عايز حد يقولى الكلام دة صح ولا غلط بخصوص الكاوتش

ياجماعة الراجل بياكدلى ان الكاوتش(النانكانج)احسن من البريدجستون(gr-80 turanza) وبيقول علية ناشف وانة كان معاة بى ام 530 2008 وكان فيها بريجدستون مقاس 16 run flat tires معقدش معاة غير 20,000 كيلو بس وتخيل بقى جاب اية جاب الكاوتش دة هل فعلا النانكانج احسن من البريدجستون ولا اية انا احترت انا هاجيب الكاوتش خلال يومين ياريت حد يفيدنى عشان خلاص كل ماثبت على حاجة واحد يلغبطلى الدنيا كلها والمشكلة ان الراجل دة موزع للكاوتش يعنى مش واحد وخلاص
وبيقولى ان الكاوتش دة بيقعد 60,000 كيلو وتمنة بالتركيب ونفخ نيتروجين ب300 جنية للفردة والفردة تايوانى مقاسها 14 195/60 h82 انتاج اخر 2008 يعنى تقريبا الاسبوع 35 يعنى الفردة لسة ماتخزنتش اوى ياريت الافادة وحد مجرب الكاوتشين ويقول رأية بصراحة وبدون تحيذ

لو يهمك عمر الكاوتش الأطول على حساب الثبات.. هات النانكانج.

أنا أول مره أسمع عن النوع ده أساسا فى بريدجستون اليبانى طبعا فى ميشلان فى هنكوك فى كمهو فى بريللى فى جود يارد لكن نانكانج ده مسمعيتش

وممكن أقول ان أفضل مكان تجيب منو بعد المكان الأصلى للصنع هو الصنع الأندونيسى محترم

انا بس مستغرب من حاجة، العربية اللى بتشتغل على كاوتش run flat مبيبقاش فيها مكان للاستبن ، وبالتالى مينفعش صاحبها لما يغير الكاوتش يجيب كاوتش مهواش run flat ، وبرضه معتقدش ان نانكنج عندها run flat لأنها تكنولوجيا متقدمة ، يبقى فيه حاجة مش راكبة فى القصه

اقتباس:

---

المشاركة الأصلية كتبت بواسطة sab3aawy

انا بس مستغرب من حاجة، العربية اللى بتشتغل على كاوتش run flat مبيبقاش فيها مكان للاستبن ، وبالتالى مينفعش صاحبها لما يغير الكاوتش يجيب كاوتش مهواش run flat ، وبرضه معتقدش ان نانكنج عندها run flat لأنها تكنولوجيا متقدمة ، يبقى فيه حاجة مش راكبة فى القصه

---

عندك حق ياستاذ سبعاوى فى حاجة غريبى فى الى بيقولة

اقتباس:

---

المشاركة الأصلية كتبت بواسطة sab3aawy

انا بس مستغرب من حاجة، العربية اللى بتشتغل على كاوتش run flat مبيبقاش فيها مكان للاستبن ، وبالتالى مينفعش صاحبها لما يغير الكاوتش يجيب كاوتش مهواش run flat ، وبرضه معتقدش ان نانكنج عندها run flat لأنها تكنولوجيا متقدمة ، يبقى فيه حاجة مش راكبة فى القصه

---

اعتقد وجود مكان للاستبن من عدمه بيعتمد على فرش الشنطه و الفو اللي فيها... يعني ممكن لو اتغير يبقى فيه مكان للاستبن.
و فيه فعلا ناس بتغير الـ run flat بكاوتش عادي بسبب سعره المرتفع و صوته العالي. بس بصراحه معرفش نانكانج فيه run flat و لا لأ.

انا مركب نانكانج و لحد دلوقتى كويس... و ان كنت شايف ان طقم الGT اللى كنت مركبة قبل منة احسن شوية

