تسلم بجد
وربنا يكتبها لنا
تسلم بجد
وربنا يكتبها لنا
جزاك الله خيراً صاحب الموضوع
- مكه :نصيحة لكل من يبقى فى مكة أبتعد عن الشراء و التعامل مع الناس يعنى خليك فى حالك واشترى أكلك وشربك وبس و لو مش بتصلى أو بتطوف أو بتدعى خلي محل نظر عينك جهة الكعبة لأن النظر إليها بثواب و عيش وتخيل كرم ربنا عليك وتذكر ماكان عليه هذا المكان قبل الأسلام و أماكن سجود الحبيب صلى الله عليه وسلم .
- المدينة : مش هضيف كتير لكن أحرص على زيارة جبل أحد و مسجد قباء و ذوالقبلتين و كمان مقابر الشهداء سيدنا حمزة.
- نصيحة هامة : مع كل صلاة فى الحرمين خصوصاً الفجر بيكون فيه صلاة جنازة و أيضاً بيكون فيه دفنة فى البقيع فأحرص على أن تصلى و تمشى خلف المتوفى و تحضر الدفن .
جزاك الله خيراً
العضو الفاضل صاحب الموضوع جزاك الله خير وجعله الله في ميزان حسناتك....
نصيحه من واحد عاش 9 سنين في المدينه المنوره وفتره في مكه ...ابعد عن الشراء من مكه وخاصة في موسم العمره والحج ..وخاصة الالكترونيات زي الموبيلات وخلافه ...لانها درجه تانيه وبها عيوب واغلى من اسعارها العاديه بفرق مش بسيط ...لو عايز تشتري ممكن تخصص نص يوم وتنزل جده تشتري منها كل اللي انت عايزه لانها مدينه رائعه وبها كل المتطلبات وبجوده عاليه واسعار رخيصه جدا مقارنه بمكه ...وممكن تشتري من المدينه المنوره لكن مش زي جده ...وفي اماكن في المدينه ممكن تزورها زي مسجد القبلتين اللي حصلت فيه حادثه تحويل القبله ...والسبع مساجد....وهناك ايضا المنطقه التي دفن فيها سيدنا حمزه بن عبد المطلب في بطن جبل احد وده موقع اثري ترى من خلاله موقع غزوة احد
تمام ...
الله يكرمك
الموضوع ده مهم جدا وثوابه عظيم
يمكن في مكة بيكون مكان المقابر بعيد عن الحرم
لكن في المدينة ... الدفن بيكون في البقيع .... يعني بجوار المسجد النبوي
لو عاوز تحضر دفن
.... احرص ان تصلي قرب باب البقيع ( بجوار قبر الرسول عليه الصلاة والسلام ) او صلي في الساحة بجوار باب البقيع من الخارج
و بعد الجنازة ح تلاقي الجنازة واقارب المتوفي بيخرجو من باب خاص بجوار مكان الامام .... تكون انت منتظرهم في الخارج .... و حاول تشارك في حمل الجنازة او المشي خلفها
ولما تدخل مقابر البقيع ... ح تلاقي شماسي كتير عند الباب ... دي بتبقي منفعة عامة ... خد واحدة لأن الشمس بتبقى حامية جدا
و امشي ورا الجنازة و احضر الدفن .... الدفن هناك لحد ..... مختلف تماما عن مصر ....
ولا تنسي السلام على اهل البقيع والدعاء لهم
هناك دفن الكثير من الصحابة و أهل بيت الرسول وازواجه الطاهرات امهات المؤمنين .. عليه وآله وصحبه الصلاة والسلام
ربنا يكتبهالنا
وجزاك الله خيرا
نصائح غالية ,ربنا يكتبهالنا جميعا , اثابك الله .
شكرا اخى العضو على المعلومات الاكثر من رائعه
اهم حاجه علشان ربنا يتقبل -- امين يا رب
قبل السفر الى الحج ان تصل من قطعك توصل ما قطعت
و لا تكون سبب فى قطع رحم او حرمان اب من ابنه