الله يسامحك والله الصوره دى تزعل
بس ايه الجديد انا أعرف ناس مغتربين واوروبيين كلهم بيقولوا الكلام ده عن مصر وأنا سمعته منهم شخصيا
خلاص أنا حاسس ان ماعدش فيه امل فينا احنا بقينا شعب غرييييييب وتصرفاتنا اغرب تلاقى الواحد ماشى عكس الإتجاه ويقولك فيها ايه تلاقى المشاه بتعدى الطريق فى منزل الكوبرى ويقولك اللى جاى هوه اللى يهدى تلاقى واحد راكب عربيه ركن فى نص الطريق ويقولك الطريق واسع ماتعدى تلاقى واحد قطع عليك الطريق مره واحده ويقولك ياعم صلى على النبى
ايه اللى وصلنا لكده مش عارف ليه احنا بقينا كده مش عارف
أنا لما باسمع حكايات من جدى أو جدتى _ربنا يديها طوله العمر- عن الناس زمان والحياه زمان باتعجب احنا ليه وصلنا لكده فى ناس بتقول احنا مرينا بمراحل سياسيه واقتصاديه صعبه ياترى هتكون اصعب من اللى مرت بيه المانيا فى الحرب العالميه أو اليابان ...؟
طيب ايه الحل مش عارف تعليم متدنى وحاله اقتصاديه صعبه ومشاكل مالهاش اول من اخر واللى اسوأ من ده كله مافيش اخلاق الواحد بيشوف ناس غريبا وسلوكيات أغرب اشوف اب شايف ابنه بيخرب فى الشارع ولو حد حب يكلمه تقوم الدنيا ايه اللى حصل عيل وبيلعب .. فين التربيه فين السلوكيات الكويسه
خايف اصارح نفسى واقول ان اللى جاى اسوا ومافيش حل