هل أنا إتنصب علية

**mragh** · 15-03-2009 10:39 PM

النهاردة كنت في مرور السلام عشان أرخص عربية والدتي، المهم هي كانت معي لأني مش معايا توكيل منها فحاولت اني أجيب واسطة عشان أخلص بسرعة عشان هي متؤفش كتير، فالوسطى بعت معايا أمين شرطة للمرور
أول لما وصلنا الأمين ألي عايز تخلص بسرعة ولا على مهلنا، قلتلو طبعاً بسرعة عشان والدتي، قالي يبئة نروح للمعلم مش عرف إيه كدة و دة صاحب قهوة أمام المرور ,المهم خلصنا الفحص و بعدين بعت معايا واحد عشان نخلص باقي الورق

و لما دخلنا ألي روح إنت وولدتك عشان شهادة المخلفات و أنا هدفع الضريبة مع العلم اني كنت شريلو كل النماذج المهم سألتوا كم ألي ٨٥٠ جنيه، مع العلم إن العربية ١٣٠٠ س س ، سالتو ليه ألي حوالي ٢٥٠ في السنة + ١٠٠ جنيه نمر جديدة

التلو أنا عرف الضريبة ١٤٣ جنيه ، رد علية انها زادت ، وأخد مني الفلوس و جبلي وصل بالمبلغ بس مقسوم على واصلين و لما سألتوا ألي هما بيحطو أول سنة في وصل و الباقي في وصل تاني عشان أنا كنت عايز أرخص ثلاث سنين

مع العلم أيضاً اني كنت دفعت التأمين الإجباري أبل إما يدخل معايا و المبلغ دة هو الضريبة والنمر الجديدة فقط

فهل أنا إتنصب علية كدة و هو خد البائي في جيبه

و بعد لما استلمت النمربعد ٦ ساعات من الإنتظار سالتو عايز كام ألي ٣٠٠ جنيه !!!!!!! و بعد خناقة أخد ١٠٠ جنيه و كان فاضل يشتمني و كان المعلم بتاعوه بيكلمني بمنتهى التاناكة مع اني و بدون تكبر على حد، سني مش صغير و مدير إدارة في إحدى شركات الإتصالات الكبرى

إيه رأيكم في إلي حصل النهارده دة

**abdalla45** · 15-03-2009 10:49 PM

مع العلم أيضاً اني كنت دفعت التأمين الإجباري أبل إما يدخل معايا و المبلغ دة هو الضريبة والنمر الجديدة فقط

سالتو ليه ألي حوالي ٢٥٠ في السنة + ١٠٠ جنيه نمر جديدة

**A.Elsheikh.01** · 15-03-2009 10:53 PM

طبع انت غلطان
واكيد انت نفسك مقتنع انها نصبه
وانت بكده بتساعدهم بجد بأنهم يوصلو بالامر معاك بالشكل دا
والى يتسأل برضه فى الموضوع دا الامين الى راح معاك ووداك ليه
اشتكيه

**eng.octooo** · 15-03-2009 10:57 PM

ربنا يعوض وحد عارف يمكن كانوا هاتشترى بيهم حاجة تعمل مشكلة المهم خدت الشر وراحت ومبروك على النمر الجديدة

**hamedo0** · 15-03-2009 10:58 PM

المشاركة الأصلية كتبت بواسطة mragh

و لما دخلنا ألي روح إنت وولدتك عشان شهادة المخلفات و أنا هدفع الضريبة مع العلم اني كنت شريلو كل النماذج المهم سألتوا كم ألي ٨٥٠ جنيه، مع العلم إن العربية ١٣٠٠ س س ، سالتو ليه ألي حوالي ٢٥٠ في السنة + ١٠٠ جنيه نمر جديدة

التلو أنا عرف الضريبة ١٤٣ جنيه ، رد علية انها زادت ، وأخد مني الفلوس و جبلي وصل بالمبلغ بس مقسوم على واصلين و لما سألتوا ألي هما بيحطو أول سنة في وصل و الباقي في وصل تاني عشان أنا كنت عايز أرخص ثلاث سنين

طلما اجمالي المبلغ في الواصلين بقي مش خد حاجه في جيبه

**mokhtar** · 15-03-2009 11:21 PM

الموضوع ده حصل زيه لاخويا وهو بيطلع الرخصه واحده ست معرفه بس بنت ستين فى سبعين معرفش ايه اللى هى عملته اخدت 150 جنيه زياده على مصاريف الرخصه كلها مع ان اخويا دخل الكمبيوتر وعدى ودخل الامتحان القياده وعدى وانا رحت اطلعها بعده باسبوعين بس ماكلمتهاش ودخلت من غير لا فلوس ولا واسطه وطلعتها على طول واكتشفت انها فعلا ضربت على 150 جنيه زياده من اخويا بس ياريتها كانت عملت حاجه الا انها معملتش حاجه خالص بس اقنعتنا انها خلصت الاجراءات كلها يلا حار ونار فيها هى واللى زيها

**mragh** · 15-03-2009 11:48 PM

المشاركة الأصلية كتبت بواسطة hamedo0

طلما اجمالي المبلغ في الواصلين بقي مش خد حاجه في جيبه

السؤال هنا، هل الضريبة للعربية ١٣٠٠ س س ١٤٣ في السنة ولا ٢٥٠ جنيه

**mragh** · 15-03-2009 11:51 PM

المشاركة الأصلية كتبت بواسطة A.Elsheikh.01

طبع انت غلطان
واكيد انت نفسك مقتنع انها نصبه
وانت بكده بتساعدهم بجد بأنهم يوصلو بالامر معاك بالشكل دا
والى يتسأل برضه فى الموضوع دا الامين الى راح معاك ووداك ليه
اشتكيه

أنا كان كل هدفي تقليل المشقة على والدتي ، أنا لما بروح عشان عربيتي بروح من غير واسطة و بعمل كل حاجة لوحدي

**ahmed1981** · 15-03-2009 11:59 PM

هو مرور السلام ورايا ورايا في كل حته
أطلع الأتوبيس ألاقيه ورايا أ....
لا مؤاخذه

المهم طالما حضرتك إستلمت الرخصة والنمر وإتأكدت منهم
قول الحمد لله إنها جت على قد كده ومسرقوش منك فلوس
أنا عارف قهوة النصابين اللي قدام المرور من بوابة المخالفات

حضرتك إحمد ربنا وبعد كده الطابور أرحم من النصابين دول
وال6 ساعات اللي هو أخدهم ممكن إنت تخلص أسرع منه

أما مرور السلام
فليس لنا إلا أن نقول حسبنا الله ونعم الوكيل

**HeMa_LanCeR** · 16-03-2009 12:13 AM

انا مش فاهم هو نصبك عليك في ايه حضرتك سألت السؤال ورضيت علي نفسك
قولت اخد الفلوس وجابلك وصل بالمبلغ طيب ناقص ايه تاني اومال لو مجبش وصل كنت حضرتك عملت ايه
وفعلا بيكونوا علي وصلين لو 3 سنين

الموضوع: هل أنا إتنصب علية

LinkBack

أدوات الموضوع

عرض

-

-

-

-

-

-

-

المواضيع المتشابهه

128 للبيع معروضة علية

علية الدريكسيون

أنا إتنصب عليا من مودرن

عشم كان حينصب علية!!!

معروض علية.........

الكلمات الدلالية لهذا الموضوع

المفضلات

المفضلات

ضوابط المشاركة