هل ما زالت الحملة لها صداها ؟

**Mar80** · 15-03-2009 09:27 PM

هل يا جماعة الحملة لسة ليها الصدي اللى كانت عاملاه و لا قل و لا زاد عن الأول لاني شايفة ان في ناس بدات تشتري عربيات بعد العروض اللى بدات الشركات تعملها

**marsguy** · 15-03-2009 10:17 PM

لسه ليها صدى طبعاً
لأسباب متعلقه بالحمله نفسها وإن الناس بدأت ترفض إستعباط التجار و لأن الناس مقلقين واللي معاه قرش زياده خايف عليه عشان ما حدش عارف الفتره الجايه إيه اللي هايحصل فيها

**emadmody2010** · 15-03-2009 10:25 PM

اكيد طبعا ليها صدى لغاية دلوقتي

**Imhotep** · 15-03-2009 10:31 PM

زمان ما كانش حد يعرف ايه اللى بيجرى فى اى حتة تانية خارج حدود بلدنا، لكن البركة فى الانترنت و وسائل الاتصالات الحديثة اللى خلت المعلومات كلها عن الاوضاع و الاسواق الخارجية متوفرة، وبالتالى ابتدينا نعرف اد ايه كنا بنتسرق وان اللى عاوز يستمر على الجشع المعتاد من التجار لازم يفوق. شراء الزيرو كرفاهية و استبدال و عربيات للمدامات و الاولاد، كله ده مش هيتعمل تانى نتيجة للازمة الاقتصادية، ومش هيشترى الا اللى فعلا محتاج عربية، بالتالى المبيعات اللى وصلت وقت الرخاء الى 270 الف عربية، هتقل على الاقل بنسبة 30-40 %، وحتى نوعية العربيات المشتراة هتختلف، فستكون الاولوية للعربيات الاقتصادية، وبالتالى ستنخفض مبيعات السيارات الفارهة بنسبة اكبر

**osman hisham** · 15-03-2009 10:31 PM

يا جماعة أنا و اللهى مش تاجر بس أحب أن أوضح أن الفترة دى أحسن وقت لشراء عربيه سواء جديده أو مستعمل و الحمد لله أن الأسعار فعلا نزلت .
السبب ان الدولار فى بيغلى اليوم كان ب 580 و المتوقع ب600 فى خلال شهر و ب7 جنيه على أخر السنه ,
و اللهى الدنيا حتولع اللى يلحق يشترى يبقى كسب سواء عربيات أو أى جهاز معمر زى غساله -تلاجه- .....

**A.Elsheikh.01** · 15-03-2009 10:56 PM

فى اسبوعين فيه انواع عربيات نزلت 2000 جنيه دا غير انها قبل الاسبوعين كانت نزلت برضه 2000 ودا معناه انهم بداو يخسرو لان الشركات الام بتفرض عليهم البيع بالشكل الجبرى علشان التوكيلات تفضل معاهم والاهيخسرو فلوسهم والتوكيلات

**eslam_wega** · 16-03-2009 12:30 AM

المشاركة الأصلية كتبت بواسطة A.Elsheikh.01

فى اسبوعين فيه انواع عربيات نزلت 2000 جنيه دا غير انها قبل الاسبوعين كانت نزلت برضه 2000 ودا معناه انهم بداو يخسرو لان الشركات الام بتفرض عليهم البيع بالشكل الجبرى علشان التوكيلات تفضل معاهم والاهيخسرو فلوسهم والتوكيلات

والله كلامك ده مهم جدا
بس لو ممكن توضح الشكل الجبرى ده معناة اية

**samoevil911** · 16-03-2009 12:40 AM

المشاركة الأصلية كتبت بواسطة osman hisham

يا جماعة أنا و اللهى مش تاجر بس أحب أن أوضح أن الفترة دى أحسن وقت لشراء عربيه سواء جديده أو مستعمل و الحمد لله أن الأسعار فعلا نزلت .
السبب ان الدولار فى بيغلى اليوم كان ب 580 و المتوقع ب600 فى خلال شهر و ب7 جنيه على أخر السنه ,
و اللهى الدنيا حتولع اللى يلحق يشترى يبقى كسب سواء عربيات أو أى جهاز معمر زى غساله -تلاجه- .....

مع احترامي لرأي حضرتك في تعليقين
1- ان احنا اللي بنشتري مش التجار يعني الحملة بتاعتنا مثلا لو الاسعار زادت تاني زي محضرتك بتقول وولعت .. مش هنشتري .. والموضوع بأدينا مش بأيدهم.. هو انا لو بصنع تليفزيون بيكلفني 1000 جنية و عايز ابيعوا لاعضاء المنتدي ب5 الاف عشان انا عايز اكسب و اعوض خسارتي القديمة.. ومحدش فيكم اشترا مني عشان انا سعري غالي جدا.. هل انا هفضل مصر علي السعر دا ولا هتراجع عشان ابيع.. رغم ان انا لسا طالع من ازمة مالية وعايز اعوضها

2- تاني حاجة ان انا علي حد معلوماتي الصغيرة ان معظم العربيات في مصر بيتحدد سعرها باليورو مش الدولار لان اغلب عرباتنا اوربيا .. ولا ليه..؟

**karimone** · 16-03-2009 12:42 AM

احنا قولنا ان التخفيضات اللي معموله دلوقتي اكيد هيكون ليها تأثير علي حركة البيع و انها هاتنشط حركة السوق الي حد ما... ده بالنسبه للناس اللي ماتسمعش عن الحمله...

اما أعضاء المنتدي و المنتديات الاخري فهم لسه ملتزمين إن شاء الله بعدم الشراء... كان الله في عونهم خاصة اللي معاهوش عربيه و ربنا يعوض صبرهم خير...

و خلوها تصدي...

**medo_2060** · 16-03-2009 12:00 PM

الحمله لها تأثير طبعا لسه ومش معنى ان ناس اشترت ان الحمله اتلغت لا دا عادى لان فى ناس لو العربيه رخصت 300 جنيه ممكن يروح يشتريها فدا مش مقياس
واحنا مع الحمله الا ان تهبط الاسعار 30% وفلوسنا معانا
وخلوها تصدى

مشاهدة نتائج الإستطلاع: هل مازالت الحملة لها صداها ؟

الموضوع: هل ما زالت الحملة لها صداها ؟

LinkBack

أدوات الموضوع

عرض

-

-

-

-

-

-

المواضيع المتشابهه

تلك الموضه اللعينه وصلت مصر ام ما زالت في الطريق ؟

لماذا الصراع على الكعكة وهى ما زالت بالفرن

مشكلة فى تدوير النيو أكسنت سبورت وهى ما زالت سخنة

و ما زالت جينا مفجوعه بنزين

الكلمات الدلالية لهذا الموضوع

المفضلات

المفضلات

ضوابط المشاركة