إلزام الفلاح بتركيب عداد مياه لماكينة الري

**youssefmustang** · 16-03-2009 02:52 AM

الحكومة دى مش هتلم نفسها غير لما تلاقى الـ 70 مليون اتجننو وقامو بثورة مدمرة كل شئ ساعتها لا هتفرق جيش ولا امن مركزى ولا اى كلب منهم هيقدر يوقفهم وخلى السلطة تنفعهم وهو ده الحل اما كل حاجة دلوقتى بقت بفلوس دخول الحمامات بفلوس تطلع اى ورقة عشان تقضى بيها مصلحة تدفع 10 و20 و30 و50 جنيه معاملة قذرة من جميع الهيئات الحكومية اى كلب لبس لبس الشرطة يشوف نفسه على الغلابة اى كلب يعرفله حد فى الشرطة او امن الدولة يفترى على خلق الله الغلابة
مصر بقت غابة مفتوحة ده اللى بيحصل فى اسرائيل وفلسطين ارحم مليون مرة من اللى بيحصل هنا
وبردو هرجع واقول ان الحكومة مش السبب احنا الشعب السبب احنا اللى خلاناهم يعملو كده فينا احنا اللى خليناهم يضاعفو الاسعار احنا اللى خلاناهم يعذبون فى السجون احنا اللى خلاناهم يرفعو الضرائب الى الضعف
حسبى الله ونعم الوكيل رحمتك يا رب
ارفع غضبك وقتك عنا يا رب
ولا حول ولا قوة الا بالله العلى العظيم
اخوكم يوسف
محدش يؤخذنى من بعض الكلمات انا مكبوت اشد الكبت وبتأثر فعلا من جوايا على البلد اللى خربت واللى اى حد من بره بقى يشترى ارضها برخص التراب فعلا حكومة صهيونية

**zanativich** · 16-03-2009 02:38 PM

لو الحكومة عايزانا نسيبلها البلط ونمشى
تسيبنا نكسح
احنا مش مسكين فى ديلهم
و خليهم يبرتعواا فى امها

**abou_ruqi** · 16-03-2009 03:14 PM

هما مش واخدين بالهم من ان المية دي ربنا نزلها ومشاها في ترع وانهار علشان توصل للفلاح ويروي بيها زرعه و يعمر بيها الارض؟؟

يعني ربنا خلقها له ببلاش عاوزين يكسبوا منها هما ؟!

قادر ينشفها عليهم ومحدش منهم يلاقي يشرب غير المغلوب على امرهم من الشعب الغلبان قادر يا كريم

**Hossam_Hassan** · 16-03-2009 06:39 PM

طب ماء الشرب بيتصرف عليه علشان يبقى صالح للشرب، ماء الرى بقى بيتصرف عليه ايه؟

اه صحيح نسيت

اكيد هيحملوا تكلفة مشروع توشكى للفلاحين

قصدى مشروع روتانا، توشكى سابقا

**waleedrahmy** · 16-03-2009 08:12 PM

هو ده الدعم الحقيقي للمزارع عشان نكتفي غذائيا ولأن الفلاح المصري من أغني طبقات المجتمع ولزيادةالانتاج التبويري وللتشجيع علي البناء في الاراضي الزراعية لتعميرها ولكي تعود الاراضي المستصلحة الي ما كانت عليه من صحراء جدباء لان مساحة الصحراء قلت جدا واصبحت مهددة بالانقراض

