العجلة طلعت دخان

**wardet** · 16-03-2009 03:56 PM

كنت بظبط الفرامل
فالميكانيكي ظبطها وزود الزيت وسحب الهوا وكله تمام
المهم مشيت ورحت مشوار وبعد ما وقفت لقيت ريحة مش كويسة طالعة من الكاوتش اليمين اللى ورا ولقيته سخن جدا
حطيت عليه ميه لقيته قام مطلع دخان بطريقة فظيييعة
مش عارف دا بقى من ايه

**aYaBooY** · 16-03-2009 04:01 PM

سيبك من الميكانيكي روح لحد بتاع فرامل هيا كدة محتاجة رجلاش

**ahmed1981** · 16-03-2009 08:55 PM

ممكن يكون رجلش الفرامل الخلفية زيادة
إرجعله يظبطهالك تاني

**wardet** · 16-03-2009 09:51 PM

هو انا قلت كدا برضه يا استاذ احمد لانى فكيت العجلة ولقيت الطنبورة هى اللى سخنة وبتطلع دخان
بس سيبتها تبرد ومشيت بيها وكل شوية ابص عليها الاقى كله تمام

**samirayad** · 16-03-2009 10:03 PM

لازم تروح لواحد عفشجى كويس ....يكشف على سستة أرجاع قباقيب فرامل الطنبوره دى ....لأن واضح أن السسته مفكوكه والقباقيب ماسكه على الطنبوره......وممكن تكون السوسته مكسوره برضه

**sherothebest** · 17-03-2009 10:27 AM

طالما السخونية وصلت لدرجة الدخان يبقى يستحسن برضه تراجع على جلد الماستر بتاع العجلة دى ليكون باظ من السخونية

**MMamdouh** · 17-03-2009 10:45 AM

المشاركة الأصلية كتبت بواسطة ahmed1981

ممكن يكون رجلش الفرامل الخلفية زيادة
إرجعله يظبطهالك تاني

+1

MMamdouh

**lancerevolution** · 17-03-2009 08:15 PM

ممكن يكون بخار المية
بس السخونية دى أكيد الفرامل قفشة إرجع للى عملها تانى

**samirayad** · 17-03-2009 09:09 PM

المشاركة الأصلية كتبت بواسطة wardet

شكرا ًَ يا جماعة
بس ممكن توضيح اكتر يا استاذ سمير؟؟
ودا من ايه؟؟

شوف يا أخى ....الطنابير الخلفيه بتكون عباره عن حاجه كده شبه الصينيه ......ومن داخل الصينيه دى بيكون موجود قبقاب فرامل (واخد شكل منحنى من الخارج لكى يتناسب مع طنبور الفرامل الخلفى ويمسك عليه ساعة الفرمله )........

*** كل طنبور من الخلفيين بيكون مركب داخله قبقابين على جانبيه .....وبينهما سوسته وماستر فرامل الفرده دى مثلا ...........

*** وقت الضغط على الفرامل ....ماستر الفرامل ده بيفتح القبقابين للخارج حتى يتم التلامس والتماسك بينهما وبين الطنبور من الداخل علشان يكلبش الفرده دى......................

*** السوسته اللى بين القبقابين طبعا بتتشد وتفتح فى الحاله دى (اللى أنت دايس فيها فرامل )

*** وطبعا مع رفعك للرجل من على الفرامل ....السوسته دى بتلم القبقابين للداخل علشان تسيب الطنبور فى حاله ...وميبقاش فيه حمل على الفرده...........

_ طيب نفترض الراجل ركب السوسته دى أى كلام وأنت بتغير تيل مثلا ....أو السوسته دى أنكسرت ....هنا مفيش حاجه حتخللى القبابين يتلموا لداخل الطنبور .....علشان لسه برضه الماستر فيه زيت (بس ضغطه قليل غيرطبعا لما تكون دايس فرامل )........يبقى السوسته لو جرالها أ ى حاجه الفرده حدخن معاك وانت ماش وتسخن الفرده أحلى تسخين والتيل حيبوظ ...............تمام كده