اخواني الاعزاء رجاء الموتور عندي خفيف شوية و انا مش ناوي افتحة دلوقتي او اليومين دول
و عاوز اعرف فيه اي ضرر من استخدام زيت الشنبر
انا عارف كويس انه مش بيصلح و انه مسكن و ان العمرة او طقم الشنبر لازم
بس انا بسال استخدامة فيه ضرر للموتور و لا عادي
عرض للطباعة
اخواني الاعزاء رجاء الموتور عندي خفيف شوية و انا مش ناوي افتحة دلوقتي او اليومين دول
و عاوز اعرف فيه اي ضرر من استخدام زيت الشنبر
انا عارف كويس انه مش بيصلح و انه مسكن و ان العمرة او طقم الشنبر لازم
بس انا بسال استخدامة فيه ضرر للموتور و لا عادي
زيت الشنبر ممتاز للمحركات الخفيفة ، بيحميها ويضمن اعتماديتها وادائها لحد وقت العمرة وبيمنع الدخان من الشكمنا الى حد كبير، وينصح به طالما ان الموتور بقى خفيف
عيبه الوحيد ان فى الأيام الباردة صباحا الموتور هيكون تقيل على المارش وممكن العربية تتاخر شوية فى الدوارة احيانا، لكنها فى النهاية بتدور طالما المارش سليم
النصيحة الاخرى هى (لا تستعمله ابدا مع محرك مش خفيف، ممنوع منعا بااااااااااتا، يستعمل فقط مع المحركات الخفيفة)
طيب انا سمعت من واحد ان استخدامه ممكن يسبب تاكل( تسليخ) للشمايز بس انا مش فاهم الموضوع جوا اوي علشان محصلش اني فتحت موتور ابل كدة
فهل كلام الاخ ده صحيح و لا هيا كدة كدة بتكون الشمايز متاكلة
ومعلش سوال كمان هو زيت الشنبر لازم يستخدم مع زيت تقيل ولا ممكن يستخدم مع زيت عادى
ما يسبب تسليخ الشمايز هو انكسار الشمبر او ارتفاع درجة حرارة المحرك بشدة او دخول اتربة الى حيز الشميز
لكن زيت الشمبر بيحمى ضد الحاجات دى كلها
عادة اللى بيطلع فتاوى ضد زيت الشمبر هم الميكانيكية لانه بيوقف حالهم، لكن انا جربته كتير جدا، وبصراحة كان رفيق كفاح ياما شالنى فى اوقات زنقة، اخر عربية استعملته معاها كانت الريجاتا، اشتريتها بمعلومية ان موتورها خفيف على اسا انى هعمل لها عمرة، وفضلت ماشى بيها سنيتن بزيت الشمبر، وكنت باروح بيها كل حته على وجه الكرة الأرضية، بنظام "الشهر الجاى هعمل العمرة" وفى النهاية بعتها بعد سنتين برضه بمعلومية ان موتورها خفيف، واللى اشتراها منى من شهر 10 اللى فات لسة ماشى بيها بنفس الموتور الخفيف وزيت الشمبر وفاحتها شغل
اشكر جنابك جزيل الشكر
لا انصح به على الاطلاق لانى مجربه ومعملش اى حاجة معايا ، فى الاول الدخان من فايظ العمه قل وبعد كدة ذاد اكتر من الاول وكمان خلى العربيه صعبة جدا فى الدوارة الصبح ، انصحك حط زيت احادى الدرجة 50
وده رأييى بناء عن تجربتى مع احترامى الشديد لرأى الاخرين .......
أنا جربته و هو ممتاز فى حالة إن ماتورك خفيف
و الأفضل جربه مع شيل x100 درجة لزوجة 50
هاتحس بصوت الماتور نعم و بقى أهدى و الدخنة قلت جداً بس المهم إنك تستخدمه على طول لغاية لما ربنا يكرمك و تعمر.
و بعدين إستخدم زيت الشمبر اللى علبته زرقاء ( 18 جنية تقريبا ) و حطه على الزيت بس المهم يكون الزيت بعد الإضافة مايعديس علامة Max اللى موجودة فى مقاس الزيت.