MMamdouh

بريدجستون أو ميشلان

ياجماعة انا قولت اللى الراجل قالهولى بالحرف ولا جادلتة ولا ناقشتة فى حاجة انا ولا عندى بى ام ولا عندى run flat
وبعدين انا لسة راجع حالا من عند بتوع الكاوتش سالت من اول مدينة نصر لحد ش احمد سعيد فى العباسية كانوا حوالى 6 او سبعة كلهم قالولى النانكانج كويس جدا وعجلة محترمة اوى ومطلوبة كتير
واقولة الفرق بينها وبين البريدجستون يقولى الفرق فى حاجتين اول حاجة اسم شركة بريدجستون تانى حاجة هيعيش اكتر شوية من النانكانج بحوالى 10,000 كيلو وانا بعمل الالف كيلو فى حوالى شهرين يعنى استخدامى مش كبير بس بقى قالى حاجة غريبة جدا ان البريدجستون عجلة اخر سرعتها ماتعديش بيها 180 190 لكن النانكانج 210 بتبقى تمام مع العلم ان النوعين موجودين عندة يعنى مش بيقول كدة عشان يبيع وخلاص وكل اللى روحتلة قالى انا مش شايف فرق كبير وحرام يبقى فية فرق 200 جنية المفروض يبقى اقل من كدة
انا خلاص احترت ومش عارف والمشكلة ان عندى واحد صاحبى والله بيشتكى من البريجستون جايب اربع فرد ب2000 وبيقول عليهم ناشفين جدا جدا ويابانى
فدة اللى مقلقنى من البريدجستون
عشان كدة ياجماعة ان بس عايز حد يكون جرب الكاوتش دة لمدة كبيرة شوية وتكون عربية حديثة عشان اكيد بيفرق معها الكاوتش اوى لما بيكون حلو وكمان كل الناس شكرت فى ثبات العجلة وهدوئها على الطريق وعلى فكرة العجلة تحملها 86H يعنى تحمل عالى وحرارة عالية وكلهم قالولى الكاوتش دة سبورت ونقشتة حلوة وفية تقريبا ان كل عجلة بتركب فى اتجاة وهادى وثباتة جامد دة غير انة بيدعم الفرامل abs فى درجة التماسك وانا عندى فرامل abs فممكن ينفعنى اوى
دة كل الموضوع ومستنى الردود يارجالة وشكرا ليكوا جدااااااااااااااااا

اقتباس:

---

المشاركة الأصلية كتبت بواسطة semsem kane

ياجماعة انا قولت اللى الراجل قالهولى بالحرف ولا جادلتة ولا ناقشتة فى حاجة انا ولا عندى بى ام ولا عندى run flat
وبعدين انا لسة راجع حالا من عند بتوع الكاوتش سالت من اول مدينة نصر لحد ش احمد سعيد فى العباسية كانوا حوالى 6 او سبعة كلهم قالولى النانكانج كويس جدا وعجلة محترمة اوى ومطلوبة كتير
واقولة الفرق بينها وبين البريدجستون يقولى الفرق فى حاجتين اول حاجة اسم شركة بريدجستون تانى حاجة هيعيش اكتر شوية من النانكانج بحوالى 10,000 كيلو وانا بعمل الالف كيلو فى حوالى شهرين يعنى استخدامى مش كبير بس بقى قالى حاجة غريبة جدا ان البريدجستون عجلة اخر سرعتها ماتعديش بيها 180 190 لكن النانكانج 210 بتبقى تمام مع العلم ان النوعين موجودين عندة يعنى مش بيقول كدة عشان يبيع وخلاص وكل اللى روحتلة قالى انا مش شايف فرق كبير وحرام يبقى فية فرق 200 جنية المفروض يبقى اقل من كدة
انا خلاص احترت ومش عارف والمشكلة ان عندى واحد صاحبى والله بيشتكى من البريجستون جايب اربع فرد ب2000 وبيقول عليهم ناشفين جدا جدا ويابانى
فدة اللى مقلقنى من البريدجستون
عشان كدة ياجماعة ان بس عايز حد يكون جرب الكاوتش دة لمدة كبيرة شوية وتكون عربية حديثة عشان اكيد بيفرق معها الكاوتش اوى لما بيكون حلو وكمان كل الناس شكرت فى ثبات العجلة وهدوئها على الطريق وعلى فكرة العجلة تحملها 86H يعنى تحمل عالى وحرارة عالية وكلهم قالولى الكاوتش دة سبورت ونقشتة حلوة وفية تقريبا ان كل عجلة بتركب فى اتجاة وهادى وثباتة جامد دة غير انة بيدعم الفرامل abs فى درجة التماسك وانا عندى فرامل abs فممكن ينفعنى اوى
دة كل الموضوع ومستنى الردود يارجالة وشكرا ليكوا جدااااااااااااااااا

---

بتوع الكاوتش ميعرفوش حاجه فمتخدش على كلامهم. 86 H مش اعجاز و لا حاجه... و كده العجله اخر سرعتها 210 و اصلا مش هتلاقي حاجه اقل من الـ H

