هل قطع غيار الاسكودا عموما غاليه؟؟

**semihuman** · 16-03-2009 02:04 PM

سؤالي الي جميع مالكي الاسكودا خصوصا الفابيا او الاوكتافيا؟؟
هل قطع الغيار الداخليه زي الفلاتر و تيل الفرامل و المساعدين غاليه؟؟
وهل معمره و ممكن تدونا امثله و شكرا

**Fadi Ezzat** · 16-03-2009 05:02 PM

هى هى مش غالية اوى بس معمرة جدا هديك مثلا التيل الامامى كمثل انا جبتة بسش من التوكيل فى حدود 380 جنية مش فاكر اوى هبقى اجيب الوصل واكتبلك كل الى انا جبتة واسعارة اية

**crazylambada** · 17-03-2009 04:49 PM

بص انا هديلك مثل حلو جدا
طقم الكوبلن عندي قعد حوالي 15 سنة
لما جيت اغيره لقيت الاصلي عامل 1000 جنيه
و الصيني عامل 250 جنيه
جبت الصيني و النتيجة ان بعد 3 شهور تقريبا تعيش انتا
لكن لو كنت جبت الالماني كنت نسيت موضوع الكوبلن ده لسنين
عربيتي فتحت الكبوت بتاعها من سنتين و غيرتلها الحاجات بتاعتها بالاصلي و نزلت بيها التوكيل و كله تمام
و الحمد لله كلها صيانات دورية و خفيفة جدا
رغم ان العربية بسم الله م اشاء الله بقالها 15 سنة
من الاخر قطع غيار الاسكودا بتجيبها و بتحط في بطنك بطيخة صيفي حمرا و زي العسل

**ramylanos** · 17-03-2009 06:42 PM

المشاركة الأصلية كتبت بواسطة KHALED AYMAN

يا باشا فى حاجه مهمه ...
علشان احسب قطعه الغيار دى غاليه ولا لا مينفعش ابص انا دفعت كام و خلاص لأ انا ابص انا دفعت كام و قطعه الغيار هتعد اد ايه و هل هتحتاج مصاريف طول ما هى معايا ولا لا ...
يعنى مثلا مقولش فلتر الهواء بتاع الاوكتافيا ال A5 ب 100 جنيه و العربيه الفلانيه(كورى مثلا او صينى) ب 50 بس يبقى ال A5 وحشه و قطع غيارها غاليه ....
المفروض ابص و اعرف هو الفلتر ده اداءه احسن من الرخيص ولا لا ؟؟
هتلاقى ادائه احسن ...
طيب الفلتر ده عمره الافتراضى طويل ولا لا ؟؟
هتلاقيه اطول من التانى ...

يعنى مثلا لو جبت فلتر الاوكتافيا و اعد 20 الف كم هتلاقى التانى اعد 10000 كم ..
يعنى فى الاخر هى هى او هتلاقى الغالى اوفر كمان لانه هيوفر عليك جهد و مصنعيات و عطله ...
و غالبا بيبقى عمره الافتراضى اكتر من ضعف التانى ....

و ده مش حال الاوكتافيا بس لا ده حال كل قطع الغيار الالمانى و مش فى العربيات بس ...
فى اى حاجه .....

و كمان مينفعش اقارن سعر قطع غيار الاوكتافيا بعربيه اقل منها فى الفئه يعنى مقولش دى قطع غيارها اغلى من التيدا او اللانسر او الفوكس ...او الالنترا .....
لا اقرنها بالجيتا و الفيكترا و السوناتا ...
و فى الاخر هتلاقى الفئه دى اسعارها متقاربه جدا ....

كلام من الاخر

**karimone** · 17-03-2009 08:50 PM

طب عايزين ارقام يا رجاله...

اللي اشتري اي قطعة غيار يقولنا سعرها كام...؟؟؟

**crazylambada** · 17-03-2009 10:42 PM

انا فاكر حساس الشكمان بتاع الايه فايف
ب1100 جنيه لانه الحمد لله باظ و احنا في الضمان و اتغير ببلاش

**wawamoha** · 18-03-2009 10:18 AM

المشاركة الأصلية كتبت بواسطة crazylambada

انا فاكر حساس الشكمان بتاع الايه فايف
ب1100 جنيه لانه الحمد لله باظ و احنا في الضمان و اتغير ببلاش

ليه كده ب 1100 بيعمل ايه حسحاس الشكمان ده؟؟
انا اللل يلعرفه ان الشكمان بيطلع دخان و خلاص يعني مش لازم حساس يشوف يطلع و لا لا ؟؟
ههههههههه
انان بهزر بس عاوز اعرف بجد بيعمل ايه ؟؟

**crazylambada** · 18-03-2009 11:09 AM

لما سالت المهندس قاليانه بيقيس عوادم السيارة
لو لقى نسب المكونات في العوادم مش مظبوطة
بيدي انذار و ده معناه ان فيه حاجة غلط في نظام الاحتراق
بالطريقة ديه بيحافظ على الموتور و قوة احتراقه بصوره دائمة

**semihuman** · 18-03-2009 10:41 PM

طيب يا جماعه هل اعتماديه عربيات سكودا كماتنه تفرق كتير عن الهيونداي؟؟ انا عارف طبعا ان الاسكودا افضل بس هل الفرق كبير؟
وهل حد ممكن يدينا امثله؟

-

الموضوع: هل قطع غيار الاسكودا عموما غاليه؟؟

LinkBack

أدوات الموضوع

عرض

-

-

-

-

-

المواضيع المتشابهه

¨ صور نادرة ......... و غاليه جدا جدا

قطع غيار سوبارو غاليه؟!! طيب شوف المقارنه دي

هي السوناتا بقت غاليه كده ليه ؟

الاوكتافيا غاليه ليه؟؟؟

نصائح غاليه

الكلمات الدلالية لهذا الموضوع

المفضلات

المفضلات

ضوابط المشاركة