حد يقولنا حاجة عن العربية ال كومودو

**BoudyDoudy** · 15-03-2009 02:24 PM

معي ايصال حجز كومودو( شبيه البرادو) جميع الكماليات اتوماتيك
الاولي كحلي فرش بيج والثانية اسود فرش بيج للبيع
الاستلام في الاسكندرية
تقفيل الهيئة العربية للتصنيع انا مش عارف العربية دي ظروفها اية ممكن حد يدلنا انا دفعت مقدم حجز من سنة 35000 جنية واتصلوا بي عشان استلمها ياريت حد يطمنا كويسة ولا اية ولو حبيت ابيعها ممكن ولا لا

**Ahmad Allawy** · 15-03-2009 06:03 PM

والله يا باشا انا مش عارف..
بس هاقولك علي معلومة..
الهيئة العربية للتصنيع كانت بتجمع الشيروكي اللي هي من موديل 98-2000 في مصر هنا.. و كان تقفيلها نضيف جدا..
فده بيديني انطباع ان تقفيلها ممكن يكون نضيف..
لكن غير كده بقي الموتور و العفشة و الكلام ده.. فلازم يكون حد جربها.. عشان يقول كلمة واقعيه..

**KHALED AYMAN** · 15-03-2009 06:10 PM

انا اتفرجت على العربيه دى .... و هقولك رأى ..
العربيه كصاج حلوه جدا و متوقعتش انه يكون قوى كده ..
الشكل ازواق و انا شايفه كويس مش وحش...
التابلوه هتحس ان تقفيله تعبان شويه و خاماته مش تمام ....
الكماليات كتير زى ما انت عارف ...
الموتور ميتسوبيشى ...
الفتيس اسمع انه امريكى و قريت هنا انه فيه مشاكل ......
العفشه ناعمه جدا ..(ظاهريا لانى مركبيتهاش انما بشوفها فى المطبات طريه اوى لكن معرفش الاحساس من جوا عامل ازى )
ملحوظه:
انا شفتها مره على الطريق ماشيه جنبى ...و كنا احنا ال 2 على 140 ..
انا ماشى عادى و العربيه لا بتطلع ولا تنزل على عكس الكومودو الى حسيت انها ماشيه على بالونه ...
طالعه نازله طالعه نازله ........
لكن برده معرفش ثابته ولا لا ...

عايز رأيى ...
ليه تجيب عربيه محدش عارف عنها حاجه و لو احتجت قطعه غيار هتبقى تحت رحمه التوكيل الى محدش عاف عنه حاجه ؟؟

بيع الوصل ...
و هات بسعرها اى حاجه اكثر احتراما ...
اوكتافيا جيتا فيكترا
او شيروكى استعمال لو انت عايز 4*4 ...

**sasam6** · 15-03-2009 08:13 PM

عربية تمام وشكلها جامد وتحس انهاغلى من سعرها الطبيعى
وانا ركبتها مع واحد كانت حلوة جدا ونعمة فى المشى والمطبات

**mimohs** · 02-04-2009 04:40 PM

عربيه فاشله انا والله العظيم كنت حجزها ليا ولابن خالتى
ولكن قبل ميعاد الاستلام واحد معرفه استلم عربيته
وعرفت انها بتحدف والحدفه ماليهاش اى حل فى التوكيل
وبعدين تقفيلها زباله وما يندفعش فيه كل الفلوس ديه
وبعدين اقسم بالله ان مدير مبيعات التوكيل نصحنى ان ارفض استلامها..طبعا جازاه الله خيرا لانه فعلا انسان بيخاف من ربنا
وفعلا لما رفضنا ن نستلمها حاولو فى التوكيل خصم فلوس مننا
ولما هددنا بالذهاب الى حماية لمستهلك
ادونا فلوسنا دايركت
وهذا للعلم

**ASKAFRAWY** · 02-04-2009 04:51 PM

هو بالنسبة لترخيص ال 2400 سى سى كام؟؟
انا شايف انها ممكن تنجح لسبب واحد..سعرها
ياريتا للى معاه العربية يفيدنا اكتر

**KHALED AYMAN** · 15-04-2009 04:42 AM

انا والله كنت ناوى اعمل موضوع اكتب فيه الى هقوله ده بس هقوله هنا ...
من يومين كده
ماشى فى الشارع
لقيت كومودو زيرو (لسه مترخصتش) واقفه فى نص الشارع
ووراها اثر فرامل على الارض
و صاحبها جوا عمال يدوس بنزين و العربيه مش بتتحرك
صوتها بيعلى ووشها بيطلع فوق
بالظبط زى ما تكون متكتفه او الهاند مشدوده و مش عارفه تمشى
المهم
صاحبها نزل
و طلع الموبيل و قعد يزعق فى الى بيكلمه
و يقوله العربيه كلبشت و بتاع
انا بصراحه مقدرتش افهم
الفتيس مكلبش
ولا الفرامل
؟؟
الاتنين افضح من بعض
!!!!!!
لا تعليق