انا بستعملة بانتظام من اكتر من 5 سنين وموتورى مش خفيف
والماكينة زى الفل ولا تزال زى الفل
دة مخللى صوتها انعم من اى عربية من نفس النوع
متى يكون استخدامه مفيد؟ يعنى لما كبس الموتور يكون كام فى المائة أول أقل؟؟؟
لو موتورك خيفيف لكن لسة موصلش لمرحلة الدخنة المستمرة يفضل استخدام زيت الشمبر مع زيت احداى درجة لزوجة 40
لو موتورك خفيف وخلاص بيدخن، استعمل زيت الشمبر مع زيت احادى درجة لزوجة 50 زيت زيت شل x100 مثلا
لو الدخنة ناتجة عن تآكل الشمبر فزيت الشمبر بيقللها الى حد كبير جدا وتكاد لا تظهر غير مع القرص الشديد، كما انه يخفيها تماما فى حوالى 50% من الحالات، اما لو الدخنة ناتجة عن تشقق او انقطاع كاوتش الصباب فلا حيلة لزيت الشمبر فيها وهتفضل ظاهرة
لو سمحت يا جماعه هو المفروض بيتحط زيت اد اية وممكن يتحط على زيت قديم ولا لازم يكون مع تغير الزيت
متشكر جدا يا جماعة على تعبكم في الرد
بالنسبة للزيت لزوجة 50 في زيت الاماراتية الجركن الي بشوفة مكتوب عليه 50 بيكون مكتوب عليه للمواتير الديزل فهل هو ده
ولا حاجة تانية
هل زيت الشمبر يصلح مع موتور سيارتى علما بان سيارتى كريسيدا 83 و بتطلع دخانة ياما و بتاكل زيت كتير تقريبا كل 80 كيلو زجاجة زيت
غير الزيت قبل معاده ودايما غير معاه الفلتر عشان لو فيه تآكل فى أجزاء الموتور طبعا بتتجمع فى الفلتر زى كلية البنى آدم بالضبط!! المشكلة إن نفخ الحرارة من البساتم بتحرأ الزيت بسرعة فلزوجته بتقل.. لو هتحط زيت شمبر حط STP أمريكانى.. وماتنساش تتأكد من مياه التبريد مش هوصيك تبأا مقطرة مش من الحنفية عشان الأملاح وحاول تنضف الريداتير عشان العربية مع النفخ الموتور بيسخن أكتر ولازم التبريد يبأا تمام لو عايز تحافظ على الموتور عشان يستحمل عمرة..
ينفع طبعا واحسنلك تستعمله
وبص على الموضوع ده فى الانواع مع الاسعار
http://www.nilemotors.net/Nile/showt...A+%D4%E3%C8%D1
يا جماعة سؤالى لم يجاوبنى عليه أحد وهو:
لما يكون كبس الموتور كام فى المائة يبقى يفضل استخدام زيت الشنبر مع زيت الموتور؟؟
انا بستعمل زيت موبيل ثمنه 12 ريال هل هذا النوع كويس
معلش استفسار بسيط يا استاذ سبعاوى لية لو الموتور حالتة كويسة غلط اننا نستخدم زيت الشنبر
علشان زيت الشنبر بيعلى معامل لزوجة زيت المحرك بشدة وده معناه الآتى
1- حمل لا داعى له على المارش صباحا لأن الزيت العالى اللزوجة بيكون عامل زى المربى ويعوق الحركة السلسة للبساتم لحد ما يسخن، ومن ناحية اخرى لزوجته العالية تضع حمل عالى على طلمبة الزيت التى بدورها تحمل على المارش
2- صعوبة تحريك السيارة صباحا لحد ما يسخن الموتور بسبب لزوجة الزيت العالية
3- لزوجه الزيت العالية مع خلوصات المحرك الجديد الضيقة جدا تجعله يستغرق وقتا طويلا حتى يملأ المساحات المطلوب تزييتها ويحقق تبليل مناسب لكل الأسطح (تخيل نفسك بتحاول تدى واحد حقنه عسل اسود فى العضل،:36_1_40[1]: وشوف مدى صعوبة ضغط العسل الأسود من خلال ابرة الحقنه-ناهيك طبعا عن ان الواحد ده هيموت من جرعة العسل الأسود بس خليه يموت مش مهم، لأن مش ده موضوعنا:44:)
4- لزوجة الزيت العالية قد تتسبب فى حالة وجود اى شوائب كربونية او غيرها مع الزيت فى سد بعض مسارات التزييت الضيقة فى المحرك مثل المسارات داخل الكرنك مثلا وهو ما قد يتسبب فى تدهور سيبكة الكرنك او غيرهامن الكراسى
طب ليه كل دة مش بيحصل فى المحرك القديم، لأن مع التآكل خلوصاته بقت واسعة ومفتوحة على البحرى بما يسمح بحركة الزيت الثقيل بدون مشاكل(نفس حقنة العسل الأسود بس هنشيل الأبرة الضيقة من فوق وندوس على مكبس الحقنة هنلاقى العسل بيخرج من فتحة الأبرة-التى اصبحت واسعة بعد فك الأبرة-بحرية تامة ودون تعب، كما اننا ممكن فى الحالة دى ندي العسل للمريض بالفم من طرف الحقنة وكدة ميموتش :biggrin:
متعدد الدرجات بيكون لزوجته مش عالية جدا فى الجو البارد بما يسمح بادارة وتسخين السيارة بسهولة، وبتكون لزوجته مناسبة فى الجو الحار بما يسمح بتشغيل السيارة والحفاظ عليها، مناسب للاستخدام فى السيارات الجديدة ومتوسطة العمر
