مشكلة قابلتني وشاكك في طلمبة البنزين... ومحتاج اراءكم.

عرض للطباعة

15-03-2009, 02:27 PM
Drift_Lover

مشكلة قابلتني وشاكك في طلمبة البنزين... ومحتاج اراءكم.

من يومين تقريبآ حصل موضوع غريب.

اول يوم: جيت ادور العربيه الصبح مادارتش.
المارش طبيعي (مابيعتلش) وصوت الماكينة طبيعي وكأنها حتدور. لكن مابتدورش (بالظبط زي ماتكون مشطبة بنزين او شرقانة (لو كربراتير ماعرفش الانجكشن بتشرق ولا لأ)

المهم فتحت الكبوت. وأكدت علي فيش الانجكشن والموبينه والحساسات. وجيت ادور دارت تمام.

تاني يوم: اتكرر الموضوع واتحل بنفس الطريقة.

وتاني يوم بالليل بعد ماخلصت شغل: بادور العربيه ماسمعتش صوت تحضير طلمبة البنزين ومادارتش (نفس المشكلة بس المرتين اللي قبل كده كنت الظهر ومن الهيصه ماركزتش مع صوت الطلمبة )
فتحت الكبوت وشلت كتاوت الطلمبه وثبته كويس وأكدت تثبيت الفيش. وجيت ادور دارت.
والنهارده الصبح دارت من اول لمسة.

واتذكر من اسبوع عملت الحركة دي بعد ما فولت من البنزينه.

ليا استفسارين :

1- هل ممكن تكون المشكلة دي فعلا من الطلمبة.
2- لو المشكلة من الطلمبة. اجيب واحده احتياطي معايا (انا باسافر كتير علي طرق غير مأهولة)
ولا لو لاقدر الله عملتها علي الطريق ممكن افك الطلمبة واتعامل معاها(تنظيف مثلآ).
15-03-2009, 02:56 PM
wezo122

بص حضرتك ممكن تبص على فيوز طرمبة البنزين واسمه fuel فى علبة الفيوزات الأمامية الفيوز ده قبل كدة مخلاش العربية تدور جرب تغيره وابقا رد عليا ...
15-03-2009, 03:10 PM
MMamdouh

خللى معاك طلمبة احتياطى

MMamdouh
15-03-2009, 03:30 PM
Drift_Lover

اقتباس:

خللى معاك طلمبة احتياطى

MMamdouh

افهم من كده ان الاحتمالات كلها منحصرة في الطلمبة !!!
15-03-2009, 03:37 PM
MMamdouh

الاحتمالات اللى قولتها بتقول كدة... يس برضة الاول اكشف على العربية كويس لان الطلمبة مش رخيصة عشان تبقى شايل واحدة احتياطى

MMamdouh
15-03-2009, 03:56 PM
Drift_Lover

اقتباس:

الاحتمالات اللى قولتها بتقول كدة... يس برضة الاول اكشف على العربية كويس لان الطلمبة مش رخيصة عشان تبقى شايل واحدة احتياطى

MMamdouh

انا متذكر انها ب 170 جنيه استيراد ( ده من المنتدي ).

والجديد.
- طرمبة بنزين GM 300 جم
- طرمبة بنزين اصلى 400 جم (عن تجربة يفضل الاصلى)
15-03-2009, 04:07 PM
MMamdouh

الاستيراد ممكن تشتغل النهاردة و تقطع بكرة... محدش يعرف حتعيش قد ايه

لو فيه طلمبة GM تبقى هى دى الاصلى

MMamdouh
15-03-2009, 04:13 PM
Drift_Lover

اقتباس:

الاستيراد ممكن تشتغل النهاردة و تقطع بكرة... محدش يعرف حتعيش قد ايه

لو فيه طلمبة GM تبقى هى دى الاصلى

MMamdouh

تسلم يا باشا....
15-03-2009, 08:33 PM
samirayad

اقتباس:

بادور العربيه ماسمعتش صوت تحضير طلمبة البنزين ومادارتش

الأجابه جايه دلوقتى

اقتباس:

فتحت الكبوت وشلت كتاوت الطلمبه وثبته كويس وأكدت تثبيت الفيش. وجيت ادور دارت

فى المقطع ده الأجابه باللون الأزرق
16-03-2009, 03:37 AM
Drift_Lover

اقتباس:

فى المقطع ده الأجابه باللون الأزرق (كتاوت طلمبة البنزين)

تسلم يا حبيب قلبي...

