بخصوص الدايهاتسو الشارد

**mahamedaraby** · 18-03-2009 06:30 AM

انا قريت موضيع كتير عن الدايهاتسو الشارد موديل 1993 ا فى القسم وخد فكره عامه عنها وشفت ليها صور

بس انا كنت عايز اسئل عن قطع غيارها انا عارف ان هى متوفره وكل حاجه ده حتى ممكن تطلبها من التوكيل بس اسعارها ايه نظامها

وهل هى اغلى من قطع غيار ال128 ولا زيها ولا اغلى حاجات بسيطه وياريت لو اسعار بعض الحاجات لنقارن يعنى

وانا معايا ال128 بتاعتى حالتها حلوه الصراحه مش تعابنى ولسه عملها عمره وكنت عامل موضوع لبيعها هنا فى المنتدى وكنت عايز ابيعها واركب شارد انتوا ايه رايكم

انا شفت عربيه دى مواصفتها

خليجى بحالة رائعة جداً بموتورها الاصلى ودواخل الفابريقة مرفوعة خمس سنوات-الوحيدة المرتفعة بشكل مميز عن الأرض-لا تحتك مطلقا بالمطبات-رخصة ثلاثة سنوات حتى ابريل 2012 باللوحات المرورية الجديدة-باربيز تريبلكس غير قابل للتفتت-جنوط أسبور بقفل ضد السرقة-كاوتش تيوبلس عريض كاسيت وأربعة سماعات 2 فى الأمام و2

وطالب فيها 21000 اروح اشوفها واخلص فيها ولا اخلى معايا ال128 وخلاص

**eng.octooo** · 18-03-2009 08:09 AM

وطالب فيها 21000 اروح اشوفها واخلص فيها ولا اخلى معايا ال128 وخلاص

لا طبعا هيا احسن من ال 128 من رائيىى بس لو ال128 مريحاك فبلاش تغيرها

**أبو عبدالله** · 18-03-2009 09:36 AM

انا رايي طبعا لو حالتها كويسه يبقى افضل من 128 أكيد

**mahamedaraby** · 18-03-2009 02:13 PM

طيب بالنسبه لاسعار قطع الغياره اسعارها ايه

والعربيه المعروضه عليا دى سعرها كويس ولا غالى

**عزيز محمد** · 18-03-2009 03:19 PM

المشاركة الأصلية كتبت بواسطة mahamedaraby

انا شفت عربيه دى مواصفتها

يا أخى الفاضل نصيحة لاتنخدع فى هذه المواصفات.
لازم تفحص حالة الموتور كويس جدا (لاحظ إنه موتورها الأصلى يعنى عمره 16 سنة، والله أعلم مشى كام كيلو)
كذلك لازم تفحص حالة الشاسية كويس جدا بالاستعانة بسمكرى تثق فيه. وكذلك حالة العفشة.
فى كام معلومة مش واضحة فى المواصفات مثل:
الموتور 1000 CC يعنى 3 سلندر أم 1300 يعنى 4 سلندرات.
هى بابين ام أربع أبواب.
مانيوال ولا أوتوماتيك.
مش قادر أفهم إزاى رخصة 3 سنوات حتى أبريل 2012، ده معناه إنه تم تجديد الرخصة فى شهر 4 سنة 2009 (يعنى الشهر الجاى

)
لاحظ كمان إنه مغير البرابيز فحاول تتأكد إنها مش نتيجة حادثة جامدة.
أعتقد لو كل حاجة فى العربية تمام يبقى سعرها ده لقطة.

آخر حاجة حضرتك ذكرت إنه ممكن طلب قطع الغيار من التوكيل وهو يجيبها، يا ترى حضرتك جبت المعلومة دى منين ومدى صحتها إيه؟؟ لإنى أعتقد إن التوكيل بيتعامل فقط مع الموديلات من 2006 فما فوق.

طبعا ده لا ينفى إن قطع الغيار موجودة خارج التوكيل سواء جديدة أو مستعملة (استيراد) وممكن تاخد فكرة عن مستوى الأسعار بسؤال محلات قطع الغيار اللى عناوينها وتليفونتها مثبتة بالمنتدى.

**mahamedaraby** · 18-03-2009 03:24 PM

انا قريب كذا مشاركه فى مواضيع هنا فى القسم تفيد انك لو عايز اى قطعه غيار للعربيه ممكن تطلبها من التوكيل وهو بيشحن كل فتره قطع غياره وتجيلك مع باقى قطع الغيار هو ده مصدر المعلومه

انا لسه مشفتش العربيه ولا كلمت الراجل لكن كنت بسال وقولت اكلم الراجل واخد الميكانيكى معايا ونكشف عليها هى 1000 سى سى

**أبو عبدالله** · 18-03-2009 03:28 PM

التوكيل فعلا بتطلب منه القطعة وبيأتي بها من الخارج من اليابان

**shaltot** · 21-03-2009 02:37 PM

اخي الكريم ممكن تستعين بالدكتور علاء صاحب محل دايهاتسولاند في الحرفيين والراجل ده محترم وبيقول كل حاجة بأمانة والعربية ال بيكشف عليها بيكون عارف قصة حياتها وتليفونه 26973390 او 0122329489