يا ساتر يا رب الحمد لله
عرض للطباعة
يا ساتر يا رب الحمد لله
قدر الله وما شاء فعل ، قول الحمد لله انها جت على قد كدة.
قضا اخف من قضا يا اخ فهد و قول دايما عن اقناع قدر الله و ما شاء فعل
و دي بتبقي ابتلاءات و اختبارات ربانية لقياس مدي قوة صبرنا و ايماننا بالله وقت الشدائد و بتيجي علي الواحد فترة تلاقي العملية ملطشة معاك و ما تعرفش ايه السبب الا لحكمة لا يعلمها الا الله عز وجل
يعني انا مثلا بقالي فترة من ابتلاء الي ابتلاء بداية من اصابتي بدور التهاب في الاذن الوسطي ربنا ما يكتبه علي حد من الحبايب ابدا و في نفس يوم اصابتي و نظرا لان الدور بيسبب عدم اتزان وقع مني الموبايل في حوض الحمام غصب عني و تلف و باظ و ضاعت كل البيانات اللي كانت عليه اللي تعتبر روحي و عقلي و الحمد لله علي كل حال و بعد كده اصابة مالك ابني بدور التهاب حاد في اللوزتين بما فيه من قيء و اسهال و سخونة و ضروس زوجتي ايضا يعني ابتلاء عام لدرجة ان والدتي التي لا تعتقد ابدا في العين و الكلام ده اخبرتني اني اتنشيت عين محترمة لانها شايفاني والله علي قد ما بقدر ما بعملش حاجة تغضب ربنا ابدا
فلتصبر و لتحتسب
محمد فهمي
محمد فهمي
اسلام
مساء الخير يا باشا
الاول قدر الله و ما شاء فعل و فداك و الحمد لله و بعدين العين تعمل اكتر من كدة و انا كمان اول ما جبت العربية موتيسكل دخل في الاكصدام من ورا و اتكلف اياميها 2000 جنيه تغيره و دهانه و الحمد لله انها جت علي قد كدا بس اهم حاجة تكون دبحت لما جبت العربية و وزعت علي الغلابة و المساكين
و ربنا يكفينا جميعا كل شر
الف حمد لله علي سلامتك ...انت اولا....
اما عن العربية فما يهمكش ....قضا اخف من قضا....
وعموما او قابلت حد ومدحلك قوي في العربية ....وما ذكرش الله ....ابقي فكرة انتي وقول "ما شاء الله لا قوة الا بالله " ....دة مش عيب ولا حرام ....ولو في ناس بتشوف ان دة محرج ....بس لاحياء في الدين .....
دايما ابقي اذكر الله ...قبل ما تتحرك بالعربية.....وشغل فيها شرايط قرآن من وقت للتاني ....وياريت تبقي تغطيها ...
وعموما كل شيء بقدر....ولكن دي اسباب ....للحفاظ علي اي شيء من العين ......
وعلي فكرة الانسان ممكن يعين ....نفسة ...." ولولا اذ دخلت جنتك قلت ما شاء الله لاقوة الا بالله"
وعلشان كدة الرسول صلي الله علية وسلم امر بان ايلي يشوف من مالة او اهلة او ولدة ما يقر عينة ...انة يقول كدة خشية ان هو بنفسة يعينهم....
ووقانا الله واياكم جميعا شر الحاسدين والحاقدين.....
حمد الله على سلامة العربية و الله طلعت حلوة و مش باينة قوى ده انجاز. عملتها بالمياه السخنة ولا على السخن ؟؟ الحمد لله أزمة و عدت.
إسلام الحمد لله صلح الأكصدام والشنطة ومعقولة جدا الحمد لله..
لكن واحد صاحبه ربنا يسامحه خد العربية فى المقابلة يجربها وبعدين فاته ملف بعشرة متر والملف اللى بعده مجهول فقال يرجع ال10 متر دول فخبط فى حجر بره الرصيف تماما وانخلعت الدلاية الشمال ، إسلام الحمد لله متهورش على صاحبه الغلبان وقعدوا يصلحوها سوا فى المقابلة على ضوء كشاف صاحبه علشان الدنيا كانت ضلمت..
ملطشة اليومين دول معاه.. بس برضه الحمد لله ، كلها حاجات بسيطة..
نسيت أقول لكم إن صاحبه دا هو أنا :mrgreen:
ربنا يصبرك يا اسلام انا بهدي النفوس :) بس فعلاً الخبطة بعد ما اتردت مش واضحة.
أنا كمان لحظت نظرة مش عاجباني من دكتور أحمد ليك يا إسلام
أنا بهدي النفوس بس السن بالسن و العين بالعين و البادي أظلم :D :D
ماتستعجلش أنا لسه ماخلصتش الحكاية..اقتباس:
أنا بهدي النفوس بس السن بالسن و العين بالعين و البادي أظلم
ما هو ربنا مابيسبش حد..
أنا نسيت فى عربيته الصاعق بتاعى !!!!! :cry: :cry: :cry: