الى الاستاذ صورة عضوية galilio_mad

**batros** · 18-03-2009 09:53 AM

اولا انت بجد راجل كلك افادة ثانيا نخش فى الموضوع انا بدور على عربية تمنها رخيص شويه و قطع غيارها رخيصة برضة وموفره فى البنزين انا بصراحة كنت اول مره اسمع عن التيبو ديه بس انت لفت نظرى ليها بصراحة بس عايز استفسر منك على كذا حاجه كده لو مفيهاش تعب ليك سعة محركها وعزمها انا محتاجها انجكشن فهل ده موجود تكييفها قوى ولا لا وفى السرعات مع التكييف ايه نظامها كمالياتها ايه تقريبا استهلاكها للوقود عامل ايه يعنى كام كيلو فى الصفيحة قطع غيارها ايه نظامها سعرها تقريبا يكون كام دلوقتى وفى منها فى القاهرة ولا لا عشان انا مشفتهاش قبل كده ولو فيها ازعاج عايز صوره ليها من جوه وشكل تابلوها واسف اسف اسف للاطالة بس انا ملقتش غيرك هنا بيتكلم عن السيارة ديه بافاضة.

**batros** · 18-03-2009 12:50 PM

يا جماعة واحد واحد يرد عشان الحق اقراهم كلهم ههههههه
واضح ان الكل عايز يفيد بعضه بدليل ان 14 واحد دخل ورد بكل شجاعة

**zeyad1810** · 18-03-2009 01:24 PM

مانت حددت فى عنوان موضوعك مين اللى انت عايزة يرد عليك يبقى عايز الناس التانية ترد عليك لية ؟؟

**batros** · 18-03-2009 02:09 PM

اسف على التحديد بس انا لسه جديد فى المنتدى ولقيت الناس بتسال الشخص ده ..وكمان كلنا هنا واحد

**galilio_mad** · 18-03-2009 07:43 PM

واجده و احده يا ريس
اولا اهلا بيك معانا

ثانيا ندخل على المفيد

المواتير :
1400cc - Carburettor - 70 hp/6000 RPM - 106 NM/3000 RPM
1600cc - Carburettor - 81 hp/6000 RPM - 124 NM/3000 RPM
1400cc - SPI - 68 hp/6000 RPM - 106 NM/3000 RPM
1600cc - SPI - 76 hp/5750 RPM - 124 NM/3000 RPM
دى كلها مواتير SOHC - 8v - وده اللى موجود فى مصر
بره فى 1800 و 2000 - المكنتين DOHC - MPI - فى من الاتنين 8v و 16v

التكييف كويس , طبعا مش زى اليابانى بس بتبقى قاعد فى سقعة جميلة
مع السرعات التكييف بيبقى تلج تلج

الكماليات , اقل حاجة حتلاقيها سنتر و زجاج كهربائى امامى و ده Standard فى كل ال تيبو بعد كده حتلاقى تكييف , باور ستيرنج , انذار بريموت , فتحة سقف عادية او كهربا , مرايات كهربا , تابلوه ديجيتال

قطع الغيار , هى كل حاجتها الميكانيكا و العفشة موجوده فى السوق بس اسأل على تمبرا مش تيبو لان للاسف 80% من المحلات اللى رحتها مش عارفين تيبو اصلا , او الاسهل انك تاخد الحاجة القديمة معاك حتلاقيها 100 % و اسعارها كويسه جدا

استهلاك البنزين بتعمل من 140 الى 200 كم فى الزحمه و بتلعب فى ال 300 فى الطوالى ( ده بشكل عام )
انا معايا 1600 SPi , عاده بعمل 180-200 جوه البلد و باعدى ال 300 فى السفر , وده بالسواقه المعتدله , بالقرص بتقل طبعا بس حسب سواقتك

العربيه موجوده فى القاهرة و شفت منها كتير
السعر مقدرش افيدك فيه بس انا اسمع الاونو فى اواخر العشرينات يبقى افتكر التيبو ممكن تبقى اكتر من كده شويه

لو فى اى حاجه تانى اسأل و ما يهمكش :)

**zeyad1810** · 19-03-2009 12:30 AM

المشاركة الأصلية كتبت بواسطة batros

اسف على التحديد بس انا لسه جديد فى المنتدى ولقيت الناس بتسال الشخص ده ..وكمان كلنا هنا واحد

طبعا كلنا واحد
بس للاسف العربية دى قليلة اوى فى مصر فمش هتلاقى هنا ناس كتير عارفة حاجة عنها
واكيد اللى هيكون عارف حاجة هيقولهالك
واهو الاخ galilio_mad قالك كل حاجة عنها بما انة يملكها
وربنا يوفقك فى عربية كويسة

**batros** · 19-03-2009 05:10 PM

thanks for all your answers

**galilio_mad** · 20-03-2009 07:59 PM

you're welcome

**m000dy** · 20-03-2009 08:27 PM

العربيه دى مع واحد اعرفه
اكتر من ممتازه
تكتسح الريجاتا فى تحملها وهدوءها وسحبها
عفشه وموتور وقطع غيار معمره جدا على كلام صاحبها
لو فى عربيه موديل تسعينات اتظلمت تبقى دى مش اى عربيه تانيه
وواسعه من جوا
وشكلها يقبل الترويش بشكل غير عادى
لو جنطتها بس بس هاتنطق خصوصا جنوط اشكال المروحه
وكل ماتعرض فى الكاوتش كل ماتقرب من الارض كل ماتزيد ثبات على ثباتها
وشكلها بيبقى احلى
وميزتها ان معظم قطع غيارها مشتركه مع التمبرا