الزيت الاحادى يكون لزج جدا فى الجو البارد وذو لزوجة فوق المتوسطة فى الجو الساخن، يناسب المحركات القديمة اكثر
الف مبروك على اللقب الجديد يا سبعاوي باشا
و متشكرين جدا طبعا على كمية الردود ديه
دلوقتي السؤال انا حطيت زيت شنبر مع زيت الامارات الي بيعد 3000
بس برده فيه اكل زيت و دخنة طبعا اكل الزيت قل بس موجود فهل ده نتيجة ايه
ممكن يكون علشان الزيت متعدد الدرجات ولا نوع زيت الشنبر مش كويس
ولا المشكلة مش من الشنابر
متشكر جدا على الرد يا باشا طيب هل اهتم بتصليح كاوتش الصباب و لا كدة خلاص لازم افك كلة
اصدي ممكن اعمل بس موضوع الكاوتش ده من غير شنبر او عمرة ولا لازم مع العمرة
دلوقتى الموتور عندى بيطلع دخنه من خرطوم الفايظ من عند العمه والميكانيكه قالوا خفيف وانه عاوز طقم شنبر فهل زيت الشنبر ينفع معايا لانى مستخسر افك الماتور لكلام انه مش هيرجع زى الاول
بستخدم زيت موتور اسو ( العبوة الرصاصى)
معلش سؤال برضو
هل فى الصيف نفس وجهة النظر فى تقل الزيت وصعوبة الدوارة صباحا موجودة برضو ولا بتقل ؟؟؟
تانى حاجة لو الموتور سليم هل ممكن اضافة نص العبوة او ربعها مثلا مع الزيت لزيادة كفائتة ولا برضو غلط ؟؟؟
اصل فى واحد قريبى بيحط العبوة بتاعة الشنبر دى وفكرت احطها عندى مع العلم ان الموتور بتاعى سليم
- لو بصينا على عبوة زيت الشنبر حنلاقيه فى الأول وفى الآخر ماهو الا عباره عن أضافه من الأضافات اللى بتضاف أثناء تصنيع الزيوت العاديه ......والأضافه دى أسمها ( أضافه خاصه بتحسين أو رفع معامل اللزوجه ) viscosity index improver additive_ وبالتالى فلا توجد مشاكل نهائيا من أستعماله مع المحركات القديمه .....غير مشكلة بدء الدواره الى حد ما ..........
من الآخر أنا مش فاهمة حاجة
العربية ممكن تكون 60 % كفاءة أو اكتر
البوجيهات بتعرق زيت
تقدم أحد الاعضاء مشكورا بنصحي بزيت الشنبر
دلوقتي اعمل إيه
هو بيتباع فين وبكام وبحط منه قد إيه
وهل مقياس الزيت عندي لو قل ممكن أزود بزيت الشنبر
وأحط زيت الشنبر مع زيت اسمه إيه بنسبة كام لكام
عربيتي فيورا 87 بتاكل بوجيهات كتيير وعزمها بيضعف وصوتها عالي
وبتاع الزيت من شهر حطلي زيت التعاون
أغيره بنوع أفضل مع زيت الشنبر
أفيدوني وألف شكر
عشان العربية جننتني وأنا جديدة في عالم السيارات
وصيدة ممتازة لكل ميكانيكي صاحب فتوة
][gdwl] ده كده ممكن يكون كاوتش الصباب هو اللى عاوز يتغير وشنابر المحرك كويسه...[/gdwl]....عربيتي فيورا 87 بتاكل بوجيهات كتيير وعزمها بيضعف وصوتها عالياقتباس:
البوجيهات بتعرق زيت
[/quote] لأن ممكن يكون كاوتش الصباب بتاع المحرك هو اللى عاوز يتغير .......وتكونى محتاجه تعملى رويه للصبابات .....ويمكن تغيير صبابات ودلايل صبابات كمان ويكون ده السبب فى أنخفاض حالة الموتور ل60% .......وكده لا داعى حاليا من أستعمال زيت شنبر الى أن يتم تحديد سبب تعريق البوجيهات ( بسبب تفويت من شنابر المحرك ولا بسبب تلف كاوتش الصباب )وعلشان دى ممكن تخللى أخوكى أو أى قريب من الدرجه الأولى .......يشوف الوضع الأول .....بحيث يكون خط دفاع ليكى ضدهماقتباس:
وصيدة ممتازة لكل ميكانيكي صاحب فتوة
لأن ممكن يكون كاوتش الصباب بتاع المحرك هو اللى عاوز يتغير .......وتكونى محتاجه تعملى رويه للصبابات .....ويمكن تغيير صبابات ودلايل صبابات كمان ويكون ده السبب فى أنخفاض حالة الموتور ل60% .......وكده لا داعى حاليا من أستعمال زيت شنبر الى أن يتم تحديد سبب تعريق البوجيهات ( بسبب تفويت من شنابر المحرك ولا بسبب تلف كاوتش الصباب ) وعلشان دى ممكن تخللى أخوكى أو أى قريب من الدرجه الأولى .......يشوف الوضع الأول .....بحيث يكون خط دفاع ليكى ضد تلاعب الميكانيكيه [/quote]_ [gdwl]أعتذر على التكرار فى الأرسال لأن الوضع الجديد ملخفنى الصراحه..........[/gdwl]