسبق على الشخص اللي قدامك بناء على الشكل و الجو المحيط به، عاملت ناس كده و كده. و بناء عليه مالوش داعي -ولا فايدة- أني أحكي تجربة مع شخص ملتحي و أقول ده عمل كذا و كذا سواء بالسلب أو الإيجاب
لماذا لا ننظر للمُلتحي على إنه شخص مسلم فقط ؟؟....وليس شيخ أو تقي أو عالم!!!....
المفروض إن كل المسلمين يكونوا مُلتحين....فهل معنى ذلك إن كل المسلمين هايكونوا مشايخ أو أتقياء؟؟!!
هي دي مشكلتنا.....لو المجتمع نظر للمُلتحي على إنه شخص مسلم عادي مش هانلاقي كل المشاكل عن المُلتحين والكلام ده كله
تجد في بعض المساجد يقدموا المُلتحي للإمامة وتجد في قرائته أخطاء كثيرة والغير مُلتحي يُجود بإتقان
في الشارع والمواصلات العامة بيقولوا للمُلتحي يا عم الشيخ !!!
ليه بنقول إن المُلتحي الي بيخطاء أو يأثم إنه بيسيء للإسلام؟؟!!!
سيدي أنت تكرر كلمات تليفزيونيه و سينمائية لاننا لسنا في بلد ارهاب و تطرف
علي أي اساس تصف هذا البلد بالارهاب و التطرف
و هل لو كلما قابلتنا مشكلة تنازلنا ، هل يصبح هذا حلا
ربنا مش حيجازيك لو تنازلت عن ما يرضيه حتي ترضي الناس
رضاء الناس ليس موقف اضطراري و اللحية جزء من الاسلام شئنا أم أبينا و العيب فينا و ليس في الاسلام او اللحيه
نحن من يحكم علي الامور بالظاهر
نحن من يحكم علي الناس بالنفاق و التقوي و قد منعنا الله من ذلك
نحن الذين نعصي الله بسؤ الظن و نختلق الاعذار
أعتذر لو اسلوبي به بعض العنف
لماذا نسطح الدين و نختذله في اللحية؟؟؟؟؟
لماذا أصبحت اللحية فقط كافية للحكم علي الناس بالتقوي أو النفاق ؟؟؟؟
لماذا نترك مايرضي الله حتي نعالج قصور الناس في التفكير؟
لماذا نترك ما يرضي الله حتي نرضي الناس ؟
لماذا ؟
نفسى الناس تفهم حاجة مهمة جداً ..
الدين عبارة عن (جوهر) وليس (مظهر) ..
اللى عايز يفهمنى إن واحد طالق لحيته لحد بطنه هيبأه بنى آدم مبيغلطش ..
والبنت اللى مش لابسة حجاب تبأه عاهرة وتستاهل الحرق ..
يبأه بيضحك على نفسه .
الدين جوهر و مظهر
روى البخاري ومسلم وغيرهما عن عبد الله بن عمر رضي الله تعالى عنه قال: قال
رسول الله صلى الله تعالى عليه وسلم: (خالفوا المشركين، وفروا اللحى وأحفوا الشوارب)
إذا المطلوب المحافظة علي مظهر معين مميز للمسلم
لماذا نعتبر اللحية دليل ان الانسان لا يخطئ