محمد ممدوح جرب الفرده و بيقول كويسه بس ال جي تي اللي كانت قبلها عاجباه اكتر. لو مش فارق معاك الفلوس هات البريدجستون... لو لو فعلا بتوصل لسرعه 210 و ده شيء متكرر عندك يبقى تجيب فرده V مش H لو مش كده و لا كده يبقى هات النانكانج و توكل على الله

شوف يا أخي الفاضل انا برضه محتار زيك كده بالضبط وهقلك علي كلام بتوع الكاوتش اروح لواحد يقلي ان الماكسيس كاوتش ممتاز وهو اللي بعد البريدجستون وبعد شويه يخلص من عنده الماكسيس ويجيب صفقة نانكانج ووقتها يقول ان النانكانج أحسن كاوتش بعد البريدجستون وبصراحة كل واحد برأي وكل واحد بيحب دائما يسوق سلعته عشان يجيب غيرها .
تجربتي انا بقي شاري العربية فيها كاوتش بريدجستون ياباني من سبعة شهور وعملت بيه حتي الأن 31 ألف كيلو متر رغم انه كان جايلي في العربية فيه فردتين خلصانين من انتاج 2004 وواحدة انتاج 2005 وواحدة مش لاقي عليها انتاج من الأخر علي حسب اللي كانت معاه العربية قبلي فيه كاوتش معايا دلوقتي شغال وعامل أكثر من 100 الف كيلو متر والفردة والله مشققة من جنبها ومازالت شغاله وبسافر بيه يوميا وانا عارف انه خطر بس الظروف مش مناسبة للتغيير وبفضل الله شغال حتي الأن ده ليه == لأنه بريدجستون ياباني والله أعلي وأعلم

لكن انتاج اليومين دول الياباني وغيره ما أعرفش ايه ظروفه عشان ما أفتيش وربنا يوفقك ولما تخلص من الموضوع ده قلي عملت ايه عشان انا كمان هغير كاوتش والله الموفق

خش على جوجل و اعمل سيرش على اراء المستهلكين لكل فردة من الفرد اللى ذكرتها... دة المفياس الحقيقى لكفائة الفردة

كمان البيانات اللى على الفردة هى العنصر الاساسى فى المقارنة... يعنى شوف رموز الtraction و الtreadwear و السرعة القصوى للفردة و قارن بينهم على هذا الاساس

اصل التاجر ممكن يقول اى حاجة عشان يبيع... و لو تفتكروا مجرة المية و مجرة الزيت اللى سمعتها قبل كدة

MMamdouh

اقتباس:

---

المشاركة الأصلية كتبت بواسطة MMamdouh

اصل التاجر ممكن يقول اى حاجة عشان يبيع... و لو تفتكروا مجرة المية و مجرة الزيت اللى سمعتها قبل كدة

MMamdouh

---

دا صحيح ..لأن دا بياع في الأول وفي الآخر وعايز يكسب وخلاص

بس إيه مجرة المية و مجرة الزيت دى؟؟
أصلى باحب أسمع تخاريف البياعين دى قوى

كنت عند الرومانى بشترى كاوتش و ملقيتش الموديل اللى كنت عايزة فا واحد من اللى شغالين جابلى فاردة شكلها غريب و اسمها غريب المهم قولتلة دى شكلها اى كلام فا رد و قال:

يا بيه دى احدث نقشة... دى فيها مجرة للمية و مجرة للزيت... طبعا مرضيتش اقولة ان فيه مجرة كمان لحاجة تانية مش حتعجبة

MMamdouh

اقتباس:

---

المشاركة الأصلية كتبت بواسطة MMamdouh

يا بيه دى احدث نقشة... دى فيها مجرة للمية و مجرة للزيت... طبعا مرضيتش اقولة ان فيه مجرة كمان لحاجة تانية مش حتعجبة

MMamdouh

---

ههههههههههههههههههههه
دا على اعتبار إن العربية "برمائية"

ياجماعة انا شاكر جدا لتعبكوا وانا اهم حاجة فى الاول وفى الاخر ثبات الكاوتش وهدوءة وانة يكون مريح فى المطبات حكاية بقى انة يعيش دة هيرجع لاستعمالى حتى لو كنت جايب كاوتش الفردة بالف جنية
وانا هاشوف وهاتوكل على الله واشوف بقى لانى بجد فى حيرة جامدة ومقلق اجيب كاوتش ويطلع تعبان واللى مقلقنى اكتر ان كل واحد عندة النوعين ويختارلى الاقل سعر اللى هو النانجانج وفية واحد روحتلة مكانش عندة دية ولا دية وشكرلى فى النانكنج وقالى كويسة وناس كتير بقت بتجربها هشوف كدة وربنا يسهل وهقولكوا انا جيبت اية عشان انا خلاص زهقت

