كولت 1800

**khaledsamy** · 17-03-2009 04:43 PM

أنا عندى كولت ميراج 1800 طول عمرى مستريح فيها من سرعنها و معدل استهلاكها للبنزين
فجأة كل حاجة اتغيرت
السراعة لا تزيد عن 170 بلعافية مع العلم انها كانت بتجيب اكتر من 200 فى كلمة
و استهلاك البنزين بقى صعب قوى
و فلبى مش مطاوعنى ابعها
حد عنده حل ؟

**ahmedsrs** · 17-03-2009 07:00 PM

فصل الموضوع اكثر نوع العربية , العطل , الصيانة

**original** · 17-03-2009 07:53 PM

اكشف على الفتيس وشوية صيانة يعنى إعمل اللى عليك..

**محمد فريد** · 17-03-2009 08:53 PM

لا تبيع ايه هو كل واحد يزهق من عربية يبيعها يا راجل؟

انت محتاج تغير فلتر بنزين وتنظف كربراتير - البوجيهات أخبارها ايه بقالها قد ايه متغيرتش؟ سلوك البوجيهات سليمه؟ نظف فلتر الهواء او غيره لو متسخ أوى - الزيت بقاله اد ايه؟ - الاحتمال الأخير اسطوانة وديسك

شيك على اللى فات وقولنا.

**khaledsamy** · 15-04-2009 02:16 AM

عملت سيرفيز للفتيس
هيا اوتوماتيك و إنجيكشن فا مافيش مشكلة الديسك او الكربراتير
معنديش اسلاك بوجيهات
كنت مركب بوجيهات اريديم و شيلتاها و ركبت دنسو
الزيت شل الأصفر و بغير الفلتر كل مرة
انا محتار ؟!!!

**samirayad** · 15-04-2009 08:40 AM

هيا اوتوماتيك و إنجيكشن

فى الغالب المشكله حتكون بسبب تأثر بسيط فى أداء الفتيس الأوتو......والحل نظافة أو تغيير فلتر الفتيس أذا كان الفلتر خارجى .......أو الكشف عليه (الفلتر)....وتغييره بعد حل كرتيرة الفتيس اذا كان داخلى.....وياريت لو تغير الزيت كمان وتظبط المنسوب كويس.........وبرضه لو تقدر نظف سربنتينة زيت الفتيس..........وكله حيبقى تمام ......وأعتقد موضوعك مش حيخرج عن كده...............وربنا يكرمك وتكره السرعه الزايده برضه

معنديش اسلاك بوجيهات

بس عندك أسلاك بوجيهات برضه.....أمال الشراره حتروح للبوجيهات أزاى من البوبينا