**AudiQ7** · 16-03-2009 08:39 PM

المشاركة الأصلية كتبت بواسطة youssef_00

الحكومة دى مش هتلم نفسها غير لما تلاقى الـ 70 مليون اتجننو وقامو بثورة مدمرة كل شئ ساعتها لا هتفرق جيش ولا امن مركزى ولا اى كلب منهم هيقدر يوقفهم وخلى السلطة تنفعهم وهو ده الحل اما كل حاجة دلوقتى بقت بفلوس دخول الحمامات بفلوس تطلع اى ورقة عشان تقضى بيها مصلحة تدفع 10 و20 و30 و50 جنيه معاملة قذرة من جميع الهيئات الحكومية اى كلب لبس لبس الشرطة يشوف نفسه على الغلابة اى كلب يعرفله حد فى الشرطة او امن الدولة يفترى على خلق الله الغلابة
مصر بقت غابة مفتوحة ده اللى بيحصل فى اسرائيل وفلسطين ارحم مليون مرة من اللى بيحصل هنا
وبردو هرجع واقول ان الحكومة مش السبب احنا الشعب السبب احنا اللى خلاناهم يعملو كده فينا احنا اللى خليناهم يضاعفو الاسعار احنا اللى خلاناهم يعذبون فى السجون احنا اللى خلاناهم يرفعو الضرائب الى الضعف
حسبى الله ونعم الوكيل رحمتك يا رب
ارفع غضبك وقتك عنا يا رب
ولا حول ولا قوة الا بالله العلى العظيم
اخوكم يوسف
محدش يؤخذنى من بعض الكلمات انا مكبوت اشد الكبت وبتأثر فعلا من جوايا على البلد اللى خربت واللى اى حد من بره بقى يشترى ارضها برخص التراب فعلا حكومة صهيونية

سيبك من رأيي في هذا الموضوع هاقوله في الاخر ..
انا عاوز بس اصححلك كام معلومه ..
الجيش و الشرطه دي افراد شعب .. بص للعساكر الغلابه اللي بتشوفهم و انت تعرف انا باتكلم عن ايه ..
فيه فرق كبير بين "العرف" و بين "السياسه" لان فيه فرق كبير جداً بينهم حضرتك مش واخد بالك منه ..
سياسه الدوله : فرض ضرائب علي العقارات , النشاط والليله دي . و ده حق الدوله .. يعني انت راجل بتبيع و بتكسب فالحكومه فرضت عليك شريحه معينه بتدفعها للدوله و بتدخل الخزينه العامه .. و دي تفرق كتير عن اللي بيدخل "جيب الفرد" من الموظفين علشان "تسلك امورك" .. سياسه الدوله بتمنع انك ترشي حد و تديله 20 او 30 او 50 جنييه .. دي بتدخل جيب الفرد .. و ده نتيجه العرف السائد في بلدك .. و للاسف العرف ده احنا اللي فرضناه علي نفسنا مش الدوله اللي فرضته علينا ..
ضابط الشرطه اللي بيفتري عليك ده الحكومه اتاحتلك انك تشتكيه و تاخد حقك .. انما اللي حصل ان "العرف اتدخل في الموضوع" و قلب الايه ضدك .. ده مش عيب الدوله .. الدوله مش هاتيجي تفرض عليك عرفها كمان .. العيب ده مننا احنا ..
اللي بيحصل في فلسطين ارحم من هنا لاءن احنا اللي حكمنا علي نفسنا بكده .. انت اللي عاوز "تسهل امورك و ماتمشيش قانوني " فاصبحت النتيجه هي حكم العرف علي القانون .. و مش اي عرف .. عرف الفساد و ده احقر انواع العرف ..
انت اللي عاوز ترخص عربيتك اللي انتهت صلاحيتها و لا تصلح للاستخدام الادمي .. فكانت النتيجه "انك بتبهرز علي الكبوت و توتو علي كبوتو و الرخصه تيجي لحد عندك يا باشا"

متاخذنيش علي الاسلوب الناشف لكنه كان لتوضيح الامور في الشارع المصري .. و اذا عرف السبب بطل العجب :)

اما بالنسبه للموضوع محل النقاش.. فده طبعاً غلط و هاينتج عنه اثار سيئه جداً .. الريف المصري في تدهور مستمر لوحده و لو نفذوا حاجه زي كده الريف المصري هايتحكم عليه بالاعدام و الموت الاكلينيكي ..