ماهو الصاعق الا ب900 او 1000
وماهو الباركينج سينسور
والا قيه فين وبكام
وشكرا لكم
عرض للطباعة
ماهو الصاعق الا ب900 او 1000
وماهو الباركينج سينسور
والا قيه فين وبكام
وشكرا لكم
الباركينج سينيور ده عباره عن و سيله مساعده للسائق و هوه بيركن العربيه و راجع بيها لورا. علاره عن حساسات بتتركب في الاكصدامات ورا متوصله بشاشه اما السائق بتديله المسافه بينه و بين اي جسم وراه (عربيه راكنه وراه مثلا) في مده من حوالي 130سم لغايه 30سم.
موجود في محلات كتير في شارع دمشق و سعره من 180 لأ 350 جنيه حسب نوعه و عدد الحساسات (2و 3 او 4)
حضرتك تنصحنى بنوع أيه وبكام وأركب عند مين وشكرا
وكل عام وحضرتك والمنتدى كله بخير وشكرا
وما هى كيفية التوصيل وهل هناك لعب فى الكهرباء وشكرا
واين توضع الشاشة فى التابلوه
معلش انا بتقل عليك بس جديا انا عايز اركبه بكره ان شاء الله
واين توضع الحساسات خلف الا كصام ام عليه
ارجو التوضيح ايضا ماهو الصاعق وشكرا
الصاعق هو جهاز للدفاع عن النفس فى حجم ماكينة حلاقة الشعر وفى مقدمته زى مسمارين غير مدببين ، لما تضغط على الزرار بتاعه بيدى شرارة بين المسمارين من 10 - 20 ألف فولت بصوت عالى جدا ولو كان لامس بنى آدم فى الوقت ده البنى آدم دا بينط وينزل ساكت - مغمى عليه أو بينط ويكمل نط بعيد عنك ، والجهاز مالوش أى علاقة بالسيارات لو حضرتك مثلا فاكره بيركب على بوز العربية... والله فكرة لو بيركب على بوز العربية وتصعق بيه الميكروباصات وللا أى حد يغلس عليك من الأمام... نفكر فى الموضوع ده.
اه والله فكرة نركبه على العربية عشان لما ييجى حد معاه موس حلاقة ولا مفك ويحاول يجرح العربية
يطب ساكت ميقومش ولا يصوت ويحرم ييجى جنب العربية .....يا سلام يا دكتور فكرة جنان هايلة احييك عليها
وبالنسبة للباركينج تنصحنى اجيبه واركبه ولا اه رأى حضرتك
وعايز اعرف احسن نوع بكاميرا بكام وفين عشان اتظبطت كتير من موضوع الركنات ورا
وكل شويه طاخ طوخ ورا فى الا كصدام
:lol: :lol: :lol: :lol: :lol:اقتباس:
اه والله فكرة نركبه على العربية عشان لما ييجى حد معاه موس حلاقة ولا مفك ويحاول يجرح العربية
يطب ساكت ميقومش ولا يصوت ويحرم ييجى جنب العربية .....يا سلام يا دكتور فكرة جنان هايلة احييك عليها
الفكرة دى فكرتك ياباشا.. أنا فكرتى كانت ضد الميكروباصات أنما فكرتك أفضل وضد الخدوش..
والله المنتدى باين عليه مليان عباقرة :idea:
إحنا نعمل عنبر للعقلاء :shock: قصدى منتدى للعباقرة نقول فيه آخر أختراعاتنا وأفكارنا الجهنمية جايز شركة تتعاقد معانا وللا حاجة.. طبعا غير فرع الشركة اللى فى العباسية..
ممكن يا استاذ علي تجيب قماش و تبلها ميه و تحط عليها ترابه ناعمه و باكد الكلمه ترابه ناعمه مش خشنه علي القماشه المبلوله و تدعك البويه اللي لازقه علي عربيتك و باذن الله حتطلعاقتباس:
انا بردة لسه واخد حكة فى الجنب اليمين لدرجة ان البوية بتاعة العربية الثانية لزقة فى العربية عندى بس الحمد لله
الحمد لله يا اسلام قدر الله ما شاء فعل ولعلمى بان حضرتك من الناس الخدومة والمتعاونة أحزننى لما عرفت موضوع الإكصدام لكن الحمدلله انا شايف انه اتصلح وباه كويس هو صحيح السمكرى صلحه عن طريق المياة السخنة
عموما يا اسلام انا عايز اقولك انك انشط عضو فى منتدى الميتسوبيشى وانا استرشدت برايك لما جيت اشترى وواضح ان كل الأعضاء فعلا بياخدوا رايك فيما يتعلق باللانسر وعلشان كده انا بفكر نطلق عليك رجل اللانسر الأول
ياباشا الله يكرمك ويبارك فيك إحنا كلنا هنا إخوات مع بعض وأنا تحت أمرك في اي شيء
موضوع الرجل الأول للمتوبيشي ده كبير علي قوي وبعدين العين متعللاش على الحاجب الرجل الأول للمتوبيشي هو كبيرنا وحبيبنا الدكتور أحمد عبد الغني ربنا يخليهولنا .