شوفوا دة موقع لاختبار الكاوتش ان اتفاجئت الصراحة وياريت تركزوا على البريدجستون والنانكنج والROAD STONE

http://www.euroshina.info/en/tyres/Nankang

اخيرا جيبت الكاوتش وجيبت كاوتش نوعة soran وبجد انا جربتة
ولا مطب حاسس بية جيبت 100 كيلو وفرملت جامد الكاوتش مطلعش صوت والعربية كلبشت فى الارض والاهم من كدة الكاوتش مابيطلعش صوت اصلا. بجد حرام فرق الفلوس اللى بينة وبين البريدجستون ولسة كمان الكاوتش فى التجربة واى حاجة هاكتشفها هاقول عليها لانى بكرة ان شاء هاشوف ثباتة عامل اية على الطريق على سرعات عالية وربنا يستر ومانتقفش رادار

مقاسه و سعره و منين؟
و لو تعرف تصور نقشته

معلش ياجماعة الكاوتش اسمة sonar وانا كان عندى الجنط بتاع العربية الاصلى 60/185 14 وجيبتة 60/195 14
ولقيت حاجة غريبة شوية ان الغيار بقى بيطول مع وجود نفس سحب العربية او يمكن مخدش بالى اوى لانى بقالى فترة مش بجرى,تانى حاجة العربية صوتها راح تقريبا , بس لما الاربى م يبدا يعدى الخمسة صوتها بيعلى شوية وممكن افضل ماشى على التالت مثلا مسافة كبيرة من غير مانقل وصوت العربية بيبقى هادى بس مش قوى
فكنت عايز اعرف هل كدة عادى ولا كان لازم اجيب المقاس 55/195 وبعدين انا جربت انهاردة وجيبت اخر كل غيار كان الاول 70 والتانى 120 نفس اللى فاتت بالظبط بس تقريبا بقت بتيجى فى فترة اطول شوية مش عارف بقى هل لانى ماكبستش جامد ولا اية
ودلوقتى انا عملت طريقة حساب الكاوتش لقيت ان المقاس عندى كان 2.88 ودلوقتى بقى 23.36 فهل دة يقصر فى حاجة ولو قصر هيكون فى اية يعنى تسارع بس ولا قراية عداد غلط .بس انا حاسس ان كدة العداد اتظبط لانى الاول كنت بجيب مثلا 100 وممكن عربية جنبى تبقى جايبة اقل منى وتبقى ماشية جنبى والمشكلة انى حتى مش عارف مكان اجرب فية تقفيل عداد العربية لان طبعا كلنا عارفين الرادار بقى عامل ازاى يريت لو حد جرب الموضوع دة يقول عمل اية

نتيجة طبيعية لتركيب مقاس كاوتش غير صحيح

MMamdouh

معلش يا جماعه بمناسبة المقاسات دى انا عايز اركب كاوتش 135/70/13 على الجنط الاصلى والمقاس الاصلى عندى 135/13 ينفع ولا لأ

