كنت بظبط الفرامل
فالميكانيكي ظبطها وزود الزيت وسحب الهوا وكله تمام
المهم مشيت ورحت مشوار وبعد ما وقفت لقيت ريحة مش كويسة طالعة من الكاوتش اليمين اللى ورا ولقيته سخن جدا
حطيت عليه ميه لقيته قام مطلع دخان بطريقة فظيييعة
مش عارف دا بقى من ايه
عرض للطباعة
كنت بظبط الفرامل
فالميكانيكي ظبطها وزود الزيت وسحب الهوا وكله تمام
المهم مشيت ورحت مشوار وبعد ما وقفت لقيت ريحة مش كويسة طالعة من الكاوتش اليمين اللى ورا ولقيته سخن جدا
حطيت عليه ميه لقيته قام مطلع دخان بطريقة فظيييعة
مش عارف دا بقى من ايه
سيبك من الميكانيكي روح لحد بتاع فرامل هيا كدة محتاجة رجلاش
ممكن يكون رجلش الفرامل الخلفية زيادة
إرجعله يظبطهالك تاني
هو انا قلت كدا برضه يا استاذ احمد لانى فكيت العجلة ولقيت الطنبورة هى اللى سخنة وبتطلع دخان
بس سيبتها تبرد ومشيت بيها وكل شوية ابص عليها الاقى كله تمام
لازم تروح لواحد عفشجى كويس ....يكشف على سستة أرجاع قباقيب فرامل الطنبوره دى ....لأن واضح أن السسته مفكوكه والقباقيب ماسكه على الطنبوره......وممكن تكون السوسته مكسوره برضه
طالما السخونية وصلت لدرجة الدخان يبقى يستحسن برضه تراجع على جلد الماستر بتاع العجلة دى ليكون باظ من السخونية
شكرا ًَ يا جماعة
بس ممكن توضيح اكتر يا استاذ سمير؟؟
ودا من ايه؟؟
ممكن يكون بخار المية
بس السخونية دى أكيد الفرامل قفشة إرجع للى عملها تانى
شوف يا أخى ....الطنابير الخلفيه بتكون عباره عن حاجه كده شبه الصينيه ......ومن داخل الصينيه دى بيكون موجود قبقاب فرامل (واخد شكل منحنى من الخارج لكى يتناسب مع طنبور الفرامل الخلفى ويمسك عليه ساعة الفرمله )........*** كل طنبور من الخلفيين بيكون مركب داخله قبقابين على جانبيه .....وبينهما سوسته وماستر فرامل الفرده دى مثلا ...........*** وقت الضغط على الفرامل ....ماستر الفرامل ده بيفتح القبقابين للخارج حتى يتم التلامس والتماسك بينهما وبين الطنبور من الداخل علشان يكلبش الفرده دى......................*** السوسته اللى بين القبقابين طبعا بتتشد وتفتح فى الحاله دى (اللى أنت دايس فيها فرامل )*** وطبعا مع رفعك للرجل من على الفرامل ....السوسته دى بتلم القبقابين للداخل علشان تسيب الطنبور فى حاله ...وميبقاش فيه حمل على الفرده..........._ طيب نفترض الراجل ركب السوسته دى أى كلام وأنت بتغير تيل مثلا ....أو السوسته دى أنكسرت ....هنا مفيش حاجه حتخللى القبابين يتلموا لداخل الطنبور .....علشان لسه برضه الماستر فيه زيت (بس ضغطه قليل غيرطبعا لما تكون دايس فرامل )........يبقى السوسته لو جرالها أ ى حاجه الفرده حدخن معاك وانت ماش وتسخن الفرده أحلى تسخين والتيل حيبوظ ...............تمام كده