هو فعلآ انا دلوقتي شكيت في الكتاوت بنسبة 90 % بعد اللي حصل النهاردة.

من 3 ساعات كنت في سفر... وفي اثناء مروري ببلد ارياف علي الطريق فوجئت بالعربية بطلت (وماحسيتش بيها الا لما الباور فصل والفرامل حجرت لأن الماكينة عندي والحمد لله مالهاش صوت )

المهم كنت في وسط الطريق. اديتها الاولاني وكام سنة مارش علشان اركنها يمين (مع اني عارف انه غلط. بس كنت مضطر لان الطريق وقف )
و جيت ادور مادارتش.

المهم فتحت الكبوت (شيلت فيشة الموبينه وركبتها تاني وكمان فيشة الانجكشن ) وجيت ادور برده مادارتش.
ركزت مع صوت طلمبة البنزين مع فتح الكونتاكت. مش سامعها بتحضر ومع التكرار حضرت. والعربيه دارت... وكان غايب عن فكري موضوع الكتاوت...
وصلت بالسلامه وخلصت الشغل... وانا راجع من 1/2 ساعه وفي حته مقطوعه في الزراعي مافيهاش سريخ ابن يومين... والدنيا ضلمه كحل.
عملتها معايا يا رجاله....
انا قلبي رفرف من الخضة... (ماباحبش موضوع الاحتمالات والدنيا تتظبط بالبركة كده... لازم ابقي فاهم اليله فيها ايه )

نزلت وكالعاده (مانا بقيت متعود بقي )
فتحت الكبوت وعملت اللي عملته في ال 3 مرات اللي فاتم.
وجيت اجرب... الطلمبة مابتحضرش.
أكدت علي الكاوت وجربت... دارت تمام.

وانا لسه واصل حالآ.

كده ثبتت الرؤيا انها بنسبة 90 % كتاوت كان مهزوز.
( وبالاخص ان الطريق كان كله مدقات بقايا طين مكلكعه من المطر عاملة زي عيون القطط المتتابعه )

طيب انا عاوز رأيكم معايا.
وسيبوني افكر معاكم بصوت عالي

1- الشك ان الكتاوت كان مهزوز وده انا حأكد عليه بكره في النور وانظف مكانه بال WD40 واحتمال كبير جدآ ان شاء الله ان المشكلة تتحل.

2- لو الكتاوت نفسه هو اللي بيعلق (بايظ او علي وشك).
طيب فرضآ الموضوع ده حصل معايا والكتاوت فصل نهائي علي الطريق... هل ممكن الغي الكتاوت واعمل كوبري علي اطرافه مؤقتآ لحد ما اوصل. ولا ده يحكون له تأثر غلط علي الطلمبة.

اقتباس:

تعالوا نشوف الاول وظيفة الكتاوت من البحث في جوجل.

الكتاوت دي ملفات كهربائية الهدف منها إخراج قدرة كهربيه أكبر من القدره الداخلة إليها..يعني بتخرج كهربا أكتر من إللي داخلة لها. وأصل الكلمة cut-out.
والمسمي العلمي RELAY
http://en.wikipedia.org/wiki/Relays

الكتاوت وظيفته حسب نوعه.
1- توزيع الكهربا (الامبير) وفي الاغلب رفع الأمبير كالمستخدم في تقوية الاضاءة.
أو تحديد الأمبير كالكتاوت الموجود بالدينامو والذي يتحكم بشحن البطارية ثم يفصل عن اكتمال الشحن وهكذا في CLOSED LOOP
2- تغيير اتجاه القولتية ( من السالب الي الموجب)

طيب من الكلام اللي فات برده ماوصلتش لحل.

كتاوت طلمبة البنزين هل ممكن الغيها وؤقتآ في حالة الطوارئ.
ولا ده حيتسبب في وصول كهرباء اقل للطلمبة فمش حتقوم بعملها.

طبعآ الموضوع اسهل من كده اني اجيب كتاوت تاني احتياطي او اركب جديد واخلي ده احتياطي بس احنا عاوزين نفهم.

