الى عاوز يفلت من المرور .....!!

**KIA_SEPHIA_2001_K** · 16-03-2009 08:34 PM

السلام عليكم

ازيكوا يا جماعه اتمنى للجميع الصحه الدائمه

انهارده يا جماعه حصل موقف جامد اوى فى الميكروباص :k36:

خلانا فطسنا على نفسنا من الضحك وطبعا مكنش ساعتها

فى كلام يتقال غير يا نهار ابيض والدنيا باظت والخ...

والحكايه عشان مطولش عليكوا نازل من بيتنا رايح

الكرص عشان اشوف النتيجه وطبعا كالعاده مفيش عربيات والحمد لله الواحد ربنا كرموا وركب ركب مع سواق تقولوا وكيل نيابه ومركب جمبوا بنتين ما علينا

الراجل من ساعت ممشى بالعربيه مديها سلامات مع عساكر المرور والدنيا تمام

وجينا متجهين عند الى التحرير ونزلين على المحور من الدائرى

ديما المنزل بيكونوا موقفين فيه عربيه ونش وظابط وعسكرى وانهارده كمان كان الدنيا منغمه يظهر كان فى حد معدى ما علينا

فجاءه لقينا سواق الميكروباص وقف ورى عربيه ملاكى كان العسكرى وقفه اومدى رخصها للظابط وركن جه الدور علينا السواق وقف وسلم على العسكرى

السواق : صباح الفل نهاروا ابيض

العسكرى : صبح صبح وباسوا بعض

والظابط واقف عادى راح السواق فك الحزام وراح مطلع حشيش من الجيب وبيديها للعسكرى

وبيقولوا اضرب ديه وادعيلى هتعملك احلى دماغ تخيلوا انتوا لمنظر والالفاظ الى طلعت من كتر الاستغراب من الناس الى راكبه ولما السواق مشى طبعا تعليقات على السواق ايه ده علنى كدا وكان رد السواق اصلوا كان موصينى على حته قلت اجبلوا

ومشينا طبعا والكل بيضحك وجه عند سلم السودان وواحد عاوز ينزل فقلوا لو فى عسكرى واحد هقف ادام شوية الراجل بكل ضحك وليه متديلوا حته حشيش وقف

شوفوا يا جماعه العمليه بقت ماشيه ازاى بفكر اعمل حسابى فى الحجات ديه لوقت زنقه

وانا راخر لما بكون راكب العريبه ديما بسمع من الظاط والعساكر مفيش اسطباحه وانا معرفش اصلا يعنى ايه بس برد واقول لا فى اسطباحه ولا اى حاجة يقوم ممشينا بس امبارح بس عرفت

الظباط والعساكر بقوا يوقفوا عشان عاوزين حشيش مش رخص
هل الحكومه يا جماعه صرحت بتداول الحشيش بين الشعب المصرى

**ابو فرح** · 16-03-2009 08:43 PM

مهو الحشيش ده الابونيه

**A.Saad** · 16-03-2009 09:37 PM

لا صرحت بتداوله بين افراد الشرطة

**eslam_wega** · 16-03-2009 09:53 PM

بس كدة العسكرى هيضيع هيشوف التاكسى مكروبس
والاتوبيس ملاكى
والفسبا موتسيكل ههههههههههه

**lonedoctor** · 16-03-2009 09:58 PM

حسبى الله ونعم الوكيل

**محمد فريد** · 16-03-2009 11:29 PM

حسبى الله ونعم الوكيل
هى البلد دى مش هينصلح حالها!!!!!!!!!!!!!

**SeiffoZ** · 16-03-2009 11:37 PM

ربنا يستر علينا ...
محدش عارف الأيام الجاية ممكن يكون فيها إيه

**karmoty** · 17-03-2009 12:06 AM

حسبي الله ونعم الوكيل إذا كان الضابط بيعمل كده أمال العساكر بتعمل ايه بقه؟!
لا حول ولا قوة الا بالله
عشان كدة الضباط بيوقفو الناس وهما ماعليهمش حاجة ويخدو رخصهم كمان
معذورين اصلهم من قوة الاصطباحة ما بيبقوش شايفين هههههههههه