انت لغبطتنا خالص
العجل السونار دة يعنى اصلة اية

منك نستفيد

شوف ياباشا دة عجل تايوانى بس والله لما ركبتة جامد جدا انا الراجل ركبلى الكاوتش ورش المساتر بتاعة الفرامل وركبلى بلوف نيكل وركبلى علامة هوندا على كل جنط وعمل ترصيص للعجل ونفخ العجل نيتروجين وحطلى على العجل الملمع بتاعة وعشان انا اعرفة وكمان جيبتلة حد يعرف صاحب المحل جامد فكرمنى فيهم واداهملى ب300 الفردة وركبتة ومادفعتش فلوس الا لما جربت وبصراحة الراجل كان عندة حق فعلا لما قالى البريدجستون وحش مع انة كان عندة ونفس المقاس وكان هيبقى مكسب لية لانة كان هيدينى الفردة ب540 جنية وانا كنت قايلة عايز حاجة جامدة ومش مشكلة الفلوس وبعدين كمان ورانى كاوتش البريدجستون مستعمل بالجنوط خارج من عربية مرسيدس ومكملش الكاوتش 40 الف كيلو وكلة مشقق هو والميشلان وورانى فردة زى بتاعتى عاملة بردة حوالى 40 الف والله مافيها الهوا وانا لسة بجرب
هو لحد دلوقتى مافيش اصلا صوت للعربية ولا حتى صوت للفرامل على سرعات العجلة فى المية مع الabs عندى عاملين شغل جامد ثبات ممتاز بس انا لحد دلوقتى ماجيبتش اكتر من 120 بس كان فى النفق وعادى جدا وانا بردة بجرب الكاوتش وبشوف وخلى بالكوا هو لسة جديد
بس مش عارف حاسس ان العربية اتغيرت فى العزم بقى الغيار بيطول بس اتظبطت لانى كدة ببقى فعلا حاسس انى جايب مثلا 100 بيبقى هما ال100 الاول كنت بجيب 100 وعربيات تانية كانت بتجيب 80 وبتعدينى دلوقتى لأ . انا بس اللى خايف منة حاجة واحدة ان يكون العداد يكون مأخر مثلا 10 كيلو وهى تبقى ماشية 10 كيلو اكتر فعايز اعرف لو فية طريقة اعرف بيها او اظبط بيها العداد يبقى تمام وانا لو فية اى حاجة فى الكاوتش هاقول على طول وعلى فكرة هو طرى جدا جدا جدا جدا فى المطبات

ادخل الموقع ده:

http://www.miata.net/garage/tirecalc.html

هتكتب المقاس الاصلي للكاوتش و الجنط... و المقاس الجديد.. و هيطلعلك فرق قرايه العداد.

انا الحمد لله اتاكدت انهاردة ان دية قراية العداد الصح والاول ماكنش العداد بيقرا صح لان العربية اتظبطت جامد جدا الحمد لله ودة كمان المقاس اللى موجود عندى فى الكتالوج وشكرا ليك جدا ياباشا وعلى مجهودك بالنسبة لموقع قراية العداد شكرا

انت اشتريت الكاوتش ده من عند مين وعنوانه ايه بالضبط وجزاك الله خيرا

محل اسمة عمرو الجميل فى عابدين مشهور جامد جدا

شوف انا مركب عندى النانكينج من خمس سنين وشغال زى الفل ولسه ممكن يعيش معايا سنة كمان مع ملاحظة ان انا عديت السبعين الف كيلو

اقتباس:

---

المشاركة الأصلية كتبت بواسطة hossam_elwani

شوف انا مركب عندى النانكينج من خمس سنين وشغال زى الفل ولسه ممكن يعيش معايا سنة كمان مع ملاحظة ان انا عديت السبعين الف كيلو

---

يعنى نركب نانكينج وخلاص وكمان هو بالنسبه للميه ثابت ومع الفرامل نظامه ايه والملفات والسرعات العاليه انا روحت للراجحل وقالى مودلين منه وقالى دول جامدين وكده
http://www.nankang.com.tw/files/Prod.../PD_Pic/1s.jpg


والثانى ده

http://www.nankang.com.tw/files/Prod.../PD_Pic/6s.jpg

الاول الفرده بى 540 والثانى بى 525 ياترى انهى احسن مع العلم انى بمشى بسرعه كبيره يعنى 150 وانت طالع حسب الطريق

يا باشا مع احترامى للجميع انا كان راكب عندى بريدج ستون بصراحه بيعيش لدرجه انك تزهق منه بس حجر وكنت بخاف منه فى السرعه كان اخره 160 معايا اما دلوقتى جبت نوع عجيب اسمه جنرال صناعه سلوفاكيا مش هتصدقنى ملوش حل بس معرفش هيعيش ولا لا بجيب بالعربيه 200 ... اليابانى غالى عشان بيعيش واسم بس عندك الكورى كويس هانكوك وجى تى والميشلان ناعم اوى الاسبانى حلو

يا باشا مع احترامى للجميع انا كان راكب عندى بريدج ستون بصراحه بيعيش لدرجه انك تزهق منه بس حجر وكنت بخاف منه فى السرعه كان اخره 160 معايا اما دلوقتى جبت نوع عجيب اسمه جنرال صناعه سلوفاكيا مش هتصدقنى ملوش حل بس معرفش هيعيش ولا لا بجيب بالعربيه 200 ... اليابانى غالى عشان بيعيش واسم بس عندك الكورى كويس هانكوك وجى تى والميشلان ناعم اوى الاسبانى حلو
28-02-2012 12:35 am

ahmed_zamalek7
الموضوع قديم
ارجع لاستاذ / سامح يقولك تجربته
بس فيه اعضاء تانيين لم يشكروا فيه