بس يا جماعه اللي خلاني اتوسع في وصف المشكلة... انه اكيد حد حيستفيد وممكن تحصل له المشكلة دي ولازم يتصرف...
16-03-2009, 07:13 AM
samirayad

ممكن تكون القاعده اللى بيركب عليها الكتاوت فيها مشكله ....وفيه كابل من اللى جايين من الmain relay ....مهوى شويه وعامل bad contact .........أونتايات البيت بتاعه فى العلبه فيها بوش شويه (وممكن تحل الحته دى بلف شعرة سلك صغيره على كل رجل من أرجل الكتاوت الأربعه علشان تحكم الأتصال وجرب )..............وممكن يكون فيه ضعف فى الكويل بتاع الكتاوت وبيفصل مثلا مع أستمرار التيار وهنا ممكن تشوف كتاوت زيه فى العلبه ومبيشتغلش كتير وتركبه مكانه (زى بتاع الفوجات مثلا وطبعا أتأكد من القدره والتصميم والتشابه )....................................ولكنى حاليا متوقع الأحتمال الأول بصوره أكبر
16-03-2009, 02:55 PM
Drift_Lover

اقتباس:

ممكن تكون القاعده اللى بيركب عليها الكتاوت فيها مشكله ....وفيه كابل من اللى جايين من الmain relay ....مهوى شويه وعامل bad contact .........أونتايات البيت بتاعه فى العلبه فيها بوش شويه (وممكن تحل الحته دى بلف شعرة سلك صغيره على كل رجل من أرجل الكتاوت الأربعه علشان تحكم الأتصال وجرب )..............وممكن يكون فيه ضعف فى الكويل بتاع الكتاوت وبيفصل مثلا مع أستمرار التيار وهنا ممكن تشوف كتاوت زيه فى العلبه ومبيشتغلش كتير وتركبه مكانه (زى بتاع الفوجات مثلا وطبعا أتأكد من القدره والتصميم والتشابه )....................................ولكنى حاليا متوقع الأحتمال الأول بصوره أكبر

تسلم يا باشا...
بس المشكلة امبارح قلت اجرب.
خليت العربيه دايره وشلت كتاوت الطلمبة فطبعآ بطلت العربيه.
وبعدين ركبتها لمجرد التلامس. قفلت الكونتاكت وجيت ادور دارت.
وكررت الموضوع مع اكثر من وضع للتثبيت او عدمه... العربيه تمام وبتدور. والنهارده الصبح شرحه... لما يأست ان المشكلة تحصل نظفت ريش الكتاوت وال PINS CONNECTORS بتاعتها في مكان التوصيل وقفلت الليله علي كده.

والنهارده الصبح دارت تمام. مع اني لما فتحت الكونتاكت ماسمعتش صوت الطلمبة ( مع اني كنت مركز مع الصوت ولكن ده اكيد علشان الهيصه اللي كانت حواليا )
بس طالما درات تبقي حضرت.

وان شاء الله سأعلمكم بكل جديد لو تكررت المشكلة.
16-03-2009, 03:03 PM
samirayad

طيب كويس أنك فكرت تمام كده......مابرضه تنظف قاعة الكتاوت فى بيتها فى علبة الفيوزات بال electo clainer .....يمكن تكون مصديه وفيها رواسب ومبتلقطش اللى لما تضغط على الكتاوت (علشان تحك الصدأ فى مناطق التلامس )...................وده ممكن يكون عيب خبيث برضه بسبب الشرر الكهربى اللى بيحصل بين أرجل الكتاوت وبيتها فى العلبه أوقات التلقيط
16-03-2009, 03:15 PM
Drift_Lover

اقتباس:

طيب كويس أنك فكرت تمام كده......مابرضه تنظف قاعة الكتاوت فى بيتها فى علبة الفيوزات بال electo clainer .....يمكن تكون مصديه وفيها رواسب ومبتلقطش اللى لما تضغط على الكتاوت (علشان تحك الصدأ فى مناطق التلامس )...................وده ممكن يكون عيب خبيث برضه بسبب الشرر الكهربى اللى بيحصل بين أرجل الكتاوت وبيتها فى العلبه أوقات التلقيط

انت تسيبك من الميكانيكا ياعم وتشتغل في الكهرباء احسن لك.
ايه الحلاوة دي.
16-03-2009, 03:19 PM
samirayad

اقتباس:

المشاركة الأصلية كتبت بواسطة Drift_Lover

انت تسيبك من الميكانيكا ياعم وتشتغل في الكهرباء احسن لك.
ايه الحلاوة دي.

