والله يا جماعه الواحد مش عارف يقول ايه ! انا تجربتي مع الملتحين تنقسم الي 3 انواع لغايه دلوقتي:
النوع الاول( دقن تايوان) : من يرفع شعار الدين و الورع و التقوي و ممكن يكون حافظ اجزاء كامله من القرآن الكريم و احاديث و القرآ ن و البخور شغالين ليل نهار في البيت او مكان العمل الذي( دائما ) ما يكون في نشاط تجاري , او كل ما يتعلق بالمال بصفه عامه ودول من خلال تجربتي كلهم ( حراميه و نصابين ) و دول اخطر ما يمكن لان دول يندرجوا تحت فئه المنافقين( ماشي مع الرايجه ) و الصنف ده لا تأمن له جانب مهما كان و ده علي استعداد ان يبيع كل حاجه عشان جنيه مقطوع !! و علي فكره اللي بيبقي بدون لحيه و يظهر العلامات اللي قلتها دي بيبقي اخطر نوع و صعب تكشفه عن اللي مربي دقنه اللي بيبقي لسه تلميذ بالنسبه له .
النوع الثاني : من كان منحرفا في فتره شبابه و منغمسا في الملذات الحسيه نتيجه فقد الاشباع العاطفي في الصغر او سوء في التربيه و دول بيبقوا ( ولاد ناس) و بالتالي لا يلقوا القبول الاجتماعي نتيجه تصرفاتهم سواء من اهلهم او المجتمع , و دول لما يوصلوا لسن الزواج بيبتدوا يغيروا سلوكهم عشان يلقوا قبول اجتماعي و الناس تدعيلهم بدل ما تدعي عليهم , و يكون تغيير السلوك اما ذاتيا ( مصالحه للمجتمع) , يا اما يكون خارجيا ( عن طريق احد الشيوخ او الاصدقاء) , و دول انا شايف انهم بحالهم ده افضل بكتير و اكثر توازنا من الناحيه النفسيه عن الوضع السابق , بس للاسف بيبقي عامل زي اللي حامل لبذور المرض لان شخصيته بيبقي فيها حته الاعجاب بالذات و الزهو بنفسه و للاسف بيبقي اب قاسي جدا لان خايف ولاده يبقوا زيه , و بيبقي ضعيف قصاد الملذات تاني برضه لو حصل عليه ضغط خارجي . و دول انا اؤكد ( من وجهه نظري)
انهم نتاج تربيه ( تدليل) و انعدام تربيته علي المسؤوليه و محاسبته عليها .
النوع الثالث: و ده نوع شايف ان الدقن بتدي له برستيج اجتماعي حلو و بتضفي له هيبه و النوع ده غالبا ما ينتمي لاصول اجتماعيه بسيطه( مع احترامي للجميع) و بيبقي عندهم عدم رضا من الاوضاع المحيطه به و بيبقي ساخط علي البلد و الظروف , لكن في منهم ناس شرفاء و محل ثقه و فيه نوع تاني بيستخبي وراها و بيبقي معقد نفسيا و دول بيبقوا في حالهم.

ده رايي يا جماعه و عايز حد يناقشني فيه لو كنت غلطان .