أنا هكون موضوعى فى ردى من خبرة حوالى 7 سنين مع الميجان....طبعا لازم نصنف أولا القطع اللى راكبه فى العربية علشان نقدر نقول معمره و لا لأ و كمان تقييمها فى رأى الشخصى.
1-فيه قطع العفشة الميكانيكية و دى ليها علاقة بطريقة السواقة و نوع الطرق اللى بتسوق فيها و صيانة العربية الدورية...أعتقد الميجان تاخد فيها حوالى 7.5 من 10...العربية طبعا مريجة جدا جدا فى السواقة و السفر و عالية و ثابتة و لكن كتير أشتكوا من مشاكل قى العفشة عند حوالى 50 ألف كيلو أكتر أو أقل مثل البطاحات و التيش و عامود الدركسيون و قواعد الموتور و خلافه.....
2-فيه قطع ميكانيكية أخرى ملهاش دعوة بطريقة سواقتك و لا بالشوارع اللى بتسوق فيها...زى طرمبات البنزين و الزيت و الرادياتير و دى نقدر نديها 8.5 من 10
3- موتور...10/9
4-جيربوكس 8/10 علشان نتشة التانى و السولونويد فالف و motor braking....لكن تجميعه مع الموتور حلو و سحبه لطيف بالنسبة لوزن العربية.
5-حساسات و قطع كهربائية و إلكترونية 6/10 زى الكويلات و حساسات العربية بشكل عام
6- صالون داخلى و أوبشنز 9.5/10
7-شكل خارجى للعربية 9/10
8-جودة تقفيل و خامات 9/10
بعد 7 سنين مع ميجى و لسه مزهقتش منها من ناحية الشكل، مش حاسس أن فيه أوبشنز كتير نقصانى، مش بحس بفرق كبير بين موديلها و بين موديلات 2013 لأنها كانت سابقة عصرها.
مدى رضائى عنها بحلاوتها بمشاكلها بسلاطتها ببابا غنوشها 9/10
المفضلات