على فكره أنا تخصص ميكانيكا باور........بس برضه بأعشق الكهرباء......ودايما كنت بجيب فيها أمتياز كل سنه فى الكليه (لأن المشاكل الكهربيه مش ملموسه وبتولد أفكار وفكر ممتازعلشان كده بحب الكهرباء.....وأهم شى تفكر فى العيب وعلاجه بملاليم .....غير الميكانيكا ).................وطبعا أشكرك على ذوقك :8_8_13:
16-03-2009, 03:33 PM
Drift_Lover

طيب تابعني بقي في استشاره في الصفحة الرئيسية بخصوص فرش الباب.. طالما احنا قاعدين سوا شوية.
16-03-2009, 07:30 PM
samirayad

نا لا أعرف شيئا .....عن حياتى الماضيه _على الطرابيزه ياريس.......:36_1_35[2]:
17-03-2009, 03:04 AM
lol656

ممكن حد يقولنا فين كتاوت طلمبة البنزين دي لو سمحتم عشان لو حصل نفس الموضوع مع حد فينا
17-03-2009, 03:14 AM
Drift_Lover

اقتباس:

ممكن حد يقولنا فين كتاوت طلمبة البنزين دي لو سمحتم عشان لو حصل نفس الموضوع مع حد فينا

في علبة الكتاوت والفيوزات اللي في حوض الماكينة... امام قربة الميه وخلف الفانوس الامامي الشمال للسائق.

والكتاوت اول واحد ناحية الفانوس. ولونه رصاصي Max 35a
17-03-2009, 09:25 AM
MMamdouh

http://i83.photobucket.com/albums/j3...s/DSCF0649.jpg

MMamdouh
17-03-2009, 10:13 AM
shaky

بص نصيحة لله روح اقرب توكيل دايو وابعد عن الصنايعية وقرفهم
17-03-2009, 10:27 AM
mohsen

طيب يا اخوانا انا مرة شوفت واحد جايب جركن وبيملاه بنزين من الفلتر والعربية مبطلة وكان خالع غطا الفيوزات وبيوصل سلك رفيع مابين حاجتين (كوبرى) ياريت الى يعرف الطريقة دى يقولنا عليها لانى على مافهمت انها تعتبر اختبار للطلمبة والعربية مبطلة

ولكم جزيل الشكر
17-03-2009, 10:46 AM
MMamdouh

طيب ما انت ممكن تفتح الكونتاكت و تشوف الطلمبة جابت بنزين ولا لا من غير حوار الكتاوت دة

MMamdouh
17-03-2009, 10:55 AM
Shiref_mohamed

اقتباس:

المشاركة الأصلية كتبت بواسطة mohsen

طيب يا اخوانا انا مرة شوفت واحد جايب جركن وبيملاه بنزين من الفلتر والعربية مبطلة وكان خالع غطا الفيوزات وبيوصل سلك رفيع مابين حاجتين (كوبرى) ياريت الى يعرف الطريقة دى يقولنا عليها لانى على مافهمت انها تعتبر اختبار للطلمبة والعربية مبطلة

ولكم جزيل الشكر

ايوه في طرف من اطراف الكتاوت بتاعت طلمبة البنزين لما بياخد كهربا دايركت من البطارية بيخلى الطلمبة تشتغل بأستمرار وده بيعملوه الصنايعية المتخلفين لما يحبو يطلعو بنزين من العربية ...
بس لو الصنايعى الفتك غلط وهو بيوصل السلك ده وادى للطرف الى جاى من الكنترول ساعتها ممكن نقول البقاء لله في الكنترول ..
نصيحه اخوية متخليش حد يعمل كده في عربيتك وزي ما قال استاذ محمد ممدوح فك الخرطوم الى خارج من الفلتر وخلى حد يفتحلك الكونتاكت هتلاقي البنزين خارج جامد من الفلتر