عن السيينا الجديدة

**maxayma** · 16-03-2009 04:18 PM

السلام عليكم ياجماعة انا عندى استفسار ياريت الناس اللى فاهمة فى سوق العربيات و الاسعار تفيدنى انا معايا حوالى 40000 ج و كنت بفكر اشترى السيينا مستعملة بالرغم انى عارف ان مافيش احسن من الجديد بعد كده عرفت ان سعرها جديد نزل لحد 64000 ج
الفكرة بقى انى عايز اجيبها جديدة بس المشكلة انى لو هشتريها دلوقتى هتكون قسط و فوايد بعد كده لقيت الحل انى استنى على اخر السنه اكون كملت التمن و اشتريها كاش و كده اكيد احسن جديد و كمان كاش

السؤال بقى هى هتكون موجودة على اخر السنة مع العلم انها اصلا موديل 2008 و بعدين انا سمعت ان مافيش منها تانى الان المصنع الصينى اللى بينتج اللى نازلة مصر بعد كده هينزل قطع غيار بس يعنى تفتكروا هتكون خلصت او تكون لسه ماتبعتش و سعرها نزل فالوكيل هيشلها من السوق لان زى ماقولت هى دلوقتى ب 64000 ج

ياريت ياجماعة الناس اللى متابعة العربيات و نظام السوق ترد................وشكرا للجميع

**motoxp** · 16-03-2009 05:20 PM

انا معايا سيينا 2001 1400 سى سى ممتازة والله فى كل حاجة
اهم حاجة فى المستعمل الحالة ثم الحالة
انا بتاعتى فبريكة بره و جوه
ابحث عن واحدة زيها و توكل على الله انا كنت فى حيرتك ده بالضبط و الحمد لله خلاص القرار صح بنسبة 100% و العربية كل قرش فيها حلال الحمد لله هى احسن من اكسنت و اكسيل ودايو وشكرااا
اى خدمة

ابعد عن السيينا الجديدة مش منتشرة اوى مش عارف ليه
لو عاوز جديد عندك : افيو - بونتو كلاسيك - سيريون 1

**maxayma** · 17-03-2009 03:13 PM

اولا شكرا على رد حضرتك بس انت ليه بتقول ابعد عنها هى علشان مش منتشرة هو دا معناه انها وحشة طب مع العربيات الصينى مغرقة البلد هل دى معناه انها حلوة بالرغم ان كل الناس بتشتكى منها وشكرا مرة تانية و انا مجرد بحاول افهم لانى مش عندى خبرة فى موضوع العربيات