عرض للطباعة
انا حاسس انى هاموت قبل ما العربية تتظبط مع انى لسه 28 سنة , كل ما اظبط البنطلون الجاكتة تضرب
من امبارح وهى العربية مبرجلة لو مورت او هديت تروح مبطلة ,ادوس بنزين تروح نطة وتشتغل تانى .يا ترى العربية مالها؟
ياريتنى كنت اشتريت عجلة بجادون مسطرة كان هايبقى اكرملى من الـــ 127:b4_556:
العربية دى ملبوسة
حاول تبخرها .
ربنا معاك
والله فكرة موضوع البخور دة
بس ياريت اجابة على السؤال. انا حاسس ان العربية دى هاتجيبلى السكر قريب
يا جماعة بعد اذنكم ممكن حد يفيدنى فى الموضوع دة
واحد صاحبى بيقولى انها مشكلة بوجيهات,هل دة صحيح؟
مع العلم انى مركب بوجية يابانى 3 شمعة
ياراجل كل مشكلة وليها حل إن شاء الله
شوف بس ميكانيكي ابن حلال يكشفلك عليها وإن شاء الله تبقى كويسة
اومال احنا عامليت منتدى الفيات ليه يا جماعة مش عشان نستفيد من خبرات بعض ما انا كنت ممكن اروح للميكانيكى من غير ما حضرتك تقولى
هههههههههه اه تستفيد مننا بس احنا مش شايفين العربيه
كل العربيات اليومين دول بتبرجل لوحدها شوف الميكانيكى بتاعك وان شاء الله تكون حاجة بسيطة
أعتقد أنها مشكلة بوجيهات ركب لها بوجيهاتها الأصلية
غير أبلاتين وكوندسر وأكشف على الاسبلاتير وشوف الشاكوش والوش بتاعه
أكشف على الموبينة وسلك البوجيهات
العربية لو بتبطل لوحدها يبقى مش دخلها خليط كفاية ( هواء وبنزين)اقتباس:
المشاركة الأصلية كتبت بواسطة HASSANSG
وممكن يكون عندك بيك السلانسية مسدود او حد وطالك الموتور
نضف البيك وعلى الموتور سنة وشوف هتبطل ولا لا
اولا احب اشكرك جدا يا استاذ MAKA دايما ردودك واضحة ومفيدة وفى الجون
بس انا بجد امبارح عملت كل اللى حضرتك قولت علية وبرضة بتبطل
السؤال بقى حضرتك تنصحنى اروح للميكانيكى ولا لحد متخصص فى الكربراتير؟
بس ياريت حضرتك ترد علية علشان هاخلص شغل النهاردة وابدأ معاناتى مع الصنايعية
عزيزي الباشمهندز Hassansg
أخوك زيك بالضبط ... مش بحب أخد العربية للصنايعي من غير ماكون عارف فيها أيه عشان أنت عارف الصنانيعية و الأفتاء بتاعهم
كل اللي أقدر أساعدك بيه أن انا خلال الشهرين اللي فاتو تعرضت للأتنين (الكاربراتير و البوجيهات) و الأعراض كانت كالتالي
1-وأنت ماشي ... كل ماترفع رجلك من ع الأكسلراتير العربية بتطل ... و تحس أنك لازم تكبس بنزين كتير عشان ماتبطلش (ده كان بك السلاسنيه مسدود ... وسكلته بنفسي ... لتفاصيل أكتر أقرأ هنا -> http://www.nilemotors.net/Nile/showthread.php?t=56842
2- العربية تدور الصبح زي الحلاوة ... أركن أشتري حاجة و أرجع أدورها ماتدورش ... صوت المارش بيكون كويس لكن العربية مابتلطقش ... (دي خدتها لميكانكي) فك البوجيهات و كان سن البوجيه مش نضيف و محروق ...
أتمني أكون ساعدتك ولو بقليل
مشكووووووور جدا يا اخ Roky على الافادة ويارب دايما فى نجاح ويكفيك شر الـــ 127
حضرتك روح لميكانيكى كويس هيظبطهالك باذن اللهاقتباس:
المشاركة الأصلية كتبت بواسطة HASSANSG
ولو عوزت اى حاجة انا تحت امرك
بص يا باشا...
اول حاجه تكشف علي الكربراتير... ممكن يكون في وسخ سادد الفونيه. وده بيتهيأ لي سهل وممكن تتأكد منه بنفسك.
اما لو الفواني تمام تبقي عاوز تظبط باك السلانسيه... وده عند اي ميكانيكي نظيف وبياخد 10 جنيه بالكتير.
اتأكد من الحاجتين دول الاول قبل ما تدخل نفسك في متاهات.
الحاجات دي لو العربيه مابتدورش اساسآ واحترت في العيب فبتعمل عمرة لكهرباء الماكينة.اقتباس:
غير أبلاتين وكوندسر وأكشف على الاسبلاتير وشوف الشاكوش والوش بتاعه
أكشف على الموبينة وسلك البوجيهات
لكن في احتمال فعلآ ان الموبينه بتقطع لما بتسخن. ودي حصلت معايا قبل كده بس بعد السفر الطويل ابطل العربيهو ماتدورش نهائي. والاقي الموبينه مولعه... اسيبها ساعه ولا حاجه وادور تدور... ولما غيرت الموبينه اتظبطت.
بالنسبة للبوجيهات: ممكن تفكها وتكشف عليها لو مرطبه او مهببه... حاول تسنفرها كويس وتحرقها... وبعد ماتركب اختبر الكهرباء بتاعتها وشوف في شرر طاله من الموبينه للبوجيهات ولا لأ...
وخللي بالك لو المشكلة دي حصلت بعد ما فولت العربيه مثلآ ممكن يكون البنزين كان مخلوط او مش كويس وهو اللي عامل البرجلة دي.
انا حاولت احصر لك ابعاد المشكلة...
كلام maka مضبوط ميه في الميه
احب اشكر كل الأخوة اللى ردو عليه وخصوصا الاستاذ / Maka
لان فعلا المشكلة كانت فى الهوا اللى داخل للكربراتير كان المسمار بتاعة مقفول
والحمد لله العربية دلوقتى تمام
ويارب دايما نقدر نفيد بعض وبشكركم جدا جدا جدا