احنا شعب استهلاكى 100 % ..
محترفين استهلاك وبنعرف نميز المنتجات من بعضها كويس اوى
و اى حد عايز ينجح يبتدى تسويقه فى مصر .
لكن تعالى اسال يعنى ايه انتاج !!
لا حياة لمن تنادى ..:(
احنا شعب استهلاكى 100 % ..
محترفين استهلاك وبنعرف نميز المنتجات من بعضها كويس اوى
و اى حد عايز ينجح يبتدى تسويقه فى مصر .
لكن تعالى اسال يعنى ايه انتاج !!
لا حياة لمن تنادى ..:(
احنا عملين نتكلم لكن مافيش حد بيسمع كلامنا
الأسباب فى رأيى :
- صغر حجم السوق المصرى, و الذى لا يكفى لاستيعاب طاقة اقتصادية لمصنع واحد.
- الولايات المتحدة قلصت فرصتك عموما فى صناعة اى منتج استهلاكى, سواء السيارات أو غيرها, عبر دعم الاقتصاديات الأسيوية مثل اليابان و كوريا بالتكنولوجيا و المال, و اغراق أسواقنا بهذه السلع, فلم تعد قادرا على المنافسة, فالعامل المصرى ليس رخيصا لو قمنا بمقارنته بالعامل الأسيوى, فلو انتجت سيارة تنافس على أساس السعر سوف تصدم بالسيارات الكورية و الهندية و لن تستطيع انتاج سيارة أرخص منهم,
أعتقد أن دعم الولايات المتحدة لحلفائها الأسيويين و خاصة اليابان و كوريا فى مجال السيارات كان جزء من خطة السيطرة على اقتصاديات دول الشرق الاوسط, التى يجب أن تظل اسواقا استهلاكية منتجة للنفط فقط, و لا يجب أن تقوم هناك أى صناعات ضخمة أو مربحة.
- النقطة الأخيرة, هى عدم استغلال الفرص,
فمثلا عرضت فيات على نصر للسيارات فى وقت سابق شراء خط انتاج ال128, لكن نصر رفضت بحجة أن السيارة أصبحت قديمة(رغم انها سيارة سبقت زمانها, و حتى منتصف التسعينات منقدرش نقول عليها سيارة قديمة تكنولوجيا),
العجيب أن نصر عادت بعدها و انتجت ال128(القديمة) بالتعاون مع يوجو هذه المرة, و التى اشترت خط انتاج ال128 من فيات!!
أما الأسباب الحقيقية وراء رفض النصر للسيارات عرض فيات, فلا أحد يعلمها سوى الله.
مع احترامي لكل الاراء
امريكا مالهاش دعوه و عندي الدليل..
اما السبب بقى لان الشعب بتاعنا عاوز ياكل و ينام بس و الحكومه توفرله كل حاجه من المايه للاكل للسكن للعلاج للوظيفه -النوم-و يمكن تجيبله العروسه كمان(مش دفاع عن الحكومه) بس احنا ماعندناش اي همه لاي تطور حقيقي.(بما فيهم الحكومه طبعاا)
الدليل ان امريكا مالهاش دعوه امريكا نفسها ترمي كوريا الشماليه -عندهم مجاعه و فياضانات و فقرا ء جدا اكتر مننا و الله و عددهم يا زعيم اكتر مننا- و لما بوش هدد كوريا طلع رئيسها و قال ها احرق نص امريكا بالنووي ... و ما حدش قدر يتكلم اصل عنده فعلا مش ما عندوش .. امريكا استغفر الله العظيم مش ربنا
اللي ناقصنا حاجه مهمه العزيمه
بس احنا بدئنا
عملنا استيكه و بلونه
لأنه لم يوجد رجل الأعمال المخلص والمؤمن بفكرة سيارة مصرية 100%
ولأنه لم يوجد رجل الدولة (المسئول) المخلص الذي يريد أن يصل لهذا الحلم
وطبعاً مش شرط إنه يوصل ل 100 % من أول يوم
لكن لو بدأ ب 10% من خمسين سنة كان زمانا بنصدر مصانع سيارات النهاردة
يا باشمهندس فادي
أمريكا مالها بس بالموضوع .
هو أحنا مفيش ورانا غير الحجج ........
يا باشا ..
أنت كان معاك روسيا .... و كنت تقدر تطور مصنع النصر و تضع خطة قومية لصناعة وطنية قوية حقيقية منذ بداية العهد الناصري .
و لكن جائت مصالح أعضاء الثورة بتعارض مع مصالح البلاد الوطنية و من ثم الحروب مع الزفت السرطان لصهيوني اللي أسمه إسرائيل و بعدين دخول مصر في مرحلة الخضوع و التسهيل و عدم وجود تخطيط قومي .
أحنا لو عايزين نصنع و فيه خطط قومية ....... هانصنع .
إنما المشكلة إن مفيش خطط قومية و لا يحزنون
و أنا قلت قبل كدا أن مفيش بلد بتنتج عربيات بتعتمد على سوقها المحلي أبدا مهما كان كبير إلا إذا كان دورة التغيير فيه كبيرة .
و مفيش غير أمريكا فقط اللي تقدر تعمل كدا لإرتفاع الدخل و رخص الأسعار هناك .
حتى أوروربا لا تستطيع أن تفعل ذلك و يجب أن تعتمد على التصدير .
كوريا الجنوبية تقريبا 50 مليون فقط و أقل من مصر و ماليزيا 18 مليون فقط ... و السويد 8 مليون فقط .... و أسبانيا 50 مليون .... و التشيك 16 مليون فقط
و مع ذلك كل هذه الدول تصنع سيارات
أسبانيا بتجمع و خايبة زينا ........ و التشيك بتجمع هي كمان .
إنما السويد و كوريا الجنوبية و ماليزيا بينتجوا إنتاج فعلي للمحركات بالذات .
آه نسيت .... أحب أضيف رومانيا ( دولة صغيرة و فقيرة ) و بتنتج سيارات و كمان مصر بتستورد منها
جرارات زراعية ... و سيارات تم تجميعها هناك من شركة رينو بالأساس .
على رأي المثل
الناس خيبتها السبت و الأحد .... و أحنا خيبتنا ما وردتش على حد
و تحياتي لك
- المكسب السريع
- غياب الوطنية و الهدف
- مصالح رجال الأعمال
- غياب التيسير و المساندة الفعالة من الحكومة
- غياب الضمير
و حاجات كتير للأسف موجودة و منتشرة , دا كل الناس بتشتكى من التقفيل المصرى فمابالكم لو كانت عربية مصرى 100 % !!!!!!.
و الله لو توكلنا على الله حق توكله لكنا أفضل شعوب الأرض على وجه الأرض
دولة عالم ثالث خاضعة ولها خط أحمر في مجالات التكنولوجيا غير مسموح بتجاوزه بتاتاً. م الآخر كبيرنا التجميع في أي منتج من أول فانوس رمضان لغاية تليفزيون الهيئة العربية للتصنيع.
بالكتير نعمل مصنع -على رأي عادل إمام- "المصنع الصناعي الزراعي الننوي لتصنيع رباط الجزم" هو ده آخرنا للأسف
يا باشا أنا بختلف معاك في النقطة دي
أزاي لينا خط أحمر ..... يبقى أحنا اللي خضعنا !!!
أندونيسيا دولة من دول العالم الثالث و عندهم تصنيع تكنلوجي
ماليزيا كانت من دول العالم الثالث و أصبحت من أكبر منتجي الإلكترونيات و لها مصنع سيارات وطني و إنتاج وطني .
ايران .... لسة باعتين قمر صناعي للفضاء بصاروخ محلي
يعني صاروخ محلي و كمان قمر صناعي محلي .
الدولة ممكن تختار تكون خاضع تابع يقول حاضر و بس ( و دول الناس اللي مش عايزة وجع دماغ و مصالحها الشخصية فوق الجميع زي مصر و الشعب المصري )
و فيه دول بتدور على حليف قوي لا يقوم بأخضاعها بايحاد وسائل القوة و أستخدامها مثل إيران التي وجدت في الحليف الروسي مساعد و مساند حتى لو كان هذا الحليف ليس على مستوى الولايات المتحدة عسكريا و لكنهم في النهاية توصولو لتكنولوجيا قوية لا يمكلها إلا الدول التي لديها أبحاث و علوم .
باكستان ... صنعت النووي و هما فقرانين جدا و معندهومش أي موارد ....و صدقني لو يبطلوا الدروشة اللي هما عايشين فيها هايبقوا دولة قوية جدا .
مفيش حاجة أسمها الناس تخضعك
و لكن أحنا اللي أستسلمنا للواقع المرير بدون رسم خطط قومية
مع تحياتي
تقصد بإيه الدروشه اللى عايشين فيها ؟؟؟!!!اقتباس:
باكستان ... صنعت النووي و هما فقرانين جدا و معندهومش أي موارد ....و صدقني لو يبطلوا الدروشة اللي هما عايشين فيها هايبقوا دولة قوية جدا .