أكيد
لأن حساس الشكمان بيقيس حرارة الغازات بداخل الشكمان
وكمبيوتر السيارة مضبوط ليزيد من البنزين حتى يصل بحرارة الغازات إلى حد معين
طبعاً لو بايظ في هذه الحالة الكمبيوتر هيزود بنزين عشان الحرارة تزد ولا مجيب لأن الحساس عطلان
رقم العضوية : 12659
تاريخ التسجيل : 10Jun2008
المشاركات : 9
النوع : ذكر
الاقامة : 6 OCTOBER
السيارة: FIAT
السيارة[2]: FIAT
دراجة بخارية: no
الحالة :
عندى عربية بروتون 2000 وبتاكل بنزين بشراهة . فحصت بالكمبيوتر وعلى جهاز فحص الرشاشات وعلى ضغط طرمبة البنزين وكله طلع تمام ماعدا حساس الشكمان وحساس الحرارة
مش شغالين , فهل حساس الشكمان يخلى العربية تاكل بنزين بالطريقة دى
مع العلم ان الموتور 1300 cc وبتعمل حوالى 120 كم فى الصفيحة
وشكرا مقدما لردودكم
شريف
رقم العضوية : 778
تاريخ التسجيل : 24May2007
المشاركات : 6,693
النوع : ذكر
الاقامة : العالم الإسلامي
السيارة: C
السيارة[2]: G
الحالة :
أكيد
لأن حساس الشكمان بيقيس حرارة الغازات بداخل الشكمان
وكمبيوتر السيارة مضبوط ليزيد من البنزين حتى يصل بحرارة الغازات إلى حد معين
طبعاً لو بايظ في هذه الحالة الكمبيوتر هيزود بنزين عشان الحرارة تزد ولا مجيب لأن الحساس عطلان
مهندس أحمد. facebook.com/AHMED1981
facebook.com/AHMED1981MECHANICAL
رقم العضوية : 11879
تاريخ التسجيل : 30May2008
المشاركات : 542
النوع : ذكر
الاقامة : Alexandia
السيارة: Toyota Yaris 2008
السيارة[2]: Matiz 99
الحالة :
تحياتي للاخوة المشاركين في الموضوع
بس عايز اصحح معلومة
حساس الشكمان مش وظيفته يقيس درجة حرارة
وظيفته انه يقيس درجة تشبع غاز العادم بالأكسجين وعشان كده اسمه بالإنجليزي O2 Sensor.
لو غاز الشكمان مشبع بدرجه عالية بالأكسجين يبقى في كميه هواء بتدخل غرفة الاحتراق اكتر من البنزين وبيكون المخلوط مش مظبوط فيقوم كمبيوتر السيارة بزيادة نسبة البنزين في المخلوط بزيادة وقت فتح الرشاشات.
لو الحساس وجد غاز الشكمان قليل الاكسجين بيقل حقن الوقود.
في الحالتين حيكون اداء السيارة مش مظبوط ففي الحالة الاولى حتاكل بنزين اكتر من الطبيعي ويعمل دخان اسود خفيف من الشكمان
في الحالة الثانية حتكون السيارة مخنوقة وخاصة عند بدء الحركة من الثبات ولما يكون عدد لفات الموتور RPM منخفض.
بس في حاجة انه حساس الشكمان ده مصمم انه يتحمل درجات حرارة كبيرة ويعيش فترات طويله جداً وش من الطبيعي انه يتغير بس البنزين الزباله عندنا يخرب اجدع عربية
بعدين الحساس ده سعره غالي جداً و متحاولش تجيبه استعمال.
غير البوجيهات وتأكد ان الفلاتر نظيفه قبل تغيير الحساس وتأكد ان طرف الأرضي متوصل كويس في بدن الموتور والصاج
استخدم بنزين من محطة نظيفه واستخدم منظف رشاشات كل 40000 كيلومتر.
لو لسه العربية مش مظبوطة فك الحساس ونظفه بقطعة قماش جافة او فرشة بويه جافة ولا تصب عليه بنزين او جاز او اي شيء لانه سيتلفه وغالبا ستجد عليه طبقة من التراب الأسود هي اللي عاملة عزل ومش مخلية الحساس يشتغل كويس.
وابقى طمنا عملت ايه.
والله اعلم
رقم العضوية : 19543
تاريخ التسجيل : 19Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
فعلا حساس الشكمان وظيفته الأساسيه جعل الحريق يعمل بنسبه هواء الى بنزين صحيحه 14.6:1 وذلك بمتابعة قياس نسبة الأكسجين الخارج مع غازات العادم فى نهاية كل دورة حريق...........وطبعا ليه الدور الأكبر فى التحكم فى أستهلاك البنزين كعملية كنترول للمحرك.............أما حساس الحراره دايما بيعرف حرارة مية التبريد لوحدة التحكم فى صورة متغيرات من خلال مقاومته اللى بتزيد مع نقص الحراره وبتقل مع زيادة درجة الحراره لمية التبريد وبرضه ليه دور حيوى فى أستهلاك البنزين..........وطبعا لايوجد مانع من نظافة خط الأتصال الأرضى لوحدة التحكم والتأكيد على جودة الأتصال الأرضى للبطاريه أيضا .......لأن عملية التحكم مرتبطه أرتباط وثيق بالأتصال الأرضى.................ويفضل زى ما أشار الأخ بنظافة الحساسات والفيش الخاصه بها وكذلك موضوع الأتصال الأرضى ( لعل وعسى يكون فيه خير )
المفضلات