هل ممكن سير الكاتينة يعمل سخونة زيادة فى العربية؟
لأنى من ساعة ماغيرتة مؤشر الحرارة اعلى من المعتاد.......مع العلم ان الحرارة عندى بقالها سنين ثاااابتة....!
بالمناسبة انا غيرت ساعتها الأبلاتين والكوندسر وكانت العربية عالية ووطيتها بعديها وفضلت الحرارة عالية؟؟؟؟؟؟
هو ممكن يكون اللي بيغيرة مظبطهوش زي ما كان في الاول فعلى كهربة العربية ودة سبب السخونية.
سير الكاتينة عند ظبطة لازم يكون مظبوط على الشعرة لانة لو اتقدم او اتاخر هيعمل سخونة او يخلي العربية تقطع.
:roll: طب كدة انا هحتاج اعيد ظبطة تانى ؟؟؟؟؟؟؟
ولا ممكن يكون مثلا بسبب انى دورت العربية مرتين تلاتة قبل متخد بالى من السير انة اتقطع؟؟؟ مع ان الميكانيكى قاللى ان محصلش حاجة للصبابات......
ولاهو إية بالظبط ؟؟؟؟
محتاجين رأيك يا سبعاوى... ومتشكر جدا على ردك السريع يا نادر باشا
:shock: :shock: انت مقلتش ان السير اتقطع!! بس لو الموتور دار ومقفش يبقي محصلش حاجة.اقتباس:
ولا ممكن يكون مثلا بسبب انى دورت العربية مرتين تلاتة قبل متخد بالى من السير انة اتقطع؟؟؟
بص يا باشا هو اتقطع وانا اخدت بالى ومادورتش اكتر من مرتين تلاتة وزقيتها لحد الميكانيكى وغيرلى السير ومن ساعتها والحرارة عالية بنسبة 20%تقريبا !!
لييية بقى؟؟
اللى اعرفة لو السير ماإتظنطش بيعمل تقطيع فى صوت الموتور....يبقى السخونة منييين؟ :?: :?: :?:
وبرظة شكرا يا نادر باشا. :P
:oops: افيدونى افادكم الله
اولا:-
لو سير الكاتينة لما اتقطع سبب لك مشكله لازم تسمع صوت تكتكه عاليه وغريبة طول ما الموتور داير لو مفيش صوت يبقى معملش اضرار ودى حالة نادرة.
ثانيا راجع فتحة الابلاتين واضبط الكهرباء تانى لانك لو لاحظة ان العربية لما تدوس بنزين جامد لها فجاه بتسقف او لما تدوس تلاقى سحبها ضعيف يبقى عيد ضبط الاسبراتير
اى اضبط الكهرباء عند ميكانيكى تانى لان احنا هنا فى مصر مافيش ميكانيكى بيحب يعيد على شغله وكلهم مغرورين يقوللك عيب يابيه انا عارف انا بعمل ايه
مافيش مانع طبعا تكون اتاكدت ان الرادياتير مليان مياه ومفيش تسريب حصل نتيجة مفك انضرب هنا ولا هنا خرم له حاجة وهو شغال ومحبش يقوللك
ربنا يحفظنا
احمد
لا بص لو في تقديم بتبقى حاجة ولو تاخير حاجة تانية، يعمي يا اما كهربة العربية توطى وتقطع يا اما العكس تعلى وتسخن. خلي الميكانيكي يظبط لك الاسبيراتير.اقتباس:
اللى اعرفة لو السير ماإتظنطش بيعمل تقطيع فى صوت الموتور....يبقى السخونة منييين؟
بص لو الميكانيكي مش ضابط تقسيمة الكاتينة كويس يعني بيبقى التوقيت بتاع فتح الصباب مش مضبوط مع شوط البستم يخلي العربية مخنوقة و تسخن و تاخد قوت في الدوارة ساعات الصبح
دة مش بسبب السير اللي اتقطع و لكن بسبب ان سير الكاتينة مأخر سنة او سنيت
مفروض الميكانيكي يضبط تقسيمة الكاتينة و هوة بيركب السير بان بيبقى فية زنبة في طنبورة الكرنك بيضبطها قصاد طنبورة الكاتينة
ولو العربية قديمة و مافيهاش الزنب دي بيحل بوجية و حط مفك في مكانة و يلف طنبورة الكرنك لغاية مايحس بالبستم في أخر مشوارة فوق بيزق المفك و يقسم الكاتينة على كدة
وخللي بالك ان لو الميكانيكي برضة ضبط التاكيهات و هوة بيغير سير الكاتينة ممكن تسخن العربية لو مش مضبوطة
يعني التاكيهات لو مقفولة ومحملة قوي تسخن العربية و تخليها مخنوقة و تاكل بنزين شوية برضة
ارجعلة يظبط التاكيهات على 25 لصبابات البنزين و 30 لصبابات العادم بالفللر
تحياتي
+1اقتباس:
بص لو الميكانيكي مش ضابط تقسيمة الكاتينة كويس يعني بيبقى التوقيت بتاع فتح الصباب مش مضبوط مع شوط البستم يخلي العربية مخنوقة و تسخن و تاخد قوت في الدوارة ساعات الصبح
دة مش بسبب السير اللي اتقطع و لكن بسبب ان سير الكاتينة مأخر سنة او سنيت
مفروض الميكانيكي يضبط تقسيمة الكاتينة و هوة بيركب السير بان بيبقى فية زنبة في طنبورة الكرنك بيضبطها قصاد طنبورة الكاتينة
ولو العربية قديمة و مافيهاش الزنب دي بيحل بوجية و حط مفك في مكانة و يلف طنبورة الكرنك لغاية مايحس بالبستم في أخر مشوارة فوق بيزق المفك و يقسم الكاتينة على كدة
وخللي بالك ان لو الميكانيكي برضة ضبط التاكيهات و هوة بيغير سير الكاتينة ممكن تسخن العربية لو مش مضبوطة
يعني التاكيهات لو مقفولة ومحملة قوي تسخن العربية و تخليها مخنوقة و تاكل بنزين شوية برضة
ارجعلة يظبط التاكيهات على 25 لصبابات البنزين و 30 لصبابات العادم بالفللر