نصائح سريعة لمن نوى القيام برحلة العمرة أو الحج (ربنا ييسرها لنا وللجميع)

**mohamed_kta** · 18-03-2009 11:38 AM

جزاك الله خيراً صاحب الموضوع

- مكه :نصيحة لكل من يبقى فى مكة أبتعد عن الشراء و التعامل مع الناس يعنى خليك فى حالك واشترى أكلك وشربك وبس و لو مش بتصلى أو بتطوف أو بتدعى خلي محل نظر عينك جهة الكعبة لأن النظر إليها بثواب و عيش وتخيل كرم ربنا عليك وتذكر ماكان عليه هذا المكان قبل الأسلام و أماكن سجود الحبيب صلى الله عليه وسلم .

- المدينة : مش هضيف كتير لكن أحرص على زيارة جبل أحد و مسجد قباء و ذوالقبلتين و كمان مقابر الشهداء سيدنا حمزة.

- نصيحة هامة : مع كل صلاة فى الحرمين خصوصاً الفجر بيكون فيه صلاة جنازة و أيضاً بيكون فيه دفنة فى البقيع فأحرص على أن تصلى و تمشى خلف المتوفى و تحضر الدفن .

**aif** · 18-03-2009 10:26 PM

المشاركة الأصلية كتبت بواسطة mohamed_kta

- نصيحة هامة : مع كل صلاة فى الحرمين خصوصاً الفجر بيكون فيه صلاة جنازة و أيضاً بيكون فيه دفنة فى البقيع فأحرص على أن تصلى و تمشى خلف المتوفى و تحضر الدفن .

تمام ...
الله يكرمك
الموضوع ده مهم جدا وثوابه عظيم
يمكن في مكة بيكون مكان المقابر بعيد عن الحرم
لكن في المدينة ... الدفن بيكون في البقيع .... يعني بجوار المسجد النبوي
لو عاوز تحضر دفن
.... احرص ان تصلي قرب باب البقيع ( بجوار قبر الرسول عليه الصلاة والسلام ) او صلي في الساحة بجوار باب البقيع من الخارج
و بعد الجنازة ح تلاقي الجنازة واقارب المتوفي بيخرجو من باب خاص بجوار مكان الامام .... تكون انت منتظرهم في الخارج .... و حاول تشارك في حمل الجنازة او المشي خلفها
ولما تدخل مقابر البقيع ... ح تلاقي شماسي كتير عند الباب ... دي بتبقي منفعة عامة ... خد واحدة لأن الشمس بتبقى حامية جدا
و امشي ورا الجنازة و احضر الدفن .... الدفن هناك لحد ..... مختلف تماما عن مصر ....
ولا تنسي السلام على اهل البقيع والدعاء لهم
هناك دفن الكثير من الصحابة و أهل بيت الرسول وازواجه الطاهرات امهات المؤمنين .. عليه وآله وصحبه